Martin Braithwaite

Martin Braithwaite
	; (2021) Irudi gehiago
Bizitza
Jaiotzako izen-deiturak	Martin Christensen Braithwaite
Jaiotza	Esbjerg, 1991ko ekainaren 5a (33 urte)
Herrialdea	Danimarka
Lehen hizkuntza	daniera
Hezkuntza
Hizkuntzak	daniera
Jarduerak
Jarduerak	futbolaria
Ibilbidea
	Parte-hartzailea 2018ko Munduko Futbol Txapelketa ;
Posizio edo espezialitatea	aurrelaria
Kirol zenbakia	9
Pisua	77 kilogramo
Altuera	177 zentimetro

Martin Braithwaite (Esbjerg, Danimarka, 1991ko ekainaren 5a) Bartzelona Futbol Klubean aurrelari gisa jokatzen duen danirmarkar futbol jokalaria da. Danimarkako futbol selekzio nazionalean ere jokatzen du, eta aukerak ditu 2020ko Eurokopan parte hartuko dutenen deialdian sartzeko.

Ibilbidea

Martinek bere ibilbidea bere hiriko klubean hasi zuen, hain zuzen ere, Esbjerg fB taldean. Klub honetako bere mailetatik pasa ondoren, 2009an, 18 urte besterik ez zituela, lehen taldearekin jokatzen hasi zen. 2013rarte jokatu zuen talde honetan, 89 partidu jokatuz eta bere talderentzat 17 gol sartuz. 22 urterekin, ordea erronka berriei aurre egitea erabaki zuen beste talde batzuetan, eta horregatik Toulouse Frantziako taldeak erosi zuen, Esbjerg-i 2 milioi ordainduz. Toulousen eman zuen benetan Martinek bere kalitatearen berri, han ere leku bat irabazi eta marka politak lortu baitzituen. 136 partidu jokatu zituen txapelketa guztietan, eta 35 gol erdietsi zituen.

Heldu zen etapa hori atzean uzteko garaia ere, eta berak esan moduan erabaki zail bat eta gero, 2017an Ingalaterrako bigarren mailako Middlesbrough taldeak fitxatu zuen, talde frantziarrari 9 milioi euro ordaindu ondoren. 2019. urteko udararte iraun zuen kontratuak, baina benetan Braithwaitek 2017-2018 eta 2018-2019 denboraldietako lehen zatiak besterik ez zituen jokatu taldearekin. Bi zati hauetan, 36 partidu jokatu eta 8 gol sartu zituen. Hala ere, bi denboraldietako azken txanpetarako Bordeaux (14 partidu, 4 gol) eta CD Leganes (19 partidu, 4 gol) taldeetara utzi zuten. Azken talde honetan gustura gelditu ziren aurrelariarekin, beraz 5 milioi ordaintzea erabaki zuten, Martin bertan gera zedin.

Jokaldia ongi atera zitzaien. 2019-2020 denboraldiko lehen zatian eman zuen maila onaz gain, 24 partidutan 6 gol sartu baitzituen; Bartzelonak Ousmane Dembélé eta Luis Suarezen lesioen aurrean jokalariaren etete-klausula ordaintzea erabaki zuen, zeina 18 milioikoa zen. Leganesek jokalari garrantzitsua galdu zuen, baina 13 milioi euroko probetxua atera zuen bi operazioekin.

Datuak: Q2440999
Multimedia: Martin Braithwaite / Q2440999