Christoph Lehmann

De Christoph Lehmann (* 1568 in Finschdawalde; † 20. Janua 1638) isch en daitsche Schrifdschdella un Schdadschraiwa in Schbaija oam Rhoi g'wesd.

Lewe

Soi Schbaijmara Gronig vun 1612, fa die a noch uffde kombledde Agdenbeschdoand vun de „Fraie Raichsschtadt“ Schbaija hod zuriggraife kenne, isch ä wischdisches Zaischnis ned blos fa die G'schichd vun de Schdadt Schbaija, sondan a vunde daitsche Schdadtg'schichd un a iwwahaubd vun de Alldaachsg'schischd vum Middlalda. Zidiad werdse ofd als Lehmannschi Gronig. Er iwwaliefad g'drailisch die schdändische Schdraideraie zwische de Birscherschaft un de Domimmunided. So heßd's dord

Zidaad: „Es hat sich viel und lange Jahr unversöhnliche Widerwärtigkeiten zwischen der Burgerschaft und der Clerisey Gesind in der Statt verhalten. Derhalben König Rudolph in obberberührten Vertrag sonderlich verordnet / wie derselben Rhat zu schaffen seyn solt.“

Baim Schraiwe vun de Gronig hoda sisch uff Orischinalagde g'schdidzd un isch insowaid a gridisch mitde fabulierende Voagänga umgonge. Zum Baisbiel hed sich noch de Schbaijmara Gronig vum Wilhelm Eysengreins (1563) de Bernhard von Clairvaux voaem Madonnebild im Dum g'knied un es Salve Regina gsunge, woruf des Mariebild vernehmba Bernhards

Zidaad: „Erschainen als Gott willkumme.“

bezaichned hed. De Hailische awwer, iwwa die Stimm endsedzd, hed des Word vum Aposchdl Paulus zug'rufe:

Zidaad: „Mulier taceat in ecclesia!" („Die Fra soll schwaische in de Kärsch!")

Christoph Lehmann hod sisch in sainere „Chronicon“ vun de „freie Reichsstadt Speyer“ driwweer luschdisch g'machd, dass

Zidaad: „ein gemaltes Bild Teutsch oder Lateinisch geredt"

hawwe soll und waisd druf hie, dass die Legend erschd 300 Jahre nochem ongeblische Eraignis uffg'tauchd isch und dass die Zaitgenosse nix vonem ongeblische Wunner wussd hawen. Als Komblikadoa hoda 1630 es Florilegium politicum. Politischer Blumengarten, Darinn außerlesene Politische Sentenz, Lehren, Regulen und Sprüchwörter [...] in locos communes zusammengetragen" g'schriwwe.

Wergausgawe

Chronica der Freien Reichs Stadt Speyer. Erschd Ausgab. Rosen, Frankfort am Main 1612 (Digitalisat dilibri Rheinland-Pfalz), 2. Auflage, Rosen 1662 (Digitalisat dilibri Rheinland-Pfalz), 3. Auflage, Oehrling 1698 (Digitalisat ULB Düsseldorf), 4. Auflage, Oehrling 1711 (Digitalisat dilibri Rheinland-Pfalz).

Bischa

Jakob Franck: Lehmann, Christoph. In: Allgemeine Deutsche Biographie (ADB). Band 18, Duncker & Humblot, Leipzig 1883, S. 132–138.
Klaus Graf: Lehmann, Christoph. In: Enzyklopädie des Märchens. Handwörterbuch zur historischen und vergleichenden Erzählforschung Bd. 8 Lief. 3/4, Berlin-New York 1996, Sp. 881-883 libreka.de

Websaide

Commons: Christoph Lehmann – Sammlung vun Bilder, Video un Audiodataie
Wikiquote: Zidade vun Christoph Lehmann
Nochwais de digidalisierde Ausgawe vun de Schbaijmara Gronig
Ointrach im Literaturport