Lompat ke isi

Bahaso Mentawai

Wikipedia Minangkabau - Lubuak aka tapian ilimu
Wikimedia Incubator
Wikimedia Incubator
Bahaso Mentawai
Behase Mentawei
Ditutuakan diIndonesia
RantauKapulauan Mentawai, Sumatera Barat (Indonesia)
Jumalah panutua64.000 jiwa  (indak ado tanggal)
Rumpun bahaso
Kode-kode bahaso
ISO 639-3mwv

Bahaso Mentawai iolah sabuah bahaso dari rumpun Austronesia nan dipatutuakan di Mentawai, lapeh pantai Sumatera Barat. Jumlah panutua bahaso iko sakitar 64.000 jiwa.

Panutua

[suntiang | suntiang sumber]

Bahaso Mentawai ditutuakan di Desa Monganpoula, Kecamatan Siberut Utara; Desa Maileppet, Kecamatan Siberut Selatan; dan Desa Sioban, Kecamatan Sipora, dan Desa Makalo, Kecamatan Pagai Selatan, Kabupaten Kepulauan Mentawai, Provinsi Sumatra Barat.[1]

Bahaso Mentawai tadiri ateh tigo dialek, iyolah (1) dialek Siberut Utara, (2) dialek Siberut Selatan, jo (3) dialek Sipora Pagai. Dialek Siberut Utara ditutuakan di Desa Monganpoula, Kecamatan Siberut Utara. Dialek Siberut Selatan ditutuakan di Desa Maileppet, Kecamatan Siberut Selatan. Dialek Sipora Pagai ditutuakan di Desa Sioban, Kecamatan Sipora, jo Desa Makalo, Kecamatan Pagai Selatan. Dialek Sipora-Pagai marupokan dialek standar dek karano sebaran geografisnya paliang laweh dan paliang banyak jumlah panutuanyo sarato barado di pusek pamarintahan kabupaten.[1]

Manuruik hasia paretongan dialektometri, persentase pabedaan katigo dialek tasabuik kiro-kiro 51%—69%. Isolek Mentawai marupokan sabuah bahaso jo persentase pabedaan kiro-kiro 81%—100% jikok dibandiangan jo bahaso Batak dan Minangkabau.[1]

Fonologi

[suntiang | suntiang sumber]

Bahaso Mentawai mampunyoi panakanan dalam satiok kato. Panakanan umumnyo dilakukan pado suku kato sabalun suku kato tarakhia. Bahaso Mentawai mampunyoi 8 diftong, di antaronyo /ai/, /au/, /ei/, /eu/, /iu/, /oi/, /ou/, jo /ui/. Dibandiangkan jo bahaso lain, diftong /ei/ diucapkan sarupo rain dalam bahaso Inggirih, /eu/ sarupo eufemisme dalam bahaso Indonesia, /ou/ sarupo low dalam bahaso Inggirih, jo /ui/ sarupo Badui dalam bahaso Indonesia.[2]

Kosakata dasa[3]

[suntiang | suntiang sumber]

Kato ganti urang

  • Awak = aku
  • Sanak = ekew
  • Kito = sita
  • Kami = kai
  • Inyo = nia

Kato tanyo

  • Apo = apa
  • Baa = kipa
  • Siapo = kasey
  • Dimano = kaypa
  • Dek a = angoy, apalulu
  • Bara = piga

Contoh kalimaik

[suntiang | suntiang sumber]

Aku ay sene'. Awak di siko

Aku muloo' oynan sikuddu ka bagat pulokat galas nenda. Awak minum aia nan di dalam galeh tu.

Guru masigalay surat. Guru mambuek surek

Ina ay nia ka mone. Amak di ladang

Lalep nenda ay palinaki si Tanggra. Rumah tu dibarasiahan dek si Tanggra.

Rujuakan

[suntiang | suntiang sumber]
  1. ↑ a b c "Mentawai - Peta Bahasa". 118.98.223.79. Diarsipkan dari versi asli tanggal 2018-04-18. Diakses tanggal 2018-04-18. 
  2. ↑ Schefold, Reimar, 1938-. Aku dan Orang Sakuddei menjaga jiwa di rimba Mentawai. Jakarta. ISBN 978-979-709-850-6. OCLC 889701896. https://www.worldcat.org/oclc/889701896. 
  3. ↑ Lenggang ZR, Hio BKH, Zainil MA, Adam S (1978) Bahasa Mentawai. Bb 3 . Pusat Pembinaan dan Pengembangan Bahasa, Jakarta.

Pautan lua

[suntiang | suntiang sumber]


Stub icon Iko baru laman rancangan. Bantulah Wikipedia untuak mangambangannyo.
Diambiak dari "https://min.wikipedia.org/w/index.php?title=Bahaso_Mentawai&oldid=2462874"