El Masnou

El Masnou

Bandeira Brasón
Localización
41°28′54″N 2°19′04″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Maresme
Capital	El Masnou (en)
Poboación
Poboación	24.181 (2023) (7.112,06 hab./km²)
Lingua oficial	lingua catalá
Xeografía
Superficie	3,4 km²
Bañado por	Mar Mediterráneo
Altitude	27 m
Comparte fronteira con	Teià Montgat Premià de Mar Alella
Datos históricos
Día festivo	Pedro
Organización política
• Alcalde	Jaume Oliveras i Maristany (en) (2023–)
Identificador descritivo
Código postal	08320
Fuso horario	UTC+01:00
Código INE	08118
Código territorial IDESCAT	081189
Sitio web	elmasnou.cat

Igrexa do Masnou

El Masnou é un concello da costa do Maresme, na provincia de Barcelona, Cataluña. Está situado a 17 km ao nordés de Barcelona, entre os termos municipais de Montgat e Premià de Mar. Ten unha poboación de 22.536 habitantes.

Historia

O actual termo municipal do Masnou pertenceu, antigamente, a Sant Fèlix de Alella e a Sant Martí de Teià, pobos lindeiros relativamente afastados do mar para protexerse dos ataques dos piratas. A súa poboación vivía da agricultura e a pesca e, na praia establecéronse as comunidades de pescadores. Tiña estaleiros propios onde se construían grandes veleiros e embarcacións de pesca.

Co paso do tempo foron construíndose masías fortificadas próximas á praia e, a partir de 1812, coa proclamación da Constitución Liberal, a vila puido escoller alcalde. No entanto, a segregación e independencia do Masnou respecto de Teià non se produciu ata 1825. O novo municipio incorporou o barrio de Ocata e, posteriormente, en 1846 o barrio de Alella del Mar, chamado tamén Cases del Mar.

El Masnou conserva ata o día de hoxe os títulos de "Vila Benéfica" concedido en 1902 polo rei Afonso XIII, con motivo da construción dun asilo benéfico (a Casa Benéfica) e o de "Ilustrísima Vila", concedido en 1909, tamén por Afonso XIII, pola construción, sen axuda ningunha, da Escola Nacional (actual escola de Ocata).

El Masnou foi lugar de veraneo para a alta burguesía catalá que deixou o seu sinal nos diversos chalés e "torres" construídos durante os séculos XIX e XX.

Economía

Na actualidade, a agricultura desapareceu case por completo. Outrora estaba dedicada ao cultivo de froitas, hortalizas e verduras. Actualmente, o seu principal e case único cultivo é o da flor, especialmente o caravel que se exporta a case toda Europa.

A industria é máis importante. Predomina o sector do téxtil (xéneros de punto), encabezadas pola compañía DOGI. Hai tamén industrias dedicadas á construción, á cerámica, ao vidro (Ramón Clemente) e produtos farmacéuticos (Alcon-Cusí).

Festividades

• Sant Pere, o 29 de xuño.
• Ple de riure, en xullo.

Edificios históricos e de interese

• Casa de la Vila, de estilo neoclásico do arquitecto Miquel Garriga i Roca.
• Museu Cusí de Farmàcia.
• Casa Benèfica, de estilo modernista.
• Casa del Marquès de Masnou, de estilo neoclásico.
• Casino, edificio modernista con algúns elementos eclécticos.
• Casa de Cultura, tamén de estilo modernista.
• CEIP Ocata, interesante adaptación do estilo modernista a instalacións de uso público.
• Museu Municipal de la Nàutica del Masnou. Está situado no actual Edifici Centre.

Véxase tamén

Ligazóns externas

• Páxina do concello (en catalán)
• Patrimonio histórico-artístico de El Masnou (en catalán)