Fritz Røed
| Fritz Røed | |
| Statsborgarskap | Noreg |
| Fødd | 15. august 1928 Bryne |
| Død |
20. desember 2002 (74 år) |
| Yrke | bilethoggar |
| Ektefelle | Kari Fostervoll |
| Fritz Røed på Commons | |
Fritz Røed (15. august 1928–20. desember 2002) var ein norsk kunstnar og bilethoggar, fødd på Bryne på Jæren.
Kunst
[endre | endre wikiteksten]Røed er kjend for nyskapande, ofte muntre skulpturar som han gjerne måla. Sverd i fjell, til minne om samlinga av Noreg, er truleg det best kjende kunstverket hans, og pregar heile landskapet der det står ved Møllebukta i Hafrsfjord. Elles er verk av Røed brukt til å utsmykka fleire norske byar. Han er særleg representert i Bryne, med statuar av Arne Garborg og Veslemøy. I Bryne sentrum ligg òg Fritz Røed Skulpturpark, som blei opna i oktober 2004 og inneheldt ti skulpturar av kunstnaren, mellom andre Lita søndagsprinsesse.
Kunstnaren blei mellom anna påverka av Adam Fischer og Jean Osouf.
Nokre kjende verk
[endre | endre wikiteksten]- Sverd i fjell, monument ved Hafrsfjord
- Snill gutt statuetten som vert delt ut av norske pressefotografar
Livssoge
[endre | endre wikiteksten]Røed blei fødd i Bryne sentrum. Han flytta til Oslo med familien sin då han var ungdom, og utdanna seg ved Statens håndverks- og kunstindustriskole og Statens kunstakademi. Deretter studerte han ved Akademiet i København i København (1951) og Académie de la Grande Chaumière i Paris (1952). Han debuterte på Haustutstillinga i 1956.
Frå 1970-talet budde Røed i den italienske kunstnarkolonien Villa Faraldi i Liguria, der han skulle leva livet ut, men med årlege opphald i Mexico og Noreg.
Bakgrunnsstoff
[endre | endre wikiteksten]- Om Fritz Røed på comune.villa-faraldi.im.it Arkivert 2006-05-13 ved Wayback Machine. (engelsk)
- Om skulpturen Mobilen i Horten
- Fritz Røed Skulturpark Arkivert 2006-02-07 ved Wayback Machine.