Машинасо вики-экспедициясь Эрямонь Кинь ланга
2020 иень таштамковонь 1 чи
category = Нолдазь category = Вики-краеведы Северо-Запада России (эрз.) notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created
</dynamicpagelist><dynamicpagelist>category = Нолдазь category = Ленинградская область notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>
| В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа. |
2020 иень умарьковонь ушодомасто Ине-Петра ошонь «Вики-краеведы Северо-Запада России» Викимедиа юзер-группась, конантень совить кавто Эрзянь кельсэ Викимедиянь витнийть-ветийть юзер-группань ломанть, тейсь умок учовикс вейсэнь вики-экспедиция, ломантнеде ульнесть зярыя, секс савсь саемс кавто эсь машинат. Зярыя истят якамот-пакамот ульнесть кортавтозь иень ушодксо, ансяк коронавирусонь ормась тапизе весе. Тунда ды кизэнь ушодксо ламо ломанень пурнамотне ульнесть кардазь, секс куронь зярыя ломантне тейнесть вишка-экспедицият ськамост эли кавонест эсь прянь идемань ланга апак стувто. Окойники, вейсэнь ардомасьгак пурнавсь. Машинасо ардомась — те од тев юзер-группанень, ансяк аволь од вики-айгемасо. Истя жо эряви лецтямс, тона иестэ, регистрациянь ютамсто, кужось ульнесь васенцекс, конась тейнесь вейсэнь велосипедэнь артнема. (ваннодо. репортаж Викиовостей).
Рузонь масторсо те иесь яволявтозь Лецтямонь ды славань иекс, секскак якамонь-пакамонь таркакс ульнесь кочказь «Эрямонь Кись», лемень кундамо кись, конаванть торпингень шкава усксть куродозь Ленинградов ярсамопельть. Кужонтень совицясь - Екатерина Борисова — Викигидэнь ветямонь прявтсёрмадыцясь — кармась экскурсиянь прявтветицякс. Ардомась ушодовсь 8:30 валске марто Ленинэнь площадьстэ саезь. Эряви тешкстамс: вастовомань ушодомсто Екатерина сайсь казне лия кужонь ломаненть пельде — Владимир Медейкодо — те ульнесь колмоце таркань кисэ казне, конась максозоль пандемиянь вики-пелькстамосо — «Лиядт кудосо Википедия марто».
Административной Ине-Петрань ошонь границас пачкодемстэ, кужонь ломантне тейсть васенце лоткамо — "Лемень кундомань комплекс — «Эрямонь ки — 1-це вайгельбесь» (рузкс — «Мемориальный комплекс „Дорога жизни — 1 км“»), «Ардомань ваныця» (рузкс «Регулировщица») — лецнема тешкс марто. Снимазель васенце вайгельбень тешксэсь — истят тешкст-столбат аштить эрьва вайгельбень ютазь (весемезэ эйстэдест 46), эрьвась ульнесь снимазь. Секскак савсь лотксемс сеетьстэ, ялатеке аволь эрьва таркава. Ойнань тешкстэнь башка, кинь перька ульнесть ламо лият мельспрыця таркат. Истя «5-це вайгельбе» лотксема таркасо ульнесь ваннозь ды снимазь содавикс историянь коряс Приютино усадьбась.
Омбоце лотксемакс ульнесь Румболовань пандось кинь 10-це вайгельбесэ. Ванномась ушодовсь «Румболовань пандось» (рузкс «Румболовская гора») тешксэнь ванномсто, конась артозь Всеволожск ошонть гербсэ. «Ардомсто кершёно лецнема таркась ашти кавто покштояк покш кшнистэ теезь лопасто ды лаврасто, истя невтеви эрямо ды слава, сонсь кеврунгось неяви васолдо. Икелензэ аштиця сэрясь тешксты од эрямонь ушодома. Ваксонзо ашти гранитэнь столба, конасонть артозь машина ды Ольга Берггольцонь валморосто валт. Кеврунгось стявтозь 1967 иестэ», — сёрмады Викигидэнь ветямось. Пандопрясо кужос совицятне ваннызь 2015 иень Синай лангсо авиакатастрофанть лемень кундамо кеврунгонть, Чернобылень катастрофань, Афгансо ды Чечнясо чавозетнень кеврунготнень, ушмонь калмазырь ды лия объектт, саемга Спасов церкуванть ды алашань кирдема кевстэ теезь кудонть «Рябово» усадьбасо, конасо икелев ульнесь Всеволожской бояртнэнь эрямотаркакс.
Теде мейле якиця-пакицятне лоткасть Романовка веленть маласо ды совасть ярсамо сонсь велентеньь. Романовка велень кеврунготне лововить «тривиальноекс» Викиутомонь койтнень коряс, конантень рузонь законодательствась а мери таштамс кеврунгонь фотокувт, секс мекс Россиясо ули истямо проблема, кода «панорамань олячи». Ансяк бути объектэсь ловови «тривиальноекс», сестэ те коесь тезэнь а лади. Ёвтатно: НКО «Викимедиа РУнь» Владимир Медейко прявтось (сон ашти те якицянь-пакицянь кужосояк) вадрясто вети панарамань олячинь кисэ важодема.
«Колмо сэрей столбат лецтявтыть невтема тешкс ланга, конатне аштесть кинть перька ойнань шкане. Вейкенть лангсо сёрмадозь „Кобонав“, куншка стобланть лангсо — „Седе ламо рейсат — седе куроксто сы изнямось“ (рузкс „Чем больше рейсов, тем быстрее победа над врагом“), колмоценть лангсо — „ Ленинград ёнов“. Теде башка ули сёрмадовкс, конась содавты цифра марто: „1200 000 Ленинградонь эрицятне эвакуировазь, 1500 000 тоннат эрьва мезень ускозь Ленинградов“. Кеврунгонть икеле кадовсь алкуксонь Эрямо Кинь 280-метрань кинь пелькс. Эрямо Кись тия-тува мольсь ташто шведэнь кевень тракт ланга, конась те таркасо ашти пурдазь», — сёрмады Викигидэсь 12-це вайгельбень ланга. 17-це вайгельбень ланга ветицясь сёрмады: «Те таркасо, аламодо 17-це вайгельбень столбас апак пачкоде, аволь пек сэрей таркасо аштесть зенитной леднемат, сынь ванстсть Эрямо Кисэнть ятонь самолёттнэде. Текень марто „Катюша“ леднематне эсть ульне зенитной леднемапелекс, ансяк секень лангс апак вано, сынь сыть превс, зярдо кортатано коштка ливтницятнеде идемадо . Вете 14-метрань раужо кшнинь балкат, стявтозь бетонс, невтить „Катюшиань“ велямот — те маряви пек лаконичнойкс ды кемевтицякс. Кеврунгось стявтозель 1966 иестэ. Интересна, сонзэ вейке архитекторось — Л. В. Чулкевич, сонсь важодсь куродомань шкане Эрямонь кинь лангсо, ульнесь автоколоннань прявтокс».
Ловнотано Викигидсэ седе тов: «29-це вайгельбесь. „Ириновка“ усадьбась. П. Л. Корф барононть икеле шкане эрямотарказо, сон ульнесь политикекс ды заводонь стявтыцякс, Иринань теине чугункань кинь теемань пшкадицякс. Мазый усадьбань кудось модерн стильсэ ашти течеме чис, неень шкане тосо велень больниця, а ойнань шкане ульнесь Ладогань венч-иневедень госпиталь. Кудонтень вети кезэрень кись, конанть перькава касыть чувтт ташто коень коряс. Седе тов, кершёно ашти покштояк покш сыре тумо, ёвтнемань коряс, алонзо вечксь оймсете Кутузов ушмодеесь» («чувтось яволявтозь культурань кеврунгокс 2013 иестэ саезь», толкови Викимапия). «Тумонтень вети теезь кись, ваксонзо неят мазый шабра паксят. Седе тов, 30-це ды 31-це вайгельбень столбатнень юткасо, кинть витьёно ашти медсестрань вейсэнь калмо, госпитальсэ кулозь ушмотнень ды эвакуациянь перть чавозь Ленинградонь эрицятнень. Тесэ калмазь малава 500 ломанть».
Мейле ардыцятне пачкодсть Ваганово велес (37-це вайгельбесь), косо ашти Ладогань венчень музеесь, аравтома иесь — 1966, конась васня теезель кода од ломанень вешнема-куронь музей, неень шкас сон покшолгадсь ды кирди 800 невтемат. Тевесь ладязель истя: а якамс музейга, ансяк ванномс ушова кеврунгот ды историянь коряс содавикс таркат. Секс Ваганова велесэ муизь ды тейсть фотокувт трэбань ветицятненень (рузкс трубопроводные войска) ды связень кирдиця ушмотненень алтазь кеврунгот. «Кой-кинень те маряви аволь интереснойкс, ансяк эряви чарькодемс, кода торпингень шкане явсть мель связентень ды эждема тевтнень, кода стака ульнесь кирдемс не тевтнень свалшкань ятонь леднема ало ды текень марто домка ды аволь сэтьме зёлт алга. Эрьвась, кие важодсь Эрямонь кинть лангсо, ульнесь маралякс, кодамо ансяк важодема сон эзь тейне», — толкови Викигидэсь.
Мейле экспедициянь ломантне пачкодсть Ладогань зёлтс, конаванть кирдсть сюлмо советэнь тылонть марто тона берёгсо — кизнат ведьга, тельня — эйга. Те таркась тешкстазь «Сезезь куродома» («Разорванное кольцо») кеврунгосо. Те кеврунгонть ванномсто таго чачсь «панарамань олячиде» кевкстемась. Экспедициянь ломантне лецтясть: те кеврунгонь фотокувтнэ ульнесть нардазь Викиутомсто, ансяк текеяк сынть ней тосто мукшновить. Сергей Рублёв кужосо аштицясь пшкадсь не фотокувтнэнь велявтомадо, секень марто яволявтызе те кеврунгонть тривиальнойкс. Сон невтсь, кода тонгизе седе а шожда кеврунгонь фотокувонть, конась яволявтозь тривиальнойкс весемасторонь покш панорамань олячинь коряс специалистэсь — Викиутомсо аштицясь — PlanespotterA320, конанть компетенциятнень коряс минь сёрмадынек Викивестниксэ. Кужосо лия аштицятне согласясть валонзо марто.
«Сезезь куродомадо» (рузкс «Разорванное кольцо») мейле ардыцятне сыргасть пелевеёнов зёлтонть чирева, веёндо ваннызь Осиновецэнь маяконть (малазонзо а молеват — пирявкс удало) ды апак ойма Ладога зёлтонть. Истя жо ульнесь ваннозь «Ладогань маарось» (рузкс «Ладожский курган»), чугункань кинь лотксема таркаcь — «Ладогань зёлтось» (рузкс «Ладожское Озеро»), паровоз-кеврунгоcь ды лият историянь коряс содавикс ванномат. Тешкстатано: домкасто ловнодо теде Викигидэнь ветямосо. Мекев кужось велявсть лия киява — Ганнибаловкава ды Мурмананонь шоссева, весе прасть вейке мельс, што экспедициясь ульнесь мельст токицякс. Ваннодо экспедициянь фотокувт Викиутомсо (эрьва чистэ пештеви од фотокувсо): Wikimeetup in Vsevolozhsky District 2020-08-01.
 |
Предыдущая новость: Вики-краеведы Петербурга и 19-летие Википедии |
Источники
[править]
Комментарии[править]
Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.
Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.
Несколько советов по оформлению реплик:
- Новые темы начинайте, пожалуйста, снизу.
- Используйте символ звёздочки «*» в начале строки для начала новой темы. Далее пишите свой текст.
- Для ответа в начале строки укажите на одну звёздочку больше, чем в предыдущей реплике.
- Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.
Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.
.jpg){kind=link}
- Новости на русском языке
- 2020 иень таштамковонь 1 чи
- Новости с ошибочной датой
- Вики-краеведы Северо-Запада России (эрз.)
- Ленинградская область
- Викимедиа
- Оригинальные репортажи без указания автора
- Оригинальные репортажи
- Андрей Петров (1980)
- Вики-экскурсии
- Вики-экспедиции
- Викигид
- Викимедийцы
- Екатерина Борисова
- Владимир Медейко
- Сергей Рублёв
- Санкт-Петербург
- Фонд Викимедиа
- Фоторепортажи
- Нолдазь
- Викимапия