Carolus IV (imperator)

Carolus IV Luxemburgensis (Pragae die 14 Maii 1316 - ibidem die 29 Novembris 1378) fuit rex Bohemiae et Sacri Romani Imperii imperator.

Vita

Carolus IV fuit filius Ioannis Luxemburgensis, filii imperatoris Henrici VII, et uxoris eius Elisabethae, filiae regis Bohemiae Venceslai II. Carolo fuit in baptismate nomen Venceslaus, quod in confirmatione eius a Carolo, Francorum rege, mutatum est, apud quem Lutetiae pueritiae rudimenta peregit.^[1]

Puer in Francia et Italia studuit. Anno 1333 in Bohemiam rediit. Mortuo patre coronatus est 2 Septembris 1347 ab archiepiscopo Pragense Arensto in regem Bohemiae corona sancti Venceslai, quam ipse fieri fecerat.

Anno 1348 Carolus praeclaram Universitatem Carolinam Pragae condidit, eodem anno fundavit Urbem Novam Pragensem atque arcem Carlsteinensem. Anno 1357 imperator posuit primarium lapidem in fundamento novi pontis Pragensis in litore Multaviae prope monasterium sancti Clementis in Vetere Urbe Pragensi.^[2]

Die 5 Aprilis 1355 coronatus est Romae in imperatorem Romanorum, cum eo etiam coronata est in imperatricem uxor eius Anna Svidnicensis. Anno 1356 scripsit Bullam Auream, quae fuit lex fundamentalis Sacri Romani Imperii.^[3]

Sepultus est cum uxoribus suis in Ecclesia cathedrali Sancti Viti in arce regia Pragensi.

Carolus de linguarum litterarumque scientia sua haec scripsit: "Ex divina autem gracia non solum Boemicum, sed Gallicum, Lombardicum, Teutunicum et Latinum ita loqui, scribere et legere scivimus."^[4]

Familia

Carolo IV quattuor uxores erant:

anno 1323–1348 Bianca de Valois (1316 nata, 1348 mortua)
anno 1349–1353 Anna de Bavaria (1329 nata, 1353 mortua)
anno 1353–1362 Anna Svidnicensis (1339 nata, 1362 mortua)
anno 1363–1378 Elisabetha de Pomerania (1346 aut 1347 nata, 1393 mortua)

Liberi

Carolo IV undecim liberi erant:

cum uxore prima Bianca:
- Margarita (1335 nata, 1349 mortua), uxor Ludovici I, regis Hungariae
- Catharina (1342 nata, 1395 mortua), uxor Rudolphi IV et Ottonis de Bavaria
cum uxore secunda Anna:
- Venceslaus (1350 natus, 1351 mortuus)
cum uxore tertia Anna:
- Elisabetha (1358 nata, 1373 mortua), uxor Albrechti III Habsburgis
- Venceslaus (1361 natus, 1419 mortuus), rex Bohemiae et S.I.R.
cum uxore quarta Elisabetha:
- Anna (1366-1394), uxor Ricardi II, regis Angliae
- Sigismund (1368-1437), rex Bohemiae Hungariaeque, S.I.R. imperator
- Ioannes de Gorlicio (1370 natus, 1396 mortuus), dux Gorlicii
- Carolus (1372 natus, 1373 mortuus)
- Margarita (1373 nata, 1410 mortua), uxor Ioannis III Hohenzollern
- Henricus (1377 natus, 1378 mortuus)

Opera

Vita Caroli - curriculum vitae suae
Bulla Aurea

Nexus interni

Magister Theodoricus (pictor aulae Caroli IV)
Petrus Parlerius (architectus et sculptor aulae Caroli IV)

Notae

↑ Aeneas Silvius Piccolomini (papa Pius II), Historica Bohemica, in: Fontes rerum Bohemicarum VII, p. 123.^{[nexus deficit]}
↑ Benessius Krabice de Weitmile: Cronica ecclesiae Pragensis. Saeculo 14 scripta.
↑ Bulla aurea Caroli Quarti Romanorum Imperatoris Noribergae Sancita Anno 1356
↑ In autobiographia sua (Vita Caroli), e qua longius citare licet: "Et sic cum venissemus in Boemiam, non invenimus nec patrem nec matrem nec fratrem nec sorores nec aliquem notum. Idioma quoque Boemicum ex toto oblivioni tradideramus, quod post redidicimus, ita ut loqueremur et intelligeremus ut alter Boemus. Ex divina autem gracia non solum Boemicum, sed Gallicum, Lombardicum, Teutunicum et Latinum ita loqui, scribere et legere scivimus, ut una lingua istarum sicut altera ad scribendum, legendum loquendum et intelligendum nobis erat apta."

Nexus externi

Vicimedia Communia plura habent quae ad Carolum IV spectant.

Vide Carolus IV (imperator) apud Vicifontem.

Littera fundationis Universitatis Carolinae Pragensis (Latine)
Vita Caroli Magni (Latine)
Stephan Haering, "KARL IV., Kaiser" in Biographisch-Bibliographisches Kirchenlexikon vol. 3 (Herzberg, 1992. ISBN 3-88309-035-2) , columnae 1136–1140 (Theodisce)

Romanorum Imperatores et reges


Carolus Magnus • Ludovicus Pius • Lotharius I • Ludovicus II • Carolus Calvus • Karlomannus Bavariae • Carolus Crassus • Guido Spoletensis • Lambertus Spoletensis • Arnulphus Carintiae • Ludovicus Caecus • Berengarius Foroiuliensis • Otto I Magnus • Otto II • Otto III • Henricus II • Conradus II • Henricus III • Henricus IV • Henricus V • Lotharius III • Conradus III • Fridericus I Aënobarbus • Henricus VI • Otto IV • Fridericus II • Henricus (VII) • Conradus IV • Guilielmus ab Hollandia • (Alphonsus Castellae) • Ricardus a Cornwalli • Rudolphus I • Adolphus Nassovius • Albertus I • Henricus VII • Ludovicus IV Bavaricus • Carolus IV • Venceslaus a Luxemburgio • Rupertus Comes Palatinus • Iodocus a Moravia • Sigismundus Luxemburgicus • Albertus II • Fridericus III • Maximilianus I • Carolus V • Ferdinandus I • Maximilianus II • Rudolphus II • Matthias • Ferdinandus II • Ferdinandus III • Ferdinandus IV • Leopoldus I • Iosephus I • Carolus VI • Carolus VII Albertus • Franciscus I Stephanus • Iosephus II • Leopoldus II • Franciscus II

Reges et duces Bohemiae

Duces: Bořivoj I • Spitigneus I • Vratislaus I • Venceslaus I • Boleslaus I • Boleslaus II • Boleslaus III • Vladivoj • Boleslaus Fortis • Jaromír • Ulricus • Bretislaus I • Spitigneus II • Vratislaus II (rex Vratislaus I) • Conradus I • Bretislaus II • Bořivoj II • Svatopluk • Vladislaus I • Sobieslaus I • Vladislaus II (rex Vladislaus I) • Fredericus • Sobieslaus II • Conradus II • Venceslaus II • Henricus Bretislaus • Ottocarus • Vladislaus III

Reges: Ottocarus I • Venceslaus I • Ottocarus II • Venceslaus II • Venceslaus III • Rudolphus I • Henricus • Ioannes • Carolus I • Venceslaus IV • Sigismundus • Albertus • Ladislaus • Georgius Podiebradensis • Matthias Corvinus • Vladislaus II • Ludovicus • Ferdinandus I • Maximilianus • Rudolphus II • Matthias II • Fredericus • Ferdinandus II • Ferdinandus III • Ferdinandus IV • Leopoldus I • Iosephus I • Carolus II • Carolus Albertus • Maria Theresia • Iosephus II • Leopoldus II • Franciscus I • Ferdinandus V • Franciscus Iosephus I • Carolus III

[1] Aeneas Silvius Piccolomini (papa Pius II), Historica Bohemica, in: Fontes rerum Bohemicarum VII, p. 123.^{[nexus deficit]}

[benes-2] Benessius Krabice de Weitmile: Cronica ecclesiae Pragensis. Saeculo 14 scripta.

[bulla-3] Bulla aurea Caroli Quarti Romanorum Imperatoris Noribergae Sancita Anno 1356

[4] In autobiographia sua (Vita Caroli), e qua longius citare licet: "Et sic cum venissemus in Boemiam, non invenimus nec patrem nec matrem nec fratrem nec sorores nec aliquem notum. Idioma quoque Boemicum ex toto oblivioni tradideramus, quod post redidicimus, ita ut loqueremur et intelligeremus ut alter Boemus. Ex divina autem gracia non solum Boemicum, sed Gallicum, Lombardicum, Teutunicum et Latinum ita loqui, scribere et legere scivimus, ut una lingua istarum sicut altera ad scribendum, legendum loquendum et intelligendum nobis erat apta."

[1]

[2]

[3]

[4]