Hilde Krahwinkel-Sperling
Hildegard "Hilde" Krahwinkel-Sperling (* 26. März 1908 in Essen; † 7. März 1981 in Helsingborg, Sweden) weer en düütsch Tennisspelerin.
Leven
[ännern | Bornkood ännern]De Dochter vun en Bauünnernehmer speel siet 1925 in den Tennisclub Schwarz-Weiß in Essen un wessel 1927 to Etuf Essen. 1929 wurr se düütsch un ungaarsch Meesterin. 1931 verlor se in Wimbledon eerst in't Finale tegen Cilly Aussem; in dat sülvig Johr stunn se up Platz 2 vun de Weltranglist. 1933 wunn Krahwinkel mit Gottfried von Cramm den Wimbledontitel in dat mischt Düppel gegen Mary Heeley un Norman Farguharson, 1935–37 weer se dreemal bi de Internatschonal Meesterschapen vun Paris spoodriek. In hör bit 1952 andüern Karriere wunn se 123 Titel in 16 Länner un weer wiels disse Tiet de spoodriekst Spelerin vun de Welt.
För Düütschland hett se denn ok noch 56 FedCup Insatzen harrt.
Dör Heiraat mit Sven Sperling wurr se däänsch Staatsbörgerin.
Sonstiges
[ännern | Bornkood ännern]- Se gellt nah Steffi Graf un neben Cilly Aussem as de spoodriekste düütsch Tennisspielerin överhoopt un hörr to de best Spelerinnen in de 1930er Johren.
- Se wunn de Franzöösch Meesterschapen van 1935 bit 1937 dree Mal in Folge un wunn dorbi jeweils gegen Simonne Mathieu ut Frankriek. In de Historie vun de French Open gelung so en Hattrick blots noch Helen Wills Moody (1928–1930), Monica Seles (1990–1992) un Justine Henin (2005–2007).
- Hilde Sperling stunn insgesamt dreemal in en Endspeel vun Wimbledon: 1931 verlor se in dat rein düütsch Finale gegen Cilly Aussem. 1933 wunn se an die Siet vun Gottfried von Cramm den Titel in' Mixed. 1936 verlor se dat Daam-Eenzel gegen Helen Hull Jacobs.
- Buterdem wunn se van 1933 bit 1939 söben Mal in Folge de internatschonal düütsch Tennismeesterschapen (hüüt German Open).
- 2013 wurr Hilde Krahwinkel-Sperling in de International Tennis Hall of Fame upnommen.