Ռոստոմ Թոսունյան
- Վիքիպեդիայում կան հոդվածներ Թոսունյան ազգանունով այլ մարդկանց մասին։
| Ռոստոմ Թոսունյան | |
|---|---|
| Ծնվել է | հունվարի 8, 1934 (90 տարեկան) |
| Ծննդավայր | Այգաբաց |
| Քաղաքացիություն |  Հայաստան |
| Մասնագիտություն | ուսուցիչ և ֆիզիկոս |
Թոսունյան Ռոստոմ Իշխանի (հունվարի 8, 1934, Այգաբաց), ֆիզմաթ ֆակուլտետի ուսանողական գիտական ընկերության նախագահ, ուսուցիչ, ֆիզիկայի մեթոդիստ, ֆիզիկայի կաբինետի վարիչ։
Կենսագրություն
[խմբագրել | խմբագրել կոդը]Ռոստոմ Իշխանի Թոսունյանը ծնվել է 1934 թվականի հունվարի 8-ին Ախուրյանի շրջանի Այգաբաց գյուղում։ Ծնողները եղել են գյուղի աշխատավորներ՝ հայրը` Թոսունյան Իշխան Գալուստի, մայրը` Թոսունյան (Կիրակոսյան) Ազգանույշ Գրիգորի։ Ունեցել է 3 քույր` Աստղիկը, Էմման և Լենան։
1940 թվականին ընդունվել է Այգաբաց գյուղի միջնակարգ դպրոց և 1950 թվականին ավարտել է այն գերազանց առաջադիմությամբ։ 1950 թվականին ընդունվել է Գյումրիի Նալբանդյանի անվան մանկավարժական ինստիտուտի ֆիզմաթ ֆակուլտետը։ 1954 թվականին ավարտել է այն գերազանց առաջադիմությամբ։ Ուսանելու տարիներին եղել է ֆիզմաթ ֆակուլտետի ուսանողական գիտական ընկերության նախագահը։ Ավարտելուց հետո աշխատանքի է անցել Վանաձոր քաղաքի համար 8 միջնակարգ դպրոցում որպես ֆիզիկայի և մաթեմատիկայի ուսուցիչ։
1954 թվականի նոյեմբերից մինչև 1956 թվականի դեկտեմբերը ծառայել է սովետական բանակում։ Այնտեղ հանձնել է քննություններ և ստացել է ավագ լեյտենանտի կոչում։ Բանակից զորացրվելուց հետո 1957 թվականի հունվարից մինչև 1963 թվականի հունիսն աշխատել է Արմավիրի շրջանի Սարդարապատ գյուղում որպես ֆիզիկայի և մաթեմատիկայի ուսուցիչ։
1958 թվականի օգոստոսի 3-ին ամուսնացել է Սոխակ (Սոնա) Սարգիսի Խանվելյանի հետ։ 1961 թվականի փետրվարի 3-ին ծնվել է նրանց առաջնեկը` Արարատ Ռոստոմի Թոսունյանը, իսկ 1963 թվականի մարտի 31-ին երկրորդ զավակը` Հասմիկ Ռոստոմի Թոսունյանը։ 1963 թվականին ընտանիքով տեղափոխվել են Ալավերդու շրջանի Օձուն գյուղ և մինչև 1968 թվականը աշխատել է Օձունի սանատորա-անտառային գիշերօթիկ դպրոցում՝ որպես փոխտնօրեն և ուսուցիչ։ 1968 թվականի հուլիսի 15-ին ծնվել է նրանց երրորդ զավակը` Լուսինե Ռոստոմի Թոսունյանը։
Նույն տարի նրանք տեղափոխվել են մայրաքաղաք Երևան և աշխատանքի անցել համար 122 դպրոցում՝ որպես ֆիզիկայի և մաթեմատիկայի ուսուցիչ։ 1972 թվականին տեղափոխվել է Երևանի ուսուցիչների կատարելագործման քաղաքային ինստիտուտ՝ որպես ֆիզիկայի մեթոդիստ, ֆիզիկայի կաբինետի վարիչ, ինստիտուտի փոխտնօրեն, այնուհետև 1980 թվականից մինչև 1984 թվականը աշխատել է որպես տնօրեն։ 1976 թվականից մինչև 1982 թվականը վարել է հեռուստատեսային դասեր ֆիզիկայից։ 1984 թվականից մինչև 1997 թվականը աշխատել է Երևանի Մաշտոցի շրջանի թիվ 156 դպրոցում՝ որպես տնօրեն։ 1997 թվականից մինչև 2006 թվականը թիվ 16 դպրոցում աշխատել է որպես ֆիզիկայի և մաթեմատիկայի ուսուցիչ։
Գիտական աշխատանքներ
[խմբագրել | խմբագրել կոդը]Աշխատանքի հետ միասին գրել է մեթոդական գրքեր ուսուցիչների համար, հիմնական դպրոցի (7-9 –րդ դասարանների) ֆիզիկայի դասագրքերը[1], մեթոդական գրքեր հիմնական դպրոցի ֆիզիկայի ուսուցիչների համար։ Գրել է ֆիզիկայի շտեմարաններ բուհ ընդունվողների համար, նաև 10-12-րդ դասարանների ստուգողական աշխատանքների գրքեր։ Կատարել է նաև թարգմանություններ։
Կատարած թարգմանություններ
[խմբագրել | խմբագրել կոդը]- Ցուցադրական փորձեր 6-7-րդ դասարաններ։
- Ցուցադրական փորձեր 8-10-րդ դասարաններ։
- Ցուցադրական փորձեր 8-10-րդ դասարաններ մաս երկրորդ։
- Գործնական աշխատանքներ 6-7-րդ դասարաններ։
- Գործնական աշխատանքներ 8-10-րդ դասարաններ։
Դասագրքեր
[խմբագրել | խմբագրել կոդը]- Ֆիզիկայի դասագիրք 7-րդ դասարան[2]։
- Ֆիզիկայի դասագիրք 8-րդ դասարան[3]։
- Ֆիզիկայի դասագիրք 9-րդ դասարան[4]։
- Մեթոդական ձեռնարկ ուսուցիչների համար 7-9-րդ դասարաններ։
- Ֆիզիկայի շտեմարան հատոր 1։
- Ֆիզիկայի շտեմարան հատոր 2։
- Ֆիզիկայի շտեմարաններ։
- Ֆիզիկայի գիտելիքների ստուգման թեստեր 10-րդ դասարան։
- Ֆիզիկայի գիտելիքների ստուգման թեստեր 11-րդ դասարան։
- Ֆիզիկայի գիտելիքների ստուգման թեստեր 12-րդ դասարան։
- Խնդիրների լուծման մեթոդական ուղեցույց (մեխանիկա)։
- Խնդիրների լուծման մեթոդական ուղեցույց (մոլեկուլյար ֆիզիկա)։
- Խնդիրների լուծման մեթոդական ուղեցույց (էլեկտրադինամիկա)։
- Խնդիրների լուծման մեթոդական ուղեցույց (օպտիկա)։
- Խնդիրների լուծման մեթոդական ուղեցույց (քվանտային ֆիզիկա և ատոմի միջուկ)։
Ծանոթագրություններ
[խմբագրել | խմբագրել կոդը]- ↑ http://haygirk.nla.am/cgi-bin/koha/opac-search.pl?q=au:%22%D4%B9%D5%B8%D5%BD%D5%B8%D6%82%D5%B6%D5%B5%D5%A1%D5%B6,%20%D5%8C%D5%B8%D5%BD%D5%BF%D5%B8%D5%B4%20%D4%BB%D5%B7%D5%AD%D5%A1%D5%B6%D5%AB%22
- ↑ «Արխիվացված պատճենը». Արխիվացված է օրիգինալից 2017 թ․ նոյեմբերի 14-ին. Վերցված է 2017 թ․ դեկտեմբերի 29-ին.
- ↑ «Արխիվացված պատճենը». Արխիվացված է օրիգինալից 2017 թ․ հոկտեմբերի 13-ին. Վերցված է 2017 թ․ դեկտեմբերի 29-ին.
- ↑ «Արխիվացված պատճենը». Արխիվացված է օրիգինալից 2017 թ․ նոյեմբերի 14-ին. Վերցված է 2017 թ․ դեկտեմբերի 29-ին.