ᥗᥥᥱ ᥘᥣᥳ ᥝᥣᥱ ᥖᥣᥳ
ᥗᥦᥛᥰ ᥙᥣ ᥘᥥᥐᥳ:Translation needed ᥗᥦᥛᥰ ᥙᥣ ᥘᥥᥐᥳ:ᥚᥣᥱ ᥔᥣᥱ ᥙᥧᥐ ᥗᥣᥳ ᥚᥣᥱ ᥔᥣᥱ ᥙᥧᥐᥳ ᥗᥣᥳ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥭᥳ ᥙᥥᥢ ᥐᥫᥒᥰ ᥚᥥᥴ ᥚᥣᥱ ᥔᥣᥱ ᥙᥧᥐ ᥗᥣᥳᥟᥢ ᥘᥫᥒ ᥔᥥᥴ ᥛᥫᥒᥰ ᥐᥛᥱ ᥙᥨᥝᥰ ᥖᥤᥰ ᥕᥣᥰ၊ ᥛᥫᥒᥰ ᥘᥣᥝᥰ၊ ᥛᥫᥒᥰ ᥛᥦᥢᥱ ᥛᥣᥱ (ᥛᥫᥒᥰ ᥛᥣᥢ)၊ ᥔᥤᥱ ᥘᥤᥳ ᥘᥣᥒᥰ ᥐᥣᥰ ᥘᥦᥲ ᥛᥫᥒᥰ ᥗᥭᥰ ᥓᥫᥰ ᥘᥭᥳ ᥟᥩᥢ ᥐᥢ ᥐᥫᥰ ᥕᥛ ᥚᥣᥱ ᥔᥣᥱ ᥙᥧᥐ ᥗᥣᥳ ᥖᥒᥰ ᥘᥛᥴ ᥔᥥᥴ၊ ᥖᥤ ᥛᥫᥒᥰ ᥙᥒᥰ ᥐᥣᥰ ᥘᥣᥰ ᥖᥥᥖᥳ၊ ᥛᥫᥒᥰ ᥑᥥᥱ၊ ᥢᥤᥱ ᥙᥨᥝᥰ ᥘᥦᥲ ᥖᥤ ᥛᥫᥒᥰ ᥝᥦᥖᥳ ᥘᥣᥛᥰ ᥓᥫᥰ ᥘᥭᥳ ᥖᥥᥳ ᥟᥩᥢ ᥐᥢ ᥐᥫᥰ ᥕᥛ ᥕᥧᥱ ᥐᥛᥳ ᥑᥩᥒ။
ᥘᥩᥒ ᥙᥦᥐᥱ ᥙᥫᥒ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥦᥲ ᥛᥣᥱ ᥞᥣᥱ ᥕᥣᥱ ᥘᥣᥳ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]- ᥖᥒᥰ ᥔᥩᥒᥴ ᥓᥧᥛᥰ ᥕᥧᥛᥱ ᥕᥛ ᥝᥣ ᥚᥣᥰ ᥘᥣᥰ ᥙᥥᥢ ᥓᥝᥲ ᥙᥥᥢ ᥓᥝᥲ ᥟᥢ ᥗᥩᥖ ᥛᥦᥖ ᥔᥥᥴ ᥙᥫᥢ။
- ᥖᥒᥰ ᥔᥩᥒᥴ ᥓᥧᥛᥰ ᥞᥙ ᥑᥣᥛᥱ ᥖᥣᥰ ᥘᥣᥰ ᥔᥦᥖᥳ ᥓᥣᥱ ᥔᥤᥱ ᥙᥣᥰ။
- ᥔᥥᥢᥲ ᥖᥣᥒᥰ ᥛᥣᥐᥱ ᥐᥣᥒᥱ ᥙᥦᥖᥱ ᥙᥣᥰ ᥘᥭᥳ ᥙᥥᥢ ᥖᥣᥰ ᥘᥣᥰ ᥖᥒᥰ ᥔᥩᥒᥴ ᥓᥧᥛᥰ။
- ᥖᥣᥰ ᥘᥣᥰ ᥙᥣ ᥖᥤᥖᥳ ᥓᥣᥳ ᥔᥛᥱ ᥛᥧᥙ ᥙᥣᥖ ᥐᥩᥲ ᥖᥩ ᥙᥥᥢ ᥖᥣᥰ ᥘᥣᥰ ᥖᥒᥰ ᥔᥩᥒᥴ ᥓᥧᥛᥰ။
- ᥖᥒᥰ ᥔᥩᥒᥴ ᥓᥧᥛᥰ ᥟᥛᥱ ᥞᥙ ᥑᥣᥛᥱ ᥘᥩᥒ ᥓᥝᥲ ᥚᥣᥢᥱ ᥔᥣᥒᥲ (ᥚᥣᥢᥱ ᥙᥥᥢ)။
- ᥖᥒᥰ ᥔᥩᥒᥴ ᥓᥧᥛᥰ ᥞᥙᥳ ᥑᥣᥛᥱ ᥟᥣ ᥘᥤᥖᥳ ᥓᥣᥳ၊ ᥖᥧᥐ ᥑᥣᥳ၊ᥟᥣ ᥘᥖ ᥖᥣᥳ ᥘᥦᥲ ᥔᥤᥱ ᥘᥣᥳ၊ᥔᥛᥱ ᥛᥣᥱ ᥗᥤ၊ ᥙᥦᥒᥱ ᥕᥣᥱ ᥘᥒᥱ ᥐᥢ။
ᥐᥩᥙ ᥘᥢᥴ ᥖᥥᥴ ᥘᥭᥲ ᥝᥣ ᥘᥩᥢᥳ ᥛᥩᥢᥰ ᥖᥣᥰ ᥘᥣᥰ ᥚᥣᥰ ᥘᥣᥰ ᥙᥥᥢ ᥓᥝᥲ ᥟᥢ ᥖᥒᥰ ᥔᥩᥒᥴ ᥓᥧᥛᥰ ᥞᥙ ᥑᥣᥛᥱ ᥝᥭᥳ ᥘᥢᥳ ᥟᥛᥱ ᥙᥫᥒ ᥐᥢ ᥘᥭᥴ ᥕᥧᥱ။
ᥖᥒᥰ ᥔᥩᥒᥴ ᥓᥧᥛᥰ ᥞᥙ ᥑᥣᥛᥱ ᥔᥣ ᥚᥨᥝᥰ ᥟᥣ ᥘᥖ ᥖᥣᥳ ᥘᥒᥱ ᥐᥢ ᥕᥝᥳ။ᥛᥣᥱ ᥞᥣᥱ ᥕᥣᥱ ᥢᥣᥳ ᥘᥭᥳ ᥟᥛᥱ ᥓᥬ ᥝᥣᥱ ᥖᥣᥳ ᥟᥖ ᥖᥣᥳ။ ᥘᥩᥒ ᥟᥢ ᥔᥩᥒᥴ ᥓᥧᥛᥰ ᥙᥦᥐᥱ ᥙᥫᥒ ᥐᥢ ᥘᥭᥳ ᥟᥛᥱ ᥓᥬ ᥙᥦᥐᥱ ᥙᥫᥒ ᥘᥨᥭ ᥖᥣᥰ ᥘᥣᥰ၊ ᥟᥢ ᥙᥦᥐᥱ ᥙᥫᥒ ᥐᥢ ᥘᥢᥳ ᥖᥥᥳ ᥙᥥᥢ ᥔᥣ ᥚᥨᥝᥰ ᥐᥣᥒ ᥓᥬ ᥐᥨᥝᥳ ᥓᥦᥒᥳ ᥐᥛ ᥖᥣᥱ ᥖᥥᥴ ᥙᥥᥢ ᥙᥩᥴᥨᥝᥰ ᥗᥤᥳ ᥔᥖ ᥖᥣᥳ (ᥘᥨᥝᥱ ᥘᥩᥒᥰ ᥓᥝᥲ) ᥘᥢᥳ ᥐᥩᥭᥰ။
ᥘᥨᥝᥱ ᥘᥩᥒᥰ ᥓᥝᥲ (ᥘᥨᥝᥱ ᥑᥛᥰ ᥓᥝᥲ)ᥘᥭᥳ ᥖᥪᥐ ᥙᥥᥢ ᥙᥧᥳ ᥗᥧᥳ ᥓᥢᥱ ᥐᥩᥭᥰ ᥘᥦᥲ ᥗᥥᥱ ᥘᥣᥳ ᥝᥣᥱ ᥖᥣᥳ ᥟᥛᥱ ᥐᥫᥰ ᥕᥛ။ ᥝᥣᥱ ᥖᥣᥳ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥭᥳ ᥖᥥᥳ ᥓᥣᥖ ᥙᥣᥢ ᥘᥭᥳ ᥙᥥᥢ ᥖᥣᥱ ᥑᥖᥴ ᥓᥬ ᥞᥬᥲ ᥘᥭᥲ ᥙᥥᥢ ᥕᥣ ᥞᥣᥢᥰ ᥖᥣᥱ ᥖᥣᥱ ᥞᥩᥖ ᥘᥤᥳ ᥙᥣᥢᥱ ᥔᥥᥴ ᥛᥣᥱ ᥞᥣᥱ ᥕᥣᥱ ᥘᥣᥳ ᥖᥥᥳ ᥔᥛᥳ ᥞᥙ ᥑᥣᥛᥱ ᥘᥩᥒ ᥓᥦᥒᥳ ᥐᥛ ᥘᥨᥝᥱ ᥘᥩᥒᥰ ᥓᥝᥲ ᥔᥥᥴ ᥖᥪᥰ ᥐᥛ ᥓᥩᥛᥰ ᥘᥢᥳ ᥕᥝᥳ။ ᥘᥨᥝᥱ ᥘᥩᥒᥰ ᥓᥝᥲ ᥟᥢ ᥞᥩᥒᥳ ᥝᥣ ᥙᥨᥝᥰ ᥗᥤᥳ ᥔᥖ ᥖᥣᥳ ᥘᥢᥳ ᥐᥩᥙ ᥙᥫ ᥙᥭᥱ ᥞᥧᥳ ᥞᥢᥴ ᥔᥥᥢᥲ ᥖᥣᥒᥰ ᥟᥩᥐᥱ ᥛᥨᥢᥳ ᥙᥨᥢᥳ ᥘᥩᥖ ᥙᥭᥱ ᥞᥧᥳ ᥞᥢᥴ ᥔᥦᥖ ᥓᥣᥱ ᥔᥤᥱ ᥙᥣᥰ ᥔᥥᥴ ᥖᥪᥐ ᥙᥥᥢ ᥙᥧᥳ ᥗᥧᥳ ᥓᥢᥱ ᥐᥩᥭᥰ ᥘᥦᥲ ᥗᥥᥱ ᥘᥣᥳ ᥝᥣᥱ ᥖᥣᥳ ᥟᥛᥱ ᥐᥫᥰ ᥕᥛ ᥑᥝᥴ။
ᥛᥣᥱ ᥞᥣᥱ ᥕᥣᥱ ᥘᥣᥳ ᥘᥭᥳ ᥘᥩᥒ ᥟᥢ ᥑᥝᥴ ᥟᥤᥒ ᥙᥫᥒ ᥐᥫᥰ ᥕᥛ ᥝᥭ ᥔᥣᥴ ᥘᥢᥳ ᥛᥤᥰ ᥖᥒᥰ ᥘᥛᥴ ᥘᥨᥒᥴ ᥕᥝᥳ။ ᥛᥫᥢᥴ ᥘᥒᥱ ᥘᥨᥝᥱ ᥘᥩᥒᥰ ᥓᥝᥲ၊ ᥛᥥ ᥘᥨᥝᥱ ᥘᥩᥒᥰ ᥓᥝᥲ၊ ᥙᥨᥝ ᥘᥨᥝᥱ ᥘᥩᥒᥰ ᥓᥝᥲ ᥓᥫᥰ ᥘᥭᥳ ᥐᥩᥲ ᥑᥝᥴ ᥘᥙᥳ ᥕᥛ ᥝᥭ ᥔᥣᥴ ᥕᥝᥳ။ ᥝᥣᥱ ᥖᥛ ᥞᥣᥱ ᥕᥣᥱ ᥘᥣᥳ ᥘᥭᥳ ᥔᥛᥳ ᥙᥦᥐ ᥔᥛᥳ ᥝᥣ ᥙᥥᥢ ᥕᥣ ᥞᥣᥢᥰ ᥖᥣᥱ ᥘᥭᥲ ᥟᥣ ᥘᥣᥳ ᥞᥖ ᥖᥣᥳ ᥚᥨᥝᥱ ᥕᥝᥳ ᥔᥥᥴ ᥖᥣᥳ ᥙᥭᥱ ᥘᥭᥲ ᥟᥝ ᥘᥤᥳ ᥙᥣᥢᥱ ᥑᥢᥴ ᥘᥭᥴ ᥕᥝᥳ။ ᥑᥝᥴ ᥝᥣ ᥘᥧᥐ ᥖᥤ ᥟᥣ ᥘᥣᥳ ᥞᥖ ᥖᥣᥳ ᥚᥨᥝᥱ ᥔᥥᥴ ᥓᥣᥒ ᥑᥪᥢᥰ ᥘᥨᥒᥰ ᥐᥣᥱ ᥙᥥᥢ ᥟᥣ ᥘᥣᥱ ᥐᥣᥛᥱ၊ᥔᥐ ᥖᥣᥱ ᥐᥣᥛᥱ၊ ᥔᥨᥝᥰ ᥖᥣᥱ ᥙᥣᥢᥱ ᥑᥢᥴ ᥘᥭᥴ ᥕᥝᥳ။ ᥝᥣᥭᥰ ᥔᥥᥴ ᥘᥢᥳ ᥓᥒᥱ ᥑᥪᥢᥰ ᥘᥭᥲ ᥕᥩᥢᥰ ᥔᥧᥰ ᥖᥣᥱ ᥖᥥᥴ ᥙᥥᥢ ᥚᥣᥰ ᥘᥣᥰ ᥔᥥᥴ ᥘᥭᥰ ᥗᥦᥛᥴ ᥔᥣᥒᥲ ᥙᥣᥱ ᥘᥛᥱ ᥛᥤᥱ ᥐᥣᥱ ᥘᥭᥴ ᥕᥝᥳ။ ᥖᥤ ᥘᥭᥳ ᥘᥩᥒ ᥞᥢᥴ ᥗᥪᥒᥴ ᥝᥣᥱ ᥖᥣᥳ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥦᥲ ᥛᥣᥱ ᥞᥣᥱ ᥕᥣᥱ ᥘᥣᥳ ᥘᥭᥳ ᥙᥦᥐᥱ ᥙᥫᥒ ᥐᥢ ᥝᥭᥳ ᥕᥝᥳ။
ᥓᥧᥛᥰ ᥟᥢ ᥟᥛᥱ ᥛᥨᥢᥳ ᥛᥥᥰ ᥝᥤᥳ ᥘᥭᥰ ᥔᥧᥖ ᥖᥣᥢᥱ ᥟᥣ ᥚᥤᥳ ᥗᥛᥱ ᥛᥣᥱ ᥔᥥᥴ ᥓᥦᥒᥳ ᥐᥛ ᥖᥪᥰ ᥐᥛ ᥓᥩᥛᥰ ᥘᥒᥱ ᥟᥢ ᥚᥣᥰ ᥘᥣᥰ ᥞᥨᥝᥰ ᥛᥣᥰ ᥚᥥᥢ ᥚᥥᥢ ᥘᥢᥳ ᥙᥥᥢ ᥗᥥᥱ ᥘᥣᥳ ᥝᥣᥱ ᥖᥣᥳ ᥕᥝᥳ။ ᥖᥨᥭᥰ ᥓᥩᥛᥰ ᥔᥣᥭᥴ ᥒᥣᥭᥴ ᥐᥧ ᥙᥫᥒ ᥙᥫᥒ ᥔᥥᥴ ᥟᥢ ᥛᥨᥢᥳ ᥛᥥᥰ ᥓᥦᥒᥳ ᥐᥛ ᥓᥩᥛᥰ ᥘᥢᥳ ᥙᥥᥢ ᥛᥣᥱ ᥞᥣᥱ ᥕᥣᥱ ᥘᥣᥳ ᥕᥝᥳ။
ᥐᥙᥴ ᥐᥣᥭᥱ ᥘᥨᥭ ᥘᥤᥳ ᥙᥣᥢᥱ ᥘᥢᥳ ᥐᥩᥲ ᥖᥣᥒᥰ ᥞᥢᥴ ᥗᥪᥒᥴ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥦᥲ ᥛᥣᥱ ᥞᥣᥱ ᥕᥣᥱ ᥘᥣᥳ ᥐᥩᥲ ᥙᥦᥐᥱ ᥙᥫᥒ ᥐᥢ ᥝᥭᥳ ᥕᥧᥱ။ ᥐᥙᥴ ᥐᥣᥭᥱ ᥘᥨᥭ ᥘᥤᥳ ᥙᥣᥢᥰ ᥘᥢᥳ ᥘᥬᥰ ᥚᥧᥢᥴ ᥗᥛᥰ ᥛᥣᥱ ᥞᥣᥱ ᥕᥣᥱ ᥘᥣᥳ ᥑᥝᥴ ᥔᥛᥳ ᥝᥣ ᥝᥭᥳ ᥘᥤᥳ ᥙᥣᥢᥱ ᥘᥭᥳ ᥙᥥᥢ ᥚᥨᥒᥱ ᥑᥨᥒᥰ ᥖᥤ ᥐᥖᥴ ᥕᥥᥢ ᥔᥫᥰ ᥔᥣᥱ ᥘᥭᥴ ᥘᥦᥲ ᥔᥒᥴ၊ ᥔᥛᥱ ᥔᥣᥱ ᥘᥣᥱ ᥘᥭᥳ ᥐᥩᥲ ᥙᥥᥢ ᥘᥤᥳ ᥙᥣᥢᥱ ᥘᥦᥲ ᥔᥒᥴ (ᥘᥤᥰ ᥙᥣᥢᥱ ᥐᥩᥰ ᥑᥝᥲ ᥙᥣᥰ ᥘᥬᥰ ᥔᥛᥱ ᥔᥣᥱ ᥘᥣᥱ) ᥑᥝᥴ ᥛᥣᥭᥴ ᥗᥪᥒᥴ ᥘᥒᥱ ᥘᥭᥴ ᥝᥭᥳ ᥕᥝᥳ။ ᥐᥩᥭᥰ ᥐᥣ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥭᥳ ᥖᥥᥳ ᥟᥝ ᥓᥩᥛᥰ ᥘᥒᥱ ᥔᥣᥱ ᥘᥣᥱ ᥔᥪᥙᥱ ᥖᥣ ᥙᥥᥰ ᥔᥥᥴ ᥞᥢᥴ ᥗᥪᥒᥴ ᥝᥭᥳ ᥝᥣ ᥘᥤᥙ ᥙᥣᥢᥱ ᥘᥭᥳ ᥟᥛᥱ ᥓᥬ ᥚᥧᥒᥱ ᥘᥫᥒ ᥑᥨᥒᥰ ᥘᥫᥒ၊ ᥙᥩᥰ ᥐᥣᥒᥰ ᥕᥣᥢᥴ ᥔᥛᥱ ᥔᥣᥱ ᥘᥣᥱ ᥕᥝᥳ ᥐᥩᥢᥱ ᥓᥒᥱ ᥖᥥᥴ ᥙᥥᥢ ᥘᥤᥳ ᥙᥣᥢᥱ ᥘᥭᥴ ᥕᥝᥳ။
ᥖᥤ ᥘᥬᥰ ᥚᥧᥢᥴ ᥗᥛᥰ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥢᥳ ᥝᥣ ᥝᥭᥳ ᥖᥥᥳ 31 ᥑᥨᥒᥰ ᥟᥢ ᥔᥖ ᥖᥣᥳ ᥝᥣᥱ ᥑᥝᥴ ᥝᥣᥭᥲ ᥙᥢ ᥕᥧᥱ ᥖᥤ ᥟᥢ ᥘᥩᥖ ᥐᥣᥒᥰ ᥕᥣᥢᥴ ᥐᥤᥳ ᥘᥥᥱ ᥔᥣᥱ ᥘᥢᥳ ᥙᥥᥢ ᥘᥤᥳ ᥙᥣᥢᥱ ᥘᥭᥴ ᥕᥝᥳ။ ᥙᥨᥝᥰ ᥝᥣ ᥙᥨᥢᥳ ᥘᥩᥖ ᥖᥧᥐ ᥑᥣᥳ ᥖᥒᥰ ᥙᥪᥐᥴ ᥕᥝᥳ ᥙᥨᥝᥰ ᥞᥩᥖ ᥗᥪᥒᥴ ᥘᥤᥳ ᥙᥣᥢᥱ ᥕᥝᥳ ᥐᥩᥲ ᥔᥛᥱ ᥔᥣᥱ ᥘᥱ ᥘᥢᥳ ᥟᥛᥱ ᥑᥪᥢᥰ ᥙᥥᥢ ᥗᥦᥢᥲ ᥟᥢ ᥛᥬᥱ ᥕᥝᥳ။ ᥘᥤᥳ ᥙᥣᥢᥱ ᥟᥢ ᥝᥣᥰ ᥘᥢᥳ ᥛᥢᥰ ᥘᥩᥖ ᥐᥣᥒᥰ ᥕᥣᥢᥴ ᥘᥩᥒ ᥐᥣᥛᥱ၊ ᥓᥤᥖ၊ ᥟᥧᥳ ᥖᥧᥳ၊ ᥟᥣᥱ ᥞᥣᥱ ᥘᥣᥳ ᥛᥨᥢᥳ ᥛᥥᥰ၊ ᥛᥢᥰ ᥙᥥᥢ ᥖᥤ ᥒᥤᥛᥰ ᥕᥥᥢ ᥖᥒᥰ ᥔᥥᥒᥲ၊ ᥛᥢᥰ ᥟᥛᥱ ᥛᥤᥰ ᥘᥩᥒ ᥘᥦᥐ ᥘᥣᥭᥰ (ᥙᥥᥢ ᥘᥩᥒ ᥛᥢᥲ ᥐᥪᥛᥰ)၊ ᥙᥥᥢ ᥘᥩᥒ ᥐᥖᥴ ᥕᥥᥢ၊ ᥟᥛᥱ ᥛᥤᥰ ᥖᥢᥱ ᥞᥣᥱ၊ ᥘᥩᥖ ᥙᥨᥢᥳ ᥖᥣᥒᥰ ᥖᥧᥐ ᥖᥒᥰ ᥔᥥᥒᥲ၊ ᥖᥤ ᥟᥢ ᥘᥩᥖ ᥙᥨᥢᥳ ᥐᥫᥖᥱ၊ ᥗᥝᥲ၊ ᥙᥥᥢ (ᥓᥥᥙᥱ)၊ ᥖᥣᥭ၊ ᥟᥛᥱ ᥛᥤᥰ ᥓᥬ ᥓᥙᥴ ᥙᥦᥢᥰ၊ ᥟᥛᥱ ᥛᥤᥰ ᥚᥣᥳ ᥝᥣᥳ၊ ᥟᥛᥱ ᥛᥤᥰ ᥖᥣᥒᥰ ᥑᥤᥴ ᥛᥭᥲ၊ ᥟᥛᥱ ᥛᥤᥰ ᥖᥣᥒᥰ ᥞᥩᥒᥳ ᥞᥭᥲ၊ ᥟᥛᥱ ᥛᥤᥰ ᥘᥩᥒ ᥔᥤᥴ ᥘᥦᥒᥴ၊ ᥟᥛᥱ ᥛᥤᥰ ᥘᥩᥒ ᥑᥧᥢᥱ ᥔᥝᥲ ᥐᥤᥳ ᥘᥥᥱ ᥔᥣᥱ ᥘᥢᥳ ᥙᥥᥢ ᥘᥤᥳ ᥙᥣᥢᥱ ᥕᥝᥳ။
ᥘᥤᥳ ᥙᥣᥢᥱ ᥟᥢ ᥝᥣ ᥘᥢᥳ ᥙᥥᥢ ᥗᥣᥖ ᥟᥣ ᥔᥒᥱ ᥑᥣᥳ ᥖᥣᥳ၊ ᥙᥥᥢ ᥗᥛᥰ ᥖᥣᥰ ᥘᥣᥰ ᥓᥦᥖ ᥛᥣᥢᥱ ᥔᥥᥴ ᥙᥥᥢ ᥟᥢ ᥛᥤᥰ ᥖᥥᥳ။ ᥖᥣᥱ ᥖᥤᥴ ᥘᥭᥲ ᥘᥤᥳ ᥙᥣᥢᥱ၊ ᥞᥧᥳ ᥞᥢᥴ ᥘᥤᥳ ᥙᥣᥢᥱ ᥘᥢᥳ ᥖᥣᥒᥰ ᥐᥣᥱ ᥛᥢᥰ ᥙᥥᥢ ᥔᥣ ᥖᥤᥳ ᥙᥖᥳ ᥗᥣᥢᥱ ᥔᥥᥢᥲ ᥘᥥᥝ ᥐᥩᥭᥰ။ ᥘᥭᥳ ᥙᥥᥢ ᥘᥩᥒ ᥞᥢᥴ ᥗᥪᥒᥴ ᥘᥤᥳ ᥙᥣᥢᥱ ᥟᥢ ᥐᥙᥴ ᥐᥣᥭᥱ ᥘᥨᥭ ᥗᥥᥱ ᥘᥣᥳ ᥝᥣᥱ ᥖᥣᥳ ᥕᥝᥳ။ ᥑᥨᥝᥲ ᥔᥒᥱ ᥔᥩᥢᥴ ᥘᥬᥰ ᥗᥥᥱ ᥘᥣᥳ ᥝᥣᥱ ᥖᥣᥳ ᥘᥦᥲ ᥔᥒᥴ ᥘᥬᥰ ᥛᥣᥱ ᥞᥣᥱ ᥕᥣᥱ ᥘᥣᥳ ᥘᥦᥲ ᥔᥒᥴ ᥛᥤᥰ ᥝᥭᥳ ᥑᥨᥝᥲ ᥔᥒᥱ ᥔᥩᥢᥱ ᥟᥩᥢ ᥘᥤ ᥙᥧᥢᥳ ᥖᥣᥱ ᥐᥨᥢᥰ ᥛᥫᥒᥰ ᥑᥨᥒᥰ ᥐᥣᥒ ᥖᥒᥰ ᥘᥛᥴ ᥖᥒᥰ ᥘᥣᥭᥴ ᥘᥒᥱ ᥐᥢ ᥕᥝᥳ။
ᥙᥐᥴ ᥙᥫᥒ ᥟᥛᥱ ᥘᥢᥴ ᥔᥤᥢᥴ ᥔᥤᥱ ᥘᥣᥳ(5)ᥔᥥᥢᥲ ᥟᥢ ᥖᥤᥴ ᥘᥭᥲ ᥞᥥᥖᥱ ᥓᥩᥛᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]- ᥒᥫᥒᥳ ᥝᥥ ᥟᥝ ᥖᥣᥭ ᥔᥣᥭᥴ ᥓᥬ ᥐᥨᥢᥰ ᥘᥦᥲ ᥖᥨᥝ ᥔᥖᥴ။
- ᥒᥫᥒᥳ ᥝᥥ ᥘᥩᥒ ᥘᥐᥳ ᥟᥝ ᥑᥨᥝᥰ ᥑᥩᥒᥴ ᥟᥢ ᥓᥝᥲ ᥛᥢᥰ ᥟᥛᥱ ᥙᥢ။
- ᥒᥫᥒᥳ ᥝᥥ ᥘᥩᥒ ᥚᥤᥖᥴ ᥚᥦᥐᥱ ᥙᥨᥢᥳ ᥙᥦᥢ ᥘᥣᥲ ᥞᥫᥢᥰ ᥙᥫᥢ။
- ᥒᥫᥒᥳ ᥝᥥ ᥘᥩᥒ ᥚᥦᥖ ᥘᥦᥢᥴ။
- ᥒᥫᥒᥳ ᥝᥥ ᥘᥩᥒ ᥐᥤᥢ ᥘᥝᥲ ᥘᥩᥒ ᥘᥧᥖᥱ ᥕᥣᥲ ᥘᥩᥒ ᥕᥣᥲ ᥛᥝᥰ ᥐᥛ။
ᥙᥨᥝᥰ ᥖᥨᥭᥰ ᥔᥤᥢᥴ ᥞᥣᥲ ᥔᥥᥢᥲ ᥘᥭᥳ ᥓᥪᥒ ᥛᥨᥢ ᥑᥛᥰ ᥚᥣᥰ ᥘᥣᥰ ᥛᥧᥒ ᥞᥢᥴ ᥗᥪᥒᥴ ᥙᥧᥢ ᥖᥣᥱ ᥐᥨᥢᥰ ᥞᥝᥰ ᥖᥤᥴ ᥛᥤᥰ ᥘᥩᥒ ᥞᥨᥛᥱ ᥘᥨᥛ ᥔᥣᥭᥴ ᥓᥬ ᥘᥦᥲ ᥑᥨᥝᥰ ᥑᥩᥒᥴ ᥞᥫᥢᥰ ᥕᥥᥰ၊ ᥙᥧᥢ ᥖᥣᥱ ᥘᥣᥲ ᥞᥫᥢᥰ ᥛᥨᥢ ᥔᥫᥰ ᥓᥬ၊ ᥙᥧᥢ ᥖᥣᥱ ᥖᥣᥰ ᥘᥣᥰ ᥔᥦᥖᥳ ᥓᥣᥱ ᥘᥩᥒ ᥛᥣᥢᥱ ᥛᥦᥢ ᥛᥤᥰ ᥛᥣᥰ ᥘᥬᥰ ᥐᥛᥱ ᥚᥣᥱ၊ ᥙᥧᥢ ᥖᥣᥱ ᥕᥣᥢᥱ ᥖᥣᥒᥰ ᥞᥧᥳ ᥐᥨᥢᥰ ᥞᥝᥰ ᥖᥤᥴ ᥑᥪᥢᥲ ᥓᥢᥳ ᥑᥪᥢᥲ ᥔᥧᥒᥴ ᥔᥥᥴ ᥓᥒᥱ ᥖᥥᥴ ᥖᥛᥰ ᥝᥣᥒᥰ ᥙᥢ ᥔᥤᥢᥴ ᥟᥛᥱ ᥘᥢᥴ ᥛᥣᥭᥴ ᥛᥤᥲ ᥐᥨᥢᥰ ᥞᥣᥲ ᥙᥫᥒ ᥘᥭᥳ ᥕᥝᥳ။ ᥐᥨᥢᥰ ᥛᥫᥒᥰ ᥑᥨᥒᥰ ᥐᥣᥒ ᥞᥝᥰ ᥘᥭᥳ ᥐᥩᥙ ᥙᥫ ᥑᥬᥲ ᥓᥨᥝᥱ ᥕᥣᥱ ᥙᥨᥢᥳ ᥘᥨᥢᥳ ᥘᥫᥴ၊ ᥐᥩᥙ ᥙᥫ ᥓᥬ ᥘᥛᥱ ᥛᥣᥐ ᥘᥨᥝᥰ ᥚᥣᥰ၊ ᥐᥩᥙ ᥙᥫ ᥓᥬ ᥐᥨᥝ ᥞᥥᥴ ᥘᥛᥴ ᥘᥣᥱ ᥘᥦᥲ ᥘᥒᥱ ᥞᥪᥴ ᥚᥣᥳ ᥝᥣᥳ ᥓᥝᥲ ᥐᥝᥱ ᥖᥤᥴ ᥛᥤᥰ ᥖᥤ ᥓᥬ ᥕᥬᥱ ᥓᥬ ᥐᥬᥲ ᥘᥢᥳ ᥓᥒᥱ ᥝᥨᥢᥳ ᥔᥥᥴ ᥑᥣᥴ ᥖᥤ ᥙᥪᥒ ᥟᥤᥒ ᥐᥫᥰ ᥘᥤ ᥕᥝᥳ။
ᥙᥫᥒ ᥗᥥᥱ ᥘᥣᥳ ᥝᥣᥱ ᥖᥣᥳ ᥚᥣᥱ ᥔᥣᥱ ᥙᥧᥐ ᥗᥣᥳ (5) ᥕᥫᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥖᥣᥱ ᥖᥤᥴ ᥙᥥᥢ ᥐᥨᥢᥰ ᥙᥧᥐ ᥗᥣᥳ ᥓᥦᥖ ᥓᥣᥒᥱ ᥘᥢᥳ ᥖᥥᥴ ᥘᥭᥲ ᥟᥝ ᥙᥐᥴ ᥙᥫᥒ ᥘᥨᥒᥴ 5 ᥟᥢ ᥖᥤ ᥘᥬᥰ ᥟᥒᥱ ᥐᥧᥐᥳ ᥖᥣᥳ ᥘᥣᥳ ᥘᥤᥳ ᥐᥣᥱ ᥕᥣᥳ ᥘᥭᥳ ᥛᥐᥴ ᥛᥢᥲ ᥐᥣᥱ ᥕᥧᥱ။
- ᥖᥤᥴ ᥘᥭᥲ ᥛᥤᥰ ᥔᥖ ᥗᥣᥱ ᥖᥣᥰ ᥘᥣᥰ ᥘᥩᥒ ᥕᥧᥛᥱ ᥕᥛ။
- ᥖᥤᥴ ᥘᥭᥲ ᥛᥤᥰ ᥔᥤᥱ ᥘᥣᥳ ᥘᥩᥒ ᥙᥬᥳ ᥙᥣᥰ။
- ᥖᥤᥴ ᥟᥛᥱ ᥘᥭᥲ ᥕᥧᥛᥱ ᥕᥛ ᥐᥨᥝ ᥖᥧᥳ ᥞᥣᥳ ᥘᥣᥳ ᥛᥒᥱ ᥐᥣᥳ ᥘᥣᥱ။
- ᥖᥤᥴ ᥘᥭᥲ ᥙᥥᥢ ᥐᥨᥝᥳ ᥕᥧᥛᥱ ᥕᥛ ᥐᥣᥛᥱ ᥖᥣᥰ ᥘᥣᥰ။
- ᥖᥤᥴ ᥟᥛᥱ ᥘᥭᥲ ᥔᥩᥐ ᥑᥣᥴ ᥘᥩᥒ ᥐᥫᥰ ᥕᥛ ᥚᥣᥭᥴ ᥘᥩᥐ ᥔᥣᥱ ᥔᥢᥱ ᥘᥣᥱ -
ᥖᥤᥴ ᥘᥭᥲ ᥛᥤᥰ ᥔᥖᥳ ᥗᥣᥱ ᥖᥣᥰ ᥘᥣᥰ ᥘᥩᥒ ᥕᥧᥛᥱ ᥕᥛ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥓᥬ ᥔᥖᥳ ᥗᥣᥱ ᥟᥢ ᥝᥣ ᥘᥢᥳ ᥖᥥᥳ ᥖᥤᥴ ᥘᥭᥲ ᥕᥧᥛᥱ ᥕᥛ ᥖᥛ ᥖᥤ ᥘᥫᥴ ᥚᥣᥰ ᥘᥣᥰ ᥖᥣᥰ ᥘᥣᥰ ᥔᥣᥒᥱ ᥑᥣᥱ ᥔᥥᥴ ᥞᥙ ᥑᥣᥛᥱ ᥕᥪᥢᥴ ᥝᥣ ᥙᥥᥢ ᥚᥣᥰ ᥘᥣᥰ ᥓᥦᥖ ᥖᥣᥰ ᥘᥣᥰ ᥓᥦᥖ ᥔᥣᥒᥱ ᥑᥣᥱ ᥓᥦᥖ ᥘᥭᥴ ᥕᥝᥳ။
ᥖᥥᥴ ᥘᥭᥲ ᥛᥤᥰ ᥔᥤᥱ ᥘᥣᥳ ᥘᥩᥒ ᥙᥬᥳ ᥙᥣᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥘᥩᥒ ᥝᥣᥱ ᥘᥤᥖᥳ ᥔᥤᥱ ᥘᥣᥳ ᥟᥢ ᥙᥥᥢ ᥔᥤᥢᥴ ᥞᥣᥲ၊ ᥔᥤᥢᥴ ᥙᥦᥖᥱ ᥗᥬᥴ၊ ᥘᥩᥒ ᥓᥣᥱ ᥘᥤᥖᥳ ᥖᥣᥳ ᥔᥤᥱ ᥘᥣᥳ ᥟᥢ ᥙᥥᥢ ᥙᥧᥢ ᥚᥩᥢᥰ (ᥝᥨᥖ ᥝᥣᥖ) ᥚᥨᥝᥴ၊ ᥛᥥᥰ၊ ᥔᥣᥱ ᥘᥣᥱ၊ᥖᥣ ᥙᥥᥰ၊ ᥙᥨᥝ ᥛᥥ ᥘᥧᥐ ᥘᥣᥒᥰ၊ ᥚᥧᥱ ᥕᥬᥱ ᥐᥨᥢᥰ ᥘᥨᥒᥴ၊ ᥘᥧᥐ ᥘᥩᥒᥳ ᥖᥣ ᥙᥥᥰ ᥓᥫᥰ ᥘᥢᥳ ᥖᥥᥴ ᥘᥭᥲ ᥖᥪᥰ ᥐᥛ ᥖᥥᥛ ᥗᥨᥢᥲ။
ᥖᥥᥴ ᥟᥛᥱ ᥘᥭᥲ ᥕᥧᥛᥱ ᥕᥛ ᥐᥨᥝ ᥖᥧᥳ ᥞᥣ ᥘᥣᥳ ᥛᥒᥱ ᥐᥣᥱ ᥘᥣᥱ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥖᥥᥴ ᥟᥛᥱ ᥘᥭᥲ ᥕᥧᥛᥱ ᥕᥛ ᥟᥣ ᥖᥤᥖ ᥘᥤᥳ ᥛᥤᥖ ᥘᥩᥒ ᥟᥢ ᥝᥣ ᥙᥨᥝᥰ ᥟᥣᥐᥱ ᥘᥫᥢᥰ ᥞᥩᥒᥳ ᥓᥪᥒ ᥛᥤᥰ ᥘᥣᥙ၊ ᥙᥩᥰ ᥖᥦᥖ ᥖᥦᥝᥰ ᥖᥨᥒᥳ ᥝᥣ ᥟᥛᥱ ᥘᥤ ᥓᥫᥰ ᥘᥢᥳ။ ᥖᥣᥒᥰ ᥞᥢᥴ ᥗᥪᥒᥴ ᥚᥣᥰ ᥘᥣᥰ ᥖᥥᥳ ᥞᥢᥴ ᥗᥪᥒᥴ ᥝᥣ ᥘᥩᥒ ᥟᥢ ᥟᥣᥐᥱ ᥘᥫᥢᥰ ᥞᥩᥒᥳ၊ ᥖᥦᥖ ᥖᥦᥝᥰ ᥞᥩᥒᥳ၊ ᥘᥫᥢ ᥛᥣᥖᥱ၊ ᥝᥢᥰ ᥛᥣᥖᥱ ᥝᥣ ᥙᥥᥢ ᥘᥤᥳ ᥛᥤᥖᥳ ᥟᥛᥱ ᥘᥤ။
ᥖᥥᥴ ᥘᥭᥲ ᥙᥥᥢ ᥐᥨᥝᥳ ᥕᥧᥛᥱ ᥕᥛ ᥐᥣᥛᥱ ᥖᥣᥰ ᥘᥣᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥕᥧᥛᥱ ᥐᥣᥛᥱ ᥟᥢ ᥝᥣ ᥘᥢᥳ ᥛᥫᥢᥴ ᥘᥒᥱ ᥚᥧᥐᥱ ᥖᥨᥢᥲ ᥛᥭᥳ ᥕᥝᥳ။ ᥟᥝ ᥓᥫᥳ ᥔᥒᥴ ᥚᥧᥐᥱ ᥐᥩᥲ ᥟᥩᥐᥱ ᥖᥨᥢᥲ ᥛᥥᥝᥰ ᥘᥢᥳ ᥘᥒᥱ ᥘᥢᥴ ᥙᥨᥝᥰ ᥞᥥᥖᥱ ᥘᥩᥒ ᥘᥤ ᥐᥩᥲ ᥖᥥᥴ ᥙᥢ ᥚᥩᥢᥰ ᥘᥤ၊ ᥙᥨᥜᥰ ᥞᥥᥖᥱ ᥘᥩᥒ ᥞᥣᥭᥳ ᥐᥩᥲ ᥖᥩ ᥖᥥᥴ ᥙᥢ ᥚᥩᥢᥰ ᥞᥣᥭᥳ ᥖᥥᥴ ᥘᥭᥲ ᥕᥧᥛᥱ ᥕᥛ ᥘᥒᥱ ᥘᥭᥴ။
ᥖᥥᥴ ᥟᥛᥱ ᥘᥭᥲ ᥔᥩᥐ ᥑᥣᥴ ᥘᥩᥒ ᥐᥫᥰ ᥕᥛ ᥚᥣᥭᥴ ᥘᥩᥐ ᥔᥣᥱ ᥔᥢᥱ ᥘᥣᥱ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]ᥓᥨᥝᥱ ᥘᥨᥢᥳ ᥙᥨᥢᥳ ᥘᥫᥴ ᥘᥦᥲ ᥔᥒᥴ၊ ᥛᥤᥰ ᥓᥬ ᥘᥛᥱ ᥛᥣᥐ ᥘᥨᥝᥰ ᥚᥣᥰ ᥘᥦᥲ ᥔᥒᥴ၊ ᥛᥤᥰ ᥓᥬ ᥐᥨᥝ ᥞᥥᥴ ᥘᥦᥲ ᥔᥒᥴ ᥘᥩᥒ ᥟᥢ ᥐᥣᥱ ᥞᥣᥴ ᥐᥫᥰ ᥕᥛ ᥚᥣᥭᥱ ᥘᥩᥐ ᥔᥣᥱ ᥔᥢᥱ ᥘᥣᥱ ᥓᥫᥰ ᥟᥢ ᥘᥩᥒ ᥐᥫᥰ ᥚᥤᥴ၊ ᥓᥝᥲ ᥛᥦᥣᥖ၊ ᥘᥣᥐ ᥐᥣᥱ ᥘᥣᥐ ᥚᥩᥭᥰ ᥙᥥᥱ ᥖᥣᥒᥱ ᥐᥣᥱ ᥘᥣᥰ ᥟᥨᥒᥰ ᥚᥣᥳ ᥟᥨᥒᥰ ᥚᥤᥳ ᥓᥫᥰ ᥘᥢᥳ ᥖᥥᥴ ᥟᥛᥱ ᥘᥭᥲ ᥕᥧᥛᥱ ᥕᥛ။
ᥙᥫᥒ ᥟᥤᥒ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]
ᥖᥩᥢᥲ ᥖᥣᥱ ᥖᥨᥭᥰ ᥗᥦᥢᥲ ᥖᥣᥒᥱ ᥓᥫᥰ
[ᥛᥨᥢᥳ ᥛᥥᥰ | ᥛᥥᥰ ᥗᥖᥴ ᥒᥝᥲ ᥒᥣᥱ]- ᥛᥫᥒᥰ ᥑᥥᥱ ᥘᥭᥳ ᥙᥥᥢ ᥛᥫᥒᥰ ᥟᥢ ᥞᥨᥝᥴ ᥘᥙᥳ ᥐᥨᥢᥰ ᥚᥣᥱ ᥔᥣᥱ ᥙᥧᥐ ᥗᥣᥳ ᥛᥣᥱ ᥞᥣᥱ ᥕᥣᥱ ᥘᥣᥳ ᥘᥛᥴ ᥔᥥᥴ ᥙᥫᥢ
- ᥙᥧᥐᥳ ᥗᥣᥳ ᥘᥦᥳ ᥙᥪᥢᥰ ᥚᥣᥱ ᥔᥣᥱ ᥙᥧᥐ ᥗᥣᥳ ᥗᥦᥛᥰ ᥙᥣ ᥘᥥᥐᥳ:Webarchive
- ᥘᥬᥰ ᥐᥛᥱ ᥚᥣᥱ ᥘᥭᥳ ᥞᥨᥝᥴ ᥘᥙᥳ ᥐᥨᥢᥰ ᥚᥣᥱ ᥔᥣᥱ ᥙᥧᥐᥳ ᥗᥣᥳ ᥛᥣᥱ ᥞᥣᥱ ᥕᥣᥱ ᥘᥣᥳ ᥘᥛᥴ ᥔᥥᥴ ᥙᥫᥢ ᥙᥥᥢ ᥛᥫᥒᥰ ᥑᥥᥱ ᥗᥦᥛᥰ ᥙᥣ ᥘᥥᥐᥳ:Webarchive
- ᥚᥣᥰ ᥘᥣᥰ ᥙᥥᥢ ᥓᥝᥲ ᥟᥢ ᥛᥦᥖ ᥘᥫᥴ ᥖᥩᥢᥰ ᥗᥦᥛᥰ ᥙᥣ ᥘᥥᥐᥳ:Webarchive