Cátedra universitaria

No sistema universitario de España, unha cátedra universitaria é o posto o máis alto no escala docente dunha Universidade, ocupado por persoal docente e investigador logo de pasar unha serie de requisitos. Algúns postos universitarios, como o reitorado, só poden ser ocupados por catedráticos ou catedráticas.

Historia

Antigamente as cátedras universitarias eran a base da organización das Universidades, e tiñan a súa propia autonomía económica e de investigación. Hoxe, esta base son os Departamentos que, segundo a vixente Lei Orgánica 6/2001, de 21 de decembro, de Universidades, son os órganos encargados de coordinar as ensinanzas dunha ou varias áreas de coñecemento nun ou varios centros, de acordo coa programación docente da universidade, de apoiar as actividades e iniciativas docentes e investigadoras do profesorado, e de exercer aquelas outras funcións que sexan determinadas polos estatutos da universidade.

Requisitos

En España, o posto de catedrático está regulado pola Lei Orgánica de Universidades (LOU) de 2001, modificada en 2007, 2011, 2012 e 2015. Para acceder a el, é necesario cumprir os seguintes requisitos:

• Ser profesor titular de universidade ou catedrático de escola universitaria.
• Estar en posesión do título de doutor.
• Ter un mínimo de tres anos de antigüidade.
• Lograr a acreditación do currículo por parte da Axencia Nacional de Avaliación da Calidade e Acreditación.
• Superar unha proba selectiva na Universidade de destino.
• Non ter antecedentes penais.

Véxase tamén

Outros artigos

• Cátedra de ensino secundario

Ligazóns externas

• Ley Orgánica de las Universidades texto consolidado (en castelán).
• R.D. 415/2015, por el que se modifica el R.D. 1312/2007, por el que se establece la acreditación nacional para el acceso a los cuerpos docentes universitarios (en castelán).