Սողոմոն Բալյան

Սողոմոն Բալյան
Ծնվել է	մարտի 14, 1917; Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Մահացել է	մայիսի 15, 2002 (85 տարեկան); Երևան, Հայաստան
Քաղաքացիություն	ԽՍՀՄ և Հայաստան
Ազգություն	հայ
Մասնագիտություն	աշխարհագրագետ, գեոմորֆոլոգ և համալսարանի դասախոս
Հաստատություն(ներ)	ՀՀ ԳԱԱ, ՀՀ ԳԱԱ Երկրաբանական գիտությունների ինստիտուտ և Երևանի պետական համալսարան
Ալմա մատեր	Գյումրու թիվ 6 հիմնական դպրոց (1935) և ԵՊՀ աշխարհագրության և երկրաբանության ֆակուլտետ (1940)
Կոչում	պրոֆեսոր
Գիտական աստիճան	աշխարհագրական գիտությունների դոկտոր (1968)
Պարգևներ	և
Կուսակցություն	ԽՄԿԿ

Վիքիպեդիայում կան հոդվածներ Բալյան ազգանունով այլ մարդկանց մասին։

Սողոմոն Պողոսի Բալյան (մարտի 14, 1917(1917-03-14)^[1]^[2], Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն^[1]^[2] - մայիսի 15, 2002(2002-05-15), Երևան, Հայաստան), հայ խորհրդային աշխարհագրագետ, գեոմորֆոլոգ։ Աշխարհագրական գիտությունների դոկտոր (1968), պրոֆեսոր (1969), ՀԽՍՀ վաստակավոր երկրաբան (1971)։

Կենսագրություն

Սողոմոն Բալյանը ծնվել է 1917 թվականին Ալեքսանդրապոլում՝ Ախալքալաքի Ալաստան գյուղից սերված Բալյանների ընտանիքում^[3]։ 1935 թվականին ավարտել է Ալեքսանդրապոլի միջնակարգ դպրոցը, 1940 թվականին՝ Երևանի պետական համալսարանի աշխարհա-երկրաբանական ֆակուլտետը և աշխատանքի է անցել Երևանի Նորագավթի միջնակարգ դպրոցում, որպես տնօրեն։ Մասնակցել է Հայրենական մեծ պատերազմի գործողություններին։

1945 թվականից Բալյանը գիտական աշխատանքի է անցել ՀԽՍՀ ԳԱ էկոնոմիկայի բնագավառում։ 1949 թվականին տեղափոխվել է երկրաբանության ինստիտուտ, պաշտպանել է թեկնածուական, 1967 թվականին՝ դոկտորական ատենախոսություն, 1968 թվականին ստացել պրոֆեսորի կոչում։ 1951 թվականից աշխատել է ԵՊՀ-ում, 1969-1997 թվականներին եղել է ԵՊՀ քարտեզագրության և գեոմորֆոլոգիայի ամբիոնի հիմնադիր վարիչը։

Բալյանը հեղինակ է շուրջ 120 գիտական հոդվածների, քարտեզների, մենագրությունների։ Զբաղվել է Հայկական լեռնաշխարհի և դրան հարող շրջանների կառուցվածքային ու կիրառական գեոմորֆոլոգիայի հիդրոերկրաբանության հարցերով։ Նրա գիտական ուսումնասիրութունները նվիրված են ռեգիոնալ գեոմորֆոլոգիայի հարցերին, լավատակ ջրերի խնդրին, պլեյստոցենյան սառցապատումներին, հնէաշխարհագրությանը, նորագույն տեկտոնիկային, կիրառական գեոմորֆոլոգիային և գեոմորֆոլոգիական քարտեզագրմանը։ Նրա հետազոտությունների յուրատեսակ հանրագումարն է «Հայկական լեռնաշխարհի ու հարակից մարզերի կառուցվածքային գեոմորֆոլոգիան» (Երևան, 1969) աշխատությունը^[4]։ ԽՄԿԿ անդամ (1947)

Պարգևներ

Ալեքսանդր Նևսկու շքանշան
ՀԽՍՀ վաստակավոր երկրաբան, 1971
«Կարմիր Աստղ» շքանշան
«Պատվո նշան» շքանշան

Երկեր

Бальян С. П. Структурная геоморфология Армянского нагорья и окаймляющих областей, 1969.

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
↑ Սարուխանյան, Պետրոս (2016). Արծաթի-Ալաստան։ 185 տարվա հեռավորություն. Երևան: Տիգրան Մեծ ՓԲԸ. էջեր 143–144. ISBN 978-9939-0-1938-3.
↑ «ՍՈՂՈՄՈՆ ՊՈՂՈՍԻ ԲԱԼՅԱՆ». www.ysu.am. Վերցված է 2016 թ․ օգոստոսի 10-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 236)։

Վիքիդարանն ունի նյութեր, որոնք վերաբերում են «Սողոմոն Բալյան» հոդվածին։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_7692284afc2863a3-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.

[3] Սարուխանյան, Պետրոս (2016). Արծաթի-Ալաստան։ 185 տարվա հեռավորություն. Երևան: Տիգրան Մեծ ՓԲԸ. էջեր 143–144. ISBN 978-9939-0-1938-3.

[4] «ՍՈՂՈՄՈՆ ՊՈՂՈՍԻ ԲԱԼՅԱՆ». www.ysu.am. Վերցված է 2016 թ․ օգոստոսի 10-ին.

[1]

[2]

[3]

[4]