Էդվարդ Մորիկյան

Վիքիպեդիայում կան հոդվածներ Մորիկյան ազգանունով այլ մարդկանց մասին։

Էդվարդ Մորիկյան
Ծնվել է	օգոստոսի 22, 1927(1927-08-22) Օշական, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ
Մահացել է	հուլիսի 24, 2002(2002-07-24) (74 տարեկան) Երևան, Հայաստան
Մասնագիտություն	Պտղաբուծություն
Ալմա մատեր	Հայաստանի ազգային ագրարային համալսարան
Գիտական աստիճան	գյուղատնտեսական գիտությունների դոկտոր և ակադեմիկոս

Էդվարդ Սարգսի Մորիկյան (օգոստոսի 22, 1927(1927-08-22), Օշական, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ - հուլիսի 24, 2002(2002-07-24), Երևան, Հայաստան), պտղաբույծ-ընտրասերումնաբան։ Գյուղատնտեսական գիտությունների դոկտոր (1986), ՀՀ ԳԱԱ ակադեմիկոս (1994)։

Կենսագրություն

1955 թվականին ավարտել է Հայկական գյուղատնտեսական ինստիտուտը։ 1965-2002 թվականներին աշխատել է Խաղողագործության, գինեգործության և պտղաբուծության ԳՀԻ-ում. 1992-2002 թվականներին՝ պտաբուծության բաժնի վարիչ։ Հայտնաբերել ու նկարագրել է դեղձենու, ծիրանենու, սալորենու 500-ից ավելի սորտեր ու տեսակներ, ընտրասերման միջոցով ստեղծել է ծիրանենու Նաիրի, Վասպուրական, Արարատի, Արագածի, Վարդենի, Օշականի, Հայկական ուշահաս(Սեպտեմբերի), դեղձենու Մաշտոց, Զվարթնոց, Ամբերդ, Այգեզարդ, Գեղարդ, Անի, Աղթամար, Արտաշատի, Աշտարակի, Օշականի, Բյուրականի, Շիրակի սորտերը։ Խաղողագործության և գինեգործության միջազգային ակադեմիայի անդամ(1998)։

Հեղինակ է «Այգեգործության սկզբնավորումը և զարգացումը Հայաստանում», «Հայաստանի ծիրանենիները», «Հայկական դեղձենու շրջանացված և տարածված սորտերը» և այլ գրքերի ու բազմաթիվ գիտական հոդվածների։ Մորիկյանի կողմից ստեղծվել են ծիրանենու, դեղձենու, խաղողի տարբեր նոր սորտեր։

Երկեր

• Այգեգործության սկզբնավորումը և զարգացումը Հայաստանում, Երևան, 1982։
• Հայկական դեղձենու շրջանացված և տարածված սորտերը, Երևան, 1983։
• Հայաստանի ծիրանները, Երևան, 1988։

Ծանոթագրություններ

Վիքիդարանն ունի նյութեր, որոնք վերաբերում են «Էդվարդ Մորիկյան» հոդվածին։