Лиза Қожаққызы Есбосынова

Лиза Қожаққызы Есбосынова
Туған күні	3 маусым 1978 (1978-06-03) (46 жас)
Туған жері	Қызылорда облысы, Қазалы ауданы, Әйтеке би
Жұмыс орны	Ш.Шаяхметов атындағы «Тіл-Қазына» ҰҒПО
Ғылыми дәрежесі	Педагогика ғылымдарының магистрі

Лиза Қожаққызы Есбосынова — 1978 жылы 3 маусымда Қызылорда облысы, Қазалы ауданы, Әйтеке би кентінде туған. Педагогика ғылымдарының магистрі.

Білімі

• 1995-1998 жж. М.Мәметова атындағы Қызылорда гуманитарлық  колледжін бітірген.
• 2004-2006 жж. Қорқыт Ата атындағы Қызылорда мемлекеттік университетін бітірген.
• 2012 жылы РФ-ның тестолог-ғалымы В.С.Аванесовтың авторлық курсынан өткен.
• 2012 жылы «ТОМЕР» орталығының оқыту әдістемелері мен тілдік білімді бағалау ерекшеліктері тақырыбындағы арнайы  курсынан өткен.
• 2017 жылы ҚР Президенті жанындағы Мемлекеттік басқару академиясында  ағылшын тілінде оқу мен жазу дағдылары  курсынан өткен.
• 2017 жылы Мәскеу қаласындағы «MY ACADEMY» мектебінде Веб-аналитика бағыты бойынша білімін жетілдірген.
• 2019-2020  жж. Магистратура, «Болашақ» академиясы (Қарағанды қаласы).

Еңбек жолы

• 1998-2004 жылдары Қызылорда облысы, Қазалы ауданындағы №170 қазақ орта мектебінің қазақ тілі мен әдебиеті пәні мұғалімі;
• 2005-2009 жылдары Б.К.Мергенбаев атындағы №226 гимназия директорының орынбасары, қазақ тілі мен әдебиеті пәнінің мұғалімі;
• 2009-2010 жылдары Қорқыт Ата атындағы  Қызылорда мемлекеттік университеті жанындағы «Қабілет» мектеп-гимназиясының оқытушысы;
• 2010-2014 жылдары Қызылорда облыстық тілдерді оқытудың өңірлік орталығының оқытушысы; оқу-әдістемелік, ғылыми-әдістемелік бөлім  меңгерушісі;
• 2014-2017 жылдары   ҚР Мәдениет және спорт министрлігі Тілдерді дамыту және қоғамдық-саяси жұмыс комиеті Ш.Шаяхметов атындағы тілдерді дамытудың республикалық үйлестіру-әдістемелік орталығының  оқу-әдістемелік бөлім басшысы
• 2017 -2018 жылдары Ш.Шаяхметов атындағы тілдерді дамытудың республикалық үйлестіру-әдістемелік орталығы директорының орынбасары;
• 2018 жылдың шілдесінен «Шайсұлтан Шаяхметов атындағы «Тіл-Қазына» ұлттық ғылыми-практикалық орталығы» КеАҚ атқарушы директорының орынбасары

Қызметі

• Қазақстан Республикасының мемлекеттік стандарттарына сәйкес қазақ тілін оқытуға арналған типтік бағдарламасының, Қазтест» жүйесі бойынша жазылым бөлігінің құрастырушысы,
• «Асыл сөз» кешенінің, «Қазақ сөзі» (137, 500, 900, 1200, 1500 сөз) оқу құралдарының телавторы,
• «Әліпби» энциклопедиясының, Қазақстандағы этнос тілдерін оқытуға арналған «Мәтіндер жинағы» (А1, А2, В1,В2 деңгейлері) оқу-әдістемелік құралдарының құрастырушысы,
• бірнеше жинақтың редакциялық алқа мүшесі

Жетістігі

• Облыстық «Қазақ тілінің үздік оқытушысы-2011» байқауының бас жүлдегері;
• Қазақстан Республикасының Мәдениет және (ақпарат-2011ж.) спорт (2017ж.) министрлігі Тіл комитеті төрағасының Құрмет грамотасы (2011,2017,2018 ж.ж.);
• Қазақстан Республикасы Мәдениет және спорт министрінің Құрмет грамотасы (2016, 2017, 2018, 2019 ж.ж.)
• «Қазақстан Республикасы Ұлттық ұланы Бас қолбасшысының «Қазақстан Республикасы құқық қорғау әскеріне 25 жыл» кеуде белгісі (2019 жыл);
• «Қазақстан Конституциясына 25 жыл» мерекелік медалі (2020 жыл)