Karel Reisz

Karel Reisz
	; (1966) Irudi gehiago
Bizitza
Jaiotza	Moravská Ostrava (en) , 1926ko uztailaren 21a
Herrialdea	Erresuma Batua ; Txekia
Talde etnikoa	Txekiarra
Heriotza	Camden Town eta Londres, 2002ko azaroaren 25a (76 urte)
Familia
Ezkontidea(k)	Betsy Blair (en) (1963 - 2002)
Hezkuntza
Heziketa	Emmanuel College (en) ; Leighton Park School (en)
Hizkuntzak	ingelesa
Jarduerak
Jarduerak	film-zuzendaria, zinema ekoizlea, idazlea, gidoilaria, errealizadorea, produktorea, antzerki zuzendaria eta zinema-kritikaria
Lantokia(k)	Erresuma Batua
Jasotako sariak	ikusi BAFTA Award for Best Film (1961) : Saturday Night and Sunday Morning (en) ;
Zerbitzu militarra
Adar militarra	Czechoslovak army in exile (en)

Karel Reisz (Ostrava, 1926ko uztailaren 21a - Londres, 2002ko azaroaren 25a) ingeles zinemagilea izan zen, jatorriz txekiarra. Hamabi urte zituela, Erresuma Batura abiatu zen naziengandik ihesi. Zinema-kritikari izan zen, eta National Film Theatre antzokian lan egin zuen. 1953an, The Technique of Film Editing (Filmak muntatzeko teknika) liburua argitaratu zuen, zinemagile askorengan eragina izan duen liburua. 1956an zuzendu zuen lehen filma Tony Richardsonekin batera, Momma Don´t Allow (Amak ez du baimenik ematen), eta Free Cinema delako dokumental-filmen mugimenduaren manifestu bilakatu zen. Bakarrean egin zuen lehen film luzean, Saturday Night and Sunday Morning (1960) lanean, senaren eta gizartearen betebeharren artean gizabanakoak duen gatazka adierazi zuen. Urte batzuk geroago, britainiar zinemagintza krisian zegoela, Estatu Batuetara jo zuen. Beste film aipagarri batzuk: We Are The Lambeth Boys (1959), Isadora (1968), The Gambler (1974, Jokalaria), Dostoievskiren eleberrian oinarritua; Who´ll Stop the Rain (1978), Sweet Dreams (1985, Amets goxoak) eta The French Lieutenant´s Woman (1981, Frantses tenientearen emaztea).

Erreferentziak

Wikimedia Commonsen badira fitxategi gehiago, gai hau dutenak: Karel Reisz

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q167023
Multimedia: Karel Reisz / Q167023