Ռաֆայել Մովսիսյան

Ռաֆայել Մովսիսյան
Ծնվել է	հունվարի 10, 1925; Սարատով, ՌԽՖՍՀ, ԽՍՀՄ
Մահացել է	հոկտեմբերի 5, 2002 (77 տարեկան)
Մասնագիտություն	գեոդեզիստ և դասախոս
Հաստատություն(ներ)	Երևանի պետական համալսարան
Ալմա մատեր	Երևանի պետական համալսարան (1947)
Կոչում	պրոֆեսոր
Գիտական աստիճան	տեխնիկական գիտությունների դոկտոր (1977)
Պարգևներ	ՀԽՍՀ վաստակավոր շինարար
Կուսակցություն	ԽՄԿԿ

Վիքիպեդիայում կան հոդվածներ Մովսիսյան ազգանունով այլ մարդկանց մասին։

Ռաֆայել Հակոբի Մովսիսյան (հունվարի 10, 1925(1925-01-10)^[1], Սարատով, ՌԽՖՍՀ, ԽՍՀՄ^[1] - հոկտեմբերի 5, 2002(2002-10-05)), ինժեներական գեոդեզիայի բնագավառի հայ խորհրդային գիտնական։ Տեխնիկական գիտությունների դոկտոր (1977), պրոֆեսոր (1978), ՀՀ ԳԱԱ ակադեմիկոս^[2] (1996, թղթակից անդամ՝ 1986), ՀԽՍՀ վաստակավոր շինարար (1971)։ ԽՄԿԿ անդամ 1959 թվականից։ ՌԴ բնական գիտությունների ակադեմիայի ակադեմիկոս^[3]։

Կենսագրություն

1947 թվականին ավարտել է Երևանի պոլիտեխնիկական ինստիտուտը։ 1947 թվականից աշխատում է նույն ինստիտուտում, 1968 թվականից՝ ինժեներական գեոդեզիայի ամբիոնի վարիչ, 1978 թվականից՝ պրոռեկտոր, 1980-1988 թվականներին՝ ռեկտոր։ Ինստիտուտում կազմակերպել է ճշգրիտ ինժեներագեոդեզիական չափումների ավտոմատացման պրոբլեմային լաբորատորիա (1972)։ Մովսիսյանի ղեկավարությամբ ստեղծվել են լուսահեռաչափ, բարձունքային վերահսկման ավտոմատ հիդրոդինամիկական և հիդրոստատիկական նիվելիրացման սարքեր, որոնք ներ դրվել են արտադրության մեջ։ ԽՍՀՄ բարձրագույն և միջնակարգ մասնագիտա կան կրթության մինիստրության գիտատեխնիկական խորհրդի գեոդեզիայի, քարտեզագրության և աերոտիեզերական հանույթի սեկցիայի նախագահության անդամ է (1979 թվականից)^[4]։

Եղել է ՀԽՍՀ X գումարման Գերագույն խորհրդի դեպուտատ, 1981 թվականից՝ ՀԿԿ Կենտկոմի անդամ։

Պարգևներ

ՀԽՍՀ Պետական մրցանակ (1986)
Աշխատանքային կարմիր դրոշի շքանշան
ՀԽՍՀ վաստակավոր շինարար (1971)

Երկեր

Գեոդեզիական չափումների արդյունքների մշակումը, Ե․ 1965 (հեղինակակից՝ Վարդազարյան Գ․)^[5]։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 8 (հայ.) — հատոր 8. — էջ 43.
↑ «ՀՀ գիտությունների ազգային ակադեմիա». www.sci.am. Վերցված է 2019 թ․ մարտի 31-ին.
↑ «ՀՀ գիտությունների ազգային ակադեմիա». www.sci.am. Վերցված է 2019 թ․ մարտի 31-ին.
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 165։
↑ «ՀՀ ԳԱԱ հիմնարար գիտական գրադարանի էլ․ քարտարան- Ռաֆայել Մովսիսյան». opac.flib.sci.am (անգլերեն). Վերցված է 2023 թ․ հուլիսի 11-ին.

Վիքիդարանն ունի նյութեր, որոնք վերաբերում են «Ռաֆայել Մովսիսյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 43)։

[_9106315e11effd6c-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Հայկական սովետական հանրագիտարան, հատոր 8 (հայ.) — հատոր 8. — էջ 43.

[2] «ՀՀ գիտությունների ազգային ակադեմիա». www.sci.am. Վերցված է 2019 թ․ մարտի 31-ին.

[3] «ՀՀ գիտությունների ազգային ակադեմիա». www.sci.am. Վերցված է 2019 թ․ մարտի 31-ին.

[4] Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 165։

[5] «ՀՀ ԳԱԱ հիմնարար գիտական գրադարանի էլ․ քարտարան- Ռաֆայել Մովսիսյան». opac.flib.sci.am (անգլերեն). Վերցված է 2023 թ․ հուլիսի 11-ին.

[1]

[2]

[3]

[4]

[5]