Ramiro de León Carpio

Ramiro de León Carpio
	; Irudi gehiago
; 31. Guatemalako presidente
President of the Congress of the Republic of Guatemala (en)
Guatemalako Kongresuko kidea
Bizitza
Jaiotza	Guatemalako Hiria, 1942ko urtarrilaren 12a
Herrialdea	Guatemala
Heriotza	Miami, 2002ko apirilaren 16a (60 urte)
Hobiratze lekua	Guatemala City General Cemetery (en)
Heriotza modua	: Koma diabetikoa
Familia
Ezkontidea(k)	Mayra Duque (en)
Hezkuntza
Heziketa	Guatemalako San Carlos Unibertsitatea ; Xavier Lyceum, Guatemala (en)
Jarduerak
Jarduerak	politikaria eta abokatua
Sinesmenak eta ideologia
Alderdi politikoa	National Centre Union (en) ; hautagai independente; Guatemalan Republican Front (en)

Ramiro de León Carpio (Guatemalako Hiria, 1942ko urtarrilaren 12a – Miami, Ameriketako Estatu Batuak, 2002ko apirilaren 16a) guatemalar politikaria izan zen. 1993-1996 bitartean Guatemalako Errepublikako presidentea izan zen^[1].

Bizitza

Guatemalako Unión del Centro Nacional alderdiaren sortzailetako bat (1983) izanik, alderdiko idazkari nagusi (1983-1986) eta Biltzar Konstituziogileko diputatu (1984-1986) aukeratu zuten. Zenbait alditan, Biltzarreko lehendakari izan zen eta, aldi berean, Giza Eskubideen prokuradore (1983-1993). Jorge Serrano Elías presidente ohiak 1993ko maiatzean Biltzarra deuseztatu eta Guatemala normaltasun konstituzionalera itzuli zenean, De León Carpio aukeratu zuen Kongresuak Guatemalako Errepublikako lehendakari, agintaldi konstituzionala osatzeko (1993-1996).

De Leónen gobernuak hainbat berrikuntza bultzatu zituen ustelkeria errotik atera eta adierazpen askatasuna bermatzeko. Bill Clinton Estatu Batuetako presidenteak eta Erdialdeko Amerikako presidenteek sinatu zuten Garapen Iraunkorraren Hitzarmenean ere parte hartu zuen 1994ko abenduan. 1996ko urtarrilean, agintaldia bukatu zenean, Álvaro Arzú lehendakariari eman zion aginpidea.

2002ko apirilaren 16an hil zen Miamin.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Ramiro de León Carpio Cidob.org

Wikimedia Commonsen badira fitxategi gehiago, gai hau dutenak: Ramiro de León Carpio

Datuak: Q539891
Multimedia: Ramiro De León Carpio / Q539891

[1] Ramiro de León Carpio Cidob.org

[1]