Bsiyo
Bsiyo/ Bsiyaw/ Bsiyaw(月桃)
[smmalu patas | ida npatas sspgan ka smmalu patas]Waso na bsiyo bbaro so hari qumi hnyegan na, sduduy puting qmuru ka phepah na. Waso ma phepah na bsiyo nii ge, uuqun na duma kui plale duri.
Netun ta mangal waso na bsiyo ita Seediq ge, pllayun daha hngedun hayan, ririh so mhenuk hari waso na dhenu. Kiya ngalun daha lmabu hlama butun ma hei camac.
Netun mosa lmiqu ka rudan ma skadi negul ge, mangal btunux ma qhuni sbetun na qmuru bsiyo dehuk temaq ma, phdagun na dungal. Ado mknedux riyung ka rehak na ma uka knkelun psetuq duri, kiya malu riyung slmeun negul.
Rhequn rehak na, niqan so hari kadi bhege seedan toma qmuru, kiya ngalun laqi slmeun daha sdoduy baga ma sllugan nduyung.