Foussball-Weltmeeschterschaft

Dësen Artikel beschäftegt sech mat de Foussball-Weltmeeschterschafte vun de Männer. Fir d'Weltmeeschterschaft vun de Fraen, kuckt Fraefoussball-Weltmeeschterschaft. Fir aner Bedeitungen, kuckt wgl. Weltmeeschterschaft.

D'Foussball-Weltmeeschterschaft (FIFA-Weltpokal) vun de Männer ass e Foussballturnéier tëscht Nationalekippen dat all véier Joer ofgehale gëtt. Organisateur ass de Weltfoussballverband FIFA. D'Veranstaltung ass nieft den Olympesche Spiller eent vun de bedeitendste Sportsevenementer vun der Welt.

Zanter 1991 ass och all véier Joer eng Foussball-Weltmeeschterschaft fir Dammen.

Geschicht

Virun 1930 kann een d'Turnéier wärend an spéider nieft den Olympesche Spiller als Virleefer bezeechnen. Spéitstens mat de Spiller 1928 war d'Wierkung vun engem internationale Foussballturnéier z'erkennen.

1863 gouf zu London d'Football Association gegrënnt an d'Zäit vum organiséierte Foussball hat domat ugefaangen. Zu dësem Zäitpunkt war de British Empire déi aflossräichst Natioun vun der Welt, et hat op der ganzer Welt seng Stëtzpunkten a brittesch Schëffer waren an all Hafen ze fannen.

Dat historescht Besonnescht war d'Grondlag fir d'weltwäit Verbreedung vun den englesche Foussballreegele bannent enger Generatioun. Déi éischt Matcher baussent de britteschen Insele goufen a Séihäfe vu brittesche Matrousen organiséiert.

Um Enn vum 19. Joerhonnert goufen an Europa an Amerika vill Nationalverbänn gegrënnt, wat d'Organisatioun vun internationale Rendez-vousen erméiglecht huet.

Dat éischt Spill tëscht Vertrieder vun nationale Verbänn war den 30.11.1872 zu London. (Schottland – England / Resultat: 0:0)

Den 21.05.1904 war e weidere Meilesteen an der Foussballgeschicht, dësen Dag gouf am franséische Verbandshaus d'FIFA gegrënnt an domat en nationaalt Denke verhënnert, trotzdeem sollt et nach vill Joerzéngten daueren, bis déi amerikanesch Verbänn e bedeitenden Afloss op déi vun den europäesche Verbänn influenzéiert Politik vun der FIFA kruten.

Turnéier a Weltmeeschter

Joer	Land		Finall				Spill ëm drëtt Plaz
			Weltmeeschter	Resultat	2. Plaz		3. Plaz	Resultat	4. Plaz
1930 Detailer	Uruguay		Uruguay	4:2	Argentinien		USA	n.a.(1)	Jugoslawien
1934 Detailer	Italien		Italien	2:1 n.V.	Tschechoslowakei		Däitschland	3:2	Éisträich
1938 Detailer	Frankräich		Italien	4:2	Ungarn		Brasilien	4:2	Schweden
1942	----		ausgefall(2)
1946	----		ausgefall(2)
1950 Detailer	Brasilien		Uruguay	n.a.(3)	Brasilien		Schweden	n.a.(3)	Spuenien
1954 Detailer	Schwäiz		BR Däitschland	3:2	Ungarn		Éisträich	3:1	Uruguay
1958 Detailer	Schweden		Brasilien	5:2	Schweden		Frankräich	6:3	BR Däitschland
1962 Detailer	Chile		Brasilien	3:1	Tschechoslowakei		Chile	1:0	Jugoslawien
1966 Detailer	England		England	4:2 n.V.	BR Däitschland		Portugal	2:1	Sowjetunioun
1970 Detailer	Mexiko		Brasilien	4:1	Italien		BR Däitschland	1:0	Uruguay
1974 Detailer	BR Däitschland		BR Däitschland	2:1	Niederlande		Polen	1:0	Brasilien
1978 Detailer	Argentinien		Argentinien	3:1 n.V.	Holland		Brasilien	2:1	Italien
1982 Detailer	Spuenien		Italien	3:1	BR Däitschland		Polen	3:2	Frankräich
1986 Detailer	Mexiko		Argentinien	3:2	BR Däitschland		Frankräich	4:2 n.V.	Belsch
1990 Detailer	Italien		BR Däitschland	1:0	Argentinien		Italien	2:1	England
1994 Detailer	USA		Brasilien	3:2 n. E. 0:0 n.V.	Italien		Schweden	4:0	Bulgarien
1998 Detailer	Frankräich		Frankräich	3:0	Brasilien		Kroatien	2:1	Holland
2002 Detailer	Südkorea a Japan		Brasilien	2:0	Däitschland		Tierkei	3:2	Südkorea
2006 Detailer	Däitschland		Italien	5:3 n. E. 1:1 n.V.	Frankräich		Däitschland	3:1	Portugal
2010 Detailer	Südafrika		Spuenien	1:0 n.V.	Holland		Däitschland	3:2	Uruguay
2014 Detailer	Brasilien		Däitschland	1:0 n.V.	Argentinien		Holland	3:0	Brasilien
2018 Detailer	Russland		Frankräich	4:2	Kroatien		Belsch	2:0	England
2022 Detailer	Katar		Argentinien	4:2 n. E. 3:3 n.V.	Frankräich		Kroatien	2:1	Marokko
2026 Detailer	Kanada, Mexiko an d'USA
2030 Detailer	Spuenien, Portugal a Marokko
2034 Detailer	Saudi-Arabien

¹ 1930 gouf déi drëtt Plaz net ausgespillt.

² D'FIFA konnt sech op hirem Kongress am Joer 1939 net tëscht Brasilien an Däitschland als Ausdroungsland fir d'WM 1942 eenegen, an huet d'Entscheedung verréckelt. Kuerz Zäit méi spéit ass den Zweete Weltkrich ausgebrach an huet all Pläng zerstéiert.

³ Net ausgedroen; d'WM 1950 gouf ouni Finall an enger Grupp ausgespillt. Uruguay huet mat engem 2:1-Gewënn géint Brasilien am leschte Match d'Tabelleféierung an domat och de WM-Titel iwwerholl.

Auszeechnungen

Bescht Resultater vun all Land (ë. a. donkelblo fir Weltmeeschter, orange fir a Ronn 1 ausgescheet, etc.)

Um Enn vun all Weltmeeschterschaft gi méi Auszeechnunge u Spiller an Teams verginn, déi sech vum Rescht beim Betruechte vun verschiddenen Aspekter bemierkbar gemaach hunn.

Aktuell gëtt et fënnef verschidden Auszeechnungen:

• den Adidas Gëllene Schong fir de Spiller deen déi meescht Goler geschoss huet;
• den Adidas Gëllene Ball fir de beschte Spiller;
• d'Lev Yashin-Trophäe fir de beschte Golkipp;
• den FIFA Fair Play Award fir dat fairsten Team;
• d'Ekipp mat der beschter Ënnerhalung vun der WM

Adidas Gëllene Schong

De Gëllene Schong gëtt dem beschten Torschütze vun enger WM-Ennronn iwwerreecht. Fir d'éischt ass dës Auszeechnung bei der WM 1982 vergi ginn.

Weltmeeschterschaft	Spiller	Goler
1930 Uruguay	Guillermo Stabile (Argentinien)	8
1934 Italien	Oldrich Nejedlý (Tschechoslowakei)	5
1938 Frankräich	Leônidas (Brasilien)	8
1950 Brasilien	Ademir (Brasilien)	9
1954 Schwäiz	Sandor Kocsis (Ungarn)	11
1958 Schweden	Just Fontaine (Frankräich)	13
1962 Chile	Garrincha (Brasilien) Vava (Brasilien) Leonel Sanchez (Chile) Drazen Jerkovic (Jugoslawien) Valentin Ivanov (Sowjetunioun) Florian Albert (Ungarn)	4
1966 England	Eusebio (Portugal)	9
1970 Mexiko	Gerd Müller (BRD)	10
1974 BRD	Grzegorz Lato (Polen)	7
1978 Argentinien	Mario Kempes (Argentinien)	6
Gëllene-Schong-Gewënner
1982 Spuenien	Paolo Rossi (Italien)	6
1986 Mexiko	Gary Lineker (England)	6
1990 Italien	Salvatore Schillaci (Italien)	6
1994 USA	Hristo Stoichkov (Bulgarien) Oleg Salenko (Russland)	6
1998 Frankräich	Davor Suker (Kroatien)	6
2002 Südkorea/Japan	Ronaldo (Brasilien)	8
2006 Däitschland	Miroslav Klose (Däitschland)	5
2010 Südafrika	Thomas Müller (Däitschland)	5
2014 Brasilien	James Rodríguez (Kolumbien)	6
2018 Russland	Harry Kane (England)	6
2022 Katar	Kylian Mbappé (Frankräich)	8

00	De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen.

Adidas Gëllene Ball

De Gëllene Ball ass eng Auszeechnung, déi un de beschte Spiller vun enger WM-Ennronn vergi gëtt. D'FIFA nominéiert dofir zéng Spiller, aus deenen dann d'Medienreprésentante wiele kënnen. De Spiller mat de meeschte Stëmme kritt dann de Gëllene Ball iwwerreecht, de Spiller mat den zweetmeeschte Stëmme gewënnt de Sëlwere Ball an den drëttplacéierte gewënnt de Bronzene Ball. Bis elo hunn ëmmer Spiller aus dräi ënnerschiddlechen Natiounen déi dräi éischt Plaze beluecht.

Weltmeeschterschaft	Gëllene Ball	Sëlwere Ball	Bronzene Ball
1982 Spuenien	Paolo Rossi (Italien)	Falcão (Brasilien)	Karl-Heinz Rummenigge (BRD)
1986 Mexiko	Diego Maradona (Argentinien)	Harald Schumacher (BRD)	Preben Elkjaer-Larsen (Dänemark)
1990 Italien	Salvatore Schillaci (Italien)	Lothar Matthäus (Däitschland)	Diego Maradona (Argentinien)
1994 USA	Romário (Brasilien)	Roberto Baggio (Italien)	Hristo Stoichkov (Bulgarien)
1998 Frankräich	Ronaldo (Brasilien)	Davor Suker (Kroatien)	Lilian Thuram (Frankräich)
2002 Südkorea/Japan	Oliver Kahn (Däitschland)	Ronaldo (Brasilien)	Hong Myung-Bo (Südkorea)

Lev Yashin-Trophäe

D'Lev Yashin-Trophäe gëtt zanter 1994 un de beschte Golkipp vun enger WM-Ennronn verginn.

De Präis ass nom legendären russesche Golkipp Lew Iwanowitsch Jaschin benannt.

Weltmeeschterschaft	Lev Yashin-Trophäe Gewënner
1994 USA	Michel Preud'homme (Belsch)
1998 Frankräich	Fabien Barthez (Frankräich)
2002 Südkorea/Japan	Oliver Kahn (Däitschland)
2006 Däitschland	Gianluigi Buffon (Italien)

FIFA Fair Play Award

De FIFA Fair Play Award gëtt dem fairsten Team vun der WM-Endronn verginn. Et goufen allerdéngs nëmmen Ekipp berücksichtigt, déi sech fir déi zweet Ronn qualifizéiere konnten.

Weltmeeschterschaft	FIFA-Fair-Play-Award-Gewënner
1978 Argentinien	Argentinien
1982 Spanien	Brasilien
1986 Mexiko	Brasilien
1990 Italien	England
1994 USA	Brasilien
1998 Frankräich	England Frankräich
2002 Südkorea/Japan	Belsch

Ekipp mat der beschter Ënnerhalung

D'Auszeechnung vun der Ekipp mat der beschter Ënnerhalung geet un d'Ekipp, déi d'Publikum mat hirer Spillweis an hirem Optriede bei der WM-Ennronn am meeschten ameséiert huet. D'Entscheedung gëtt dobäi vun der Ëffentlechkeet getraff, déi bei der Ofstëmmung matmaache kann. Déi Auszeechnung gouf 1994 fir d'éischt Kéier verginn.

Weltmeeschterschaft	Ënnerhalsamst Ekipp
1994 USA	Brasilien
1998 Frankräich	Frankräich
2002 Südkorea/Japan	Südkorea

Ranglëschten

Ranglëscht vun de Weltmeeschter

1. Brasilien - 1958, 1962, 1970, 1994, 2002 (5 Titelen)
2. Däitschland - 1954, 1974, 1990, 2014 (4 Titelen)
3. Italien - 1934, 1938, 1982, 2006 (4 Titelen)
4. Argentinien - 1978, 1986, 2022 (3 Titelen)
5. Frankräich - 1998, 2018 (2 Titelen)
6. Uruguay - 1930, 1950 (2 Titelen)
7. England - 1966 (1 Titel)
8. Spuenien - 2010 (1 Titel)

Ranglëscht vun de Vizeweltmeeschter

1. Däitschland - 1966, 1982, 1986, 2002 (4x)
2. Holland - 1974, 1978, 2010 (3x)
3. Argentinien - 1930, 1990, 2014 (3x)
     Brasilien - 1950, 1998 (2x)
     Italien - 1970, 1994 (2x)
     Tschechoslowakei - 1934, 1962 (2x)
     Ungarn - 1938, 1954 (2x)
8. Schweden - 1958 (1x)
     Frankräich - 2006 (1x)
     Kroatien - 2018 (1x)

Ranglëscht vun den Halleffinalisten

1. Däitschland (13x)
2. Brasilien (11x)
3. Italien (8x)
4. Argentinien, Uruguay, Schweden, Frankräich (4x)

Ranglëscht vun de WM-Participatiounen

1. Brasilien (19 Participatiounen)
2. Däitschland an Italien (17x)
4. Argentinien (15x)
5. Mexiko (14x)
6. England, Frankräich, Spuenien (13x)
9. Belsch, Schweden, Uruguay (11x)

Ranglëscht mat de Länner mat de meeschten erziilte Goler bei enger WM

1. Ungarn - 1954 (27 Goler a 5 Matcher; 5,4 pro Match)
2. Däitschland - 1954 (25 Goler a 6 Matcher; 4,2 pro Match)
3. Frankräich - 1958 (23 Goler a 6 Matcher; 3,8 pro Match)
4. Brasilien - 1950 (22 Goler a 6 Matcher; 3,7 pro Match)
5. Brasilien - 1970 (19 Goler a 6 Matcher; 3,2 pro Match)

Spiller mat de meeschte WM-Participatiounen

Zwéi Spiller hunn u fënnef Weltmeeschterschaften deelgeholl:

• Antonio Carbajal (Mexiko) (5 Participatiounen - 1950 bis 1966)
• Lothar Matthäus (Däitschland) (5 Participatiounen - 1982 bis 1998)

Véierzéng Spiller hunn u véier Weltmeeschterschaften deelgeholl:

• Djalma Santos (Brasilien) (4 - 1954 bis 1966)
• Pelé (Brasilien) (4 - 1958 bis 1970)
• Karl-Heinz Schnellinger (Bundesrepublik Däitschland) (4 - 1958 bis 1970)
• Uwe Seeler (Bundesrepublik Däitschland) (4 - 1958 bis 1970)
• Gianni Rivera (Italien) (4 - 1962 bis 1974)
• Pedro Rocha (Uruguay) (4 - 1962 bis 1974)
• Wladyslaw Zmuda (Polen) (4 - 1974 bis 1986)
• Diego Maradona (Argentinien) (4 - 1982 bis 1994)
• Giuseppe Bergomi (Italien) (4 - 1982 bis 1990 und 1998)
• Enzo Scifo (Belsch) (4 - 1986 bis 1998)
• Franky van der Elst (Belsch) (4 - 1986 bis 1998)
• Andoni Zubizarreta (Spuenien) (4 - 1986 bis 1998)
• Paolo Maldini (Italien) (4 - 1990 bis 2002)
• Lew Jaschin (Sowjetunioun) (4 - 1958 bis 1970)

Ranglëscht vun de Spiller mat de meeschte WM-Matcher

1. Lothar Matthäus (25 Matcher)
2. Paolo Maldini (23 Matcher)
3. Diego Maradona, Uwe Seeler, Wladyslaw Zmuda (21 Matcher)
6. Grzegorz Lato (20 Matcher)
7. Wolfgang Overath, Karl-Heinz Rummenigge, Berti Vogts (19 Matcher)

Ranglëscht vun de WM-Torschützen

1. Gerd Müller (Däitschland) (14 Goler)
2. Just Fontaine (Frankräich) (13 Goler)
3. Pelé (Brasilien) (12 Goler) Ronaldo (Brasilien) (12 Goler)
5. Sandor Kocsis (Ungarn) (11 Goler) Jürgen Klinsmann (Bundesrepublik Däitschland) (11 Goler)
7. Helmut Rahn (Bundesrepublik Däitschland) (10 Goler) Teofilo Cubillas (Peru) (10 Goler) Grzegorz Lato (Polen) (10 Goler) Gary Lineker (England) (10 Goler) Gabriel Batistuta (Argentinien) (10 Goler)

Fakten

• De jéngste Spiller bei enger WM: Norman Whiteside (Nordirland) am Alter vu 17 Joer bei der WM 1982
• De jéngste Spiller, dee bei enger WM e Gol geschoss huet: Pelé (Brasilien) am Alter vu 17 Joer bei der WM 1958
• De jéngste Spiller, dee Weltmeeschter ginn ass: Pelé (Brasilien) am Alter vu 17 Joer bei der WM 1958
• Den eelste Spiller, dee bei enger WM e Gol geschoss huet: Roger Milla (Kamerun) am Alter vun 42 Joer bei der WM 1994
• Déi éischt Rout Kaart: Carlos Caszely (Chile) bei der WM 1974
• Déi meescht Rout Kaarten: Rigobert Song (Kamerun) - zweemol bei 3 WM-Participatiounen
• Déi meescht Eelefmeter-Goler: Gabriel Batistuta, Eusebio a Rob Rensenbrink – 4 Goler

Kuckt och

• Foussball-Weltmeeschterschaft 2006 an Däitschland

Literatur

• Bergmann, Winfried / Huba, Karl-Heinz / Mrazek, Karl-Heinz: Die Geschichte der Fussball - Weltmeisterschaft, Copress-Verlag, 1991, 208 Säiten (ISBN 3-7679-0311-3)
• Fuhr, Wolfgang: Fußballweltmeisterschaften, Agon-Verlag, Mee 2005 (ISBN 3-89784-265-3)
• Grüne, Hardy: Fußball WM Enzyklopädie 1930-2006, Agon-Verlag, Dez. 2002 (ISBN 3-89784-205-X)
• Hartmann, Waldemar / Netzer, Günter / Kauer, Robert: Menschen, Tore & Sensationen. Geschichte und Geschichten. WM 1930-2006, Wero Press, Juli 2002, 268 Säiten (ISBN 3-9806973-7-1)
• Schulze-Marmeling, Dietrich / Dahlkamp, Hubert: Die Geschichte der Fußball-Weltmeisterschaft 1930-2006, Die Werkstatt, Abrëll 2004, 560 Säiten (ISBN 3-89533-461-8)

Um Spaweck

• Offiziell Websäit
• Natiounewäertung / Éiweg Tabell
• Geschicht vun de Foussballweltmeeschterschaften
• Portal fir d'WM 2006 - Infoen zu Stied, Stadien, Ekippen
• 2010 FIFA World Cup South Africa Infomation

Commons: FIFA World Cup – Biller, Videoen oder Audiodateien