Драган Најденовски

Драган Најденовски
Роден	1956 Брод (село), Македонија
Занимање	сликар

Драган Најденовски (Брод (село), 1956) — македонски сликар.

Животопис

Најденовски е роден во село Брод во 1956 година. Средно техничко училиште завршил во Битола и работел во струката сè додека целосно не му се посветил на сликањето како самостоен ликовен уметник.

Член е на Друштвото на ликовните уметници на Македонија (ДЛУМ) и Друштвото на ликовните уметници на Битола (ДЛУБ), а бил и претседател на ДЛУБ во еден мандат.

Осврти

За ликовното творештво на Драган Најденовски, писателот Панде Манојлов напишал:

Симболично и модерно е ликовното творештво на Драган Најденовски. Секоја негова слика е светлина и реална но и далеку поапстракна што зрачи и осветлува скриени ликовни простори од ова поднебје. Тие се прекрасни предели во замислената иреална „Ливада на музите“, бајковито насликани со филозофско-фантастичен набој со магичен и метафоричен ликовен израз силно и цврсто потпрени на имагинацијата на авторот.

—Панде Манојлов,

Независни изложби

Најденовски има бројни независни изложби:

• 2020 – „Ликовни предели“, Прилеп, Дом на културата „Марко Цепенков“;
• 2005 – Битола, Ликовна галерија; Прилеп, Дом на културата „Марко Цепенков“; Куманово, Културен центар
• 2003 – Струмица, Салон „Јоска Свештарот“
• 2001 – Пазарџик, Бугарија, Галерија „Георги Масев“; Панаѓуриште, Бугарија, Градски музеј
• 2000 – Кавадарци, Младински културен центар
• 1998 – Прилеп, Дом на културата „Марко Цепенков“; Скопје, Галерија КО-РА
• 1997 – Битола, Ликовен салон на ДЛУБ
• 1994 – Битола, Галерија „Ван Гог“
• 1989 – Битола, Уметничка галерија
• 1987 – Битола, Дом на културата – ликовен салон
• 1984 - Грачац
• 1983 - Сараево

Награди

• 2017, Награда „4 Ноември“ за неговата огромна ангажираност на полето на ликовниот живот во Битола

Надворешни врски

• 35 години творештво на Драган Најденовски