Descentralización
 | Atención: Este artigo ou apartado precisa dun traballo de revisión. Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde febreiro de 2011) |
A descentralización pódese entender como proceso (desde o centralizado) ou como forma de funcionamento dunha organización. Supón transferir o poder, (e coma tal, o coñecemento e os recursos) dun goberno central cara a autoridades que non están xerarquicamente subordinadas. A relación entre entidades descentrais son sempre horizontais non xerárquicas. Unha organización ten que tomar decisións estratéxicas e operacionais. A centralización e a descentralización son dúas maneiras opostas de transferiren poder na toma de decisións e de mudaren a estrutura organizacional das empresas de forma concordada.
Formas de descentralización do Estado
[editar | editar a fonte]- Descentralización horizontal. É aquela que dispersa o poder entre institucións do mesmo nivel, como por exemplo as decisións sobre o gasto dun ministerio que se pode distribuír entre varios, ou o conxunto de competencias de cada estado nun conxunto confederal.
- Descentralización vertical. A diferenza da anterior, permite que algúns poderes do goberno central se deleguen cara niveis de administración inferiores (locais ou territoriais de calquera índole) e pode adquirir as formas de desconcentración, delegación, devolución e privatización.
- Descentralización administrativa. Supón o traslado de competencias da administración central do estado a novas persoas xurídicas de dereito público, dotadas dun patrimonio propio. Aínda que o poder central ten un control moi limitado sobre as actividades das entidades documentadas.
- Descentralización política. Nela os poderes, competencias e funcións administrativas, normativas e de goberno, trasládanse a un órgano cunha base territorial determinada (nación, estado, rexión, territorio, localidade, comuna etcétera).
- Descentralización funcional. Consiste no recoñecemento ao órgano correspondente de competencias específicas ou delimitadas só a un sector de actividade; é dicir, o Estado asigna unha función técnica ou de servizos a unha entidade xestora que dispón de personalidade xurídica e patrimonio propio. Un exemplo pode ser unha empresa pública.
- Descentralización territorial. Entraña o traspaso de poder decisorio a órganos cuxo ámbito de actividade o xurisdición constitúe un territorio ou unha localidade.
- Descentralización mixta. As dúas formas anteriores pódense combinar e dar paso a unha descentralización política cunha base territorial, como é o caso dos gobernos territoriais, ou ben a unha funcional e territorial, como sucede cunha empresa estatal nunha provincia.
- Descentralización fiscal.
