Apple Lisa
O Apple Lisa foi unha computadora persoal deseñada por Apple Computer a comezos da década dos 80.
Proxecto Lisa
[editar | editar a fonte]O proxecto Lisa iniciouse en 1978 e lentamente evolucionou para deseñar un poderoso ordenador persoal cunha interface gráfica de usuario. Lisa ía ser dirixido cara clientes de negocios.
Arredor de 1982, Steve Jobs foi forzado a abandonar o proxecto lisa, polo que se uniu ó proxecto Macintosh. Ao contrario do que se cre, o Mac non é un descendente directo de Lisa, aínda que hai semellanzas entre ambos sistemas operativos e a revisión final de Lisa 2/10 foi modificado e vendido como Macintosh XL.
O nome Lisa
[editar | editar a fonte]Mentres que na documentación embalada co Lisa orixinal só referíase a el como The Lisa, oficialmente, Apple indicou que era o acrónimo para Local Integrated Software Architecture (en galego: Arquitectura de Software Integrada Localmente).
Posto que a primeira filla de Steve Jobs, nada en 1978 chamouse Lisa, normalmente dedúcese que o nome tiña unha asociación persoal e que quizais o acrónimo foi inventado despois para cadrar co nome.[1]
O fracaso do Lisa
[editar | editar a fonte]O Apple Lisa converteuse nun fracaso para Apple, o máis grande desde o Apple III de 1980. Os clientes ós que o Lisa estaba dirixido (empresas), resistíronse ao alto prezo do ordenador e gran parte optou por traballar cos menos custosos IBM PC, que xa comezaban a dominar o mercado da computación nos negocios.
O maior cliente do Lisa foi a NASA, a cal usou o Apple Lisa para a administración de proxectos e víronse envoltos en serios problemas cando o Lisa deixou de ser comercializado. Ademais disto o Lisa foi visto como un aparello lento a pesar da súa innovadora interface. A caída definitiva do Apple Lisa foi o lanzamento do Macintosh en 1984, que axudou a desacreditar ó Lisa debido que tamén posuía unha interface gráfico, rato e era menos custoso.
Antes de que o Lisa desaparecera por completo, Apple lanzou dous novos modelos, o Apple Lisa 2 e o Macintosh XL. Finalmente a liña Apple Lisa desapareceu en agosto de 1986.
Notas
[editar | editar a fonte]- ↑ No film The Pirates of Silcon Valley deixase entrever esta teoría
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Apple Lisa spotlight at GUIdebook
- Birth of the Lisa
- (Atención: 67.9MB PDF) Arquivado 22 de xullo de 2011 en Wayback Machine.
- http://www.dmoz.org/Computers/Systems/Apple/Lisa/
- mprove: Graphical User Interface of Apple Lisa
- Rare images of screenshots and prints of first Apple Lisa Prototype GUI still without icons
