Արարատ Ամիրխանյան
- Վիքիպեդիայում կան հոդվածներ Ամիրխանյան ազգանունով այլ մարդկանց մասին։
| Արարատ Ամիրխանյան | |
|---|---|
| հունվարի 8, 1966 - հունվարի 10, 1994 (28 տարեկան) | |
| Ծննդավայր | Այգեստան, Խոջալուի շրջան, Ադրբեջան |
| Մահվան վայր | Հորադիզ, Ֆիզուլիի շրջան, Ադրբեջան |
| Գերեզման | Այգեստան |
| Մարտեր/ պատերազմներ | Արցախյան ազատամարտ |
| Պարգևներ |  |
Արարատ Ամիրխանյան (8 հունվարի, 1966, Այգեստան, Ասկերանի շրջան - 10 հունվարի, 1994, Հորադիզ), հայ ազատամարտիկ, Արցախյան ազատամարտի մասնակից։
Կենսագրություն
[խմբագրել | խմբագրել կոդը]Արարատ Ամիրխանյանը ծնվել է 1966 թ. հունվարի 8-ին Ասկերանի շրջանի Այգեստան գյուղում։ Ավարտել է տեղի միջնակարգ դպրոցն ու Ստեփանակերտի ավտոդպրոցը, որից հետո որպես փականագործ աշխատանքի է ընդունվել Ստեփանակերտի Ղարմետաքսկոմբինատում։ Ծառայել է Խորհրդային բանակի շարքերում։ Զորացրվելուց հետո շարունակել է աշխատել նույն տեղում, իսկ 1987 թ. աշխատանքի է անցել ՇԱՇ-12-ում որպես ավտովարորդ, որտեղից էլ տեղափոխվել է Ստեփանակերտի կաթնամթերքային կոմբինանտ ու աշխատել որպես ավտովարորդ։ 1992 թ. կամավոր մտել է Այգեստանի ինքնապաշտպանական ջոկատը։ Մասնակցել է Ջամիլուի, Խոջալուի, Ջանհասանի, Քոսալարի, Լաչինի, Մարտակերտի շրջանի գյուղերի, Շահումյանի շրջանի ազատագրական ու պաշտպանական մարտերին։ Զոհվել է 1994 թ. հունվարի 10-ին Հորադիզում։ Հետմահու պարգևատրվել է ԼՂՀ «Արիության համար» մեդալով։ Ամուսնացած էր, ունի մեկ երեխա։ Հանգչում է Այգեստանի գերեզմանատանը[1]։
Ծանոթագրություններ
[խմբագրել | խմբագրել կոդը]- ↑ «Արարատ Ամիրխանյանը Արցախյան պատերազմի թանգարանի կայքում». Արխիվացված է օրիգինալից 2016 թ․ մարտի 5-ին. Վերցված է 2014 թ․ փետրվարի 26-ին.