Պայքար Խուրշուդյան
- Վիքիպեդիայում կան հոդվածներ Խուրշուդյան ազգանունով այլ մարդկանց մասին։
| Պայքար Խուրշուդյան | |
|---|---|
| Ծնվել է | մարտի 13, 1925 |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Մահացել է | օգոստոսի 27, 2002 (77 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Կրթություն | Հայաստանի ազգային ագրարային համալսարան (1950) |
| Գիտական աստիճան | կենսաբանական գիտությունների դոկտոր (1974) |
| Մասնագիտություն | բուսաբան |
| Աշխատավայր | Բուսաբանության ինստիտուտ |
Պայքար Արտավազդի Խուրշուդյան (մարտի 13, 1925, Երևան, Հայկական ԽՍՀ, ԱԽՖՍՀ, ԽՍՀՄ - օգոստոսի 27, 2002, Երևան, Հայաստան), հայ անտառագետ։ Կենսաբանական գիտությունների դոկտոր (1974), պրոֆեսոր (1986): ՀԽՍՀ վաստակավոր անտառաբույծ (1967):
Կենսագրություն
[խմբագրել | խմբագրել կոդը]Պայքար Խուրշուդյանը ծնվել է 1925 թվականի մարտի 13-ին, Երևանում։ 1950 թվականին ավարտել է Հայաստանի գյուղատնտեսական ինստիտուտը։ 1949 թվականից աշխատել է ՀԽՍՀ ԳԱԱ բուսաբանության ինստիտուտում, 1963 թվականից՝ անտառագիտության բաժնի վարիչ (նաև դասավանդել է Հայաստանի գյուղատնտեսական ինստիտուտում), 1970-1991 թվականներին, միաժամանակ՝ փոխտնօրեն։ 1992 թվականից՝ անտառաբուծության գլխավոր մասնագետ[1]։
Աշխատանքները վերաբերում են ՀՀ անտառների արդյունավետության բարձրացման, անտառածածկ տարածքի ընդարձակման, հատկապես Սևանա լճի ջրերից ազատված ավազուտների անտառապատման գիտական հիմունքների մշակմանը։
ՀՀ ԳԱԱ նախագահությանն առընթեր բնության պահպանության հանձնաժողովի գիտքարտուղար (1958-1962), փոխնախագահ (1962-1974)։
Մահ
[խմբագրել | խմբագրել կոդը]Պայքար Խուրշուդյանը մահացել է 2002 թվականի օգոստոսի 27-ին, Երևան քաղաքում։ Թաղված է Թոխմախի գերեզմանատանը[2]։
Անդամակցություն
[խմբագրել | խմբագրել կոդը]- Եվրոպայի անտառային ինստիտուտի իսկական անդամ (1955)։
- Ամերիկահայ ճարտարագետների և գիտնականների ընկերակցության պատվավոր անդամ (2002)։
Երկեր
[խմբագրել | խմբագրել կոդը]- Անտառագիտական տերմինների ռուս-հայերեն համառոտ տեղեկատու բառարան։ Խուրշուդյան Պայքար Արտավազդի, Երեւան, Ա.Հ., 2000, 208 էջ[3]։
- Հայաստանի անտառապատման և կանաչապատման գիտական հիմունքները։ Երևան, 1974 (համահեղինակ)։
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ «The memorial of Khurshudyan Payqar (Պայքար Խուրշուդյան Արտավազդի) buried at Yerevan's Tokhmakh cemetery». hush.am (անգլերեն). Վերցված է 2019 թ․ հուլիսի 10-ին.
- ↑ Խուրշուդյան, Պայքար Արտավազդի (2000). Անտառագիտական տերմինների ռուս-հայերեն համառոտ տեղեկատու բառարան։ Բառարան. Բնապահպանության նախարարություն ՀՀ, Անտառային գիտափորձարարական կենտրոն ՊՓԲԸ, ԳԱԱ բուսաբանության ինստիտուտ ՀՀ. Երեւան: Ա.Հ.(չաշխատող հղում)
 | Վիքիդարանն ունի նյութեր, որոնք վերաբերում են «Պայքար Խուրշուդյան» հոդվածին։ |
