مالدیپ میں کورونا وائرس کی وبا' (انگریزی: COVID-19 pandemic in the Maldives) سے اولین موت اپریل2020ء میں واقع ہوئی تھی۔ اسی وقت ملک میں کورونا کے 280 مثبت معاملات بھی بتائے گئے۔ ملک کے وزیر صحت عبد اللہ امین نے بتایا کہ متاثرہ شخص مالدیپ کے دار الحکومت مالے کی ایک 83 سالہ خاتون تھی۔ اس بحر ہند میں ٹاپوؤں پر مشتمل ملک کے سیاحتی ریزارٹوں میں کورونا وائرس (COVID-19) کے اولین معاملے سامنے آئے۔[1]
مالدیپ میں کورونا وائرس کے بڑھتے ہوئے پھیلاؤ کے پیش نظر سیاحت کی صنعت پر عارضی طور پر پابندی عائد کردی گئی۔ مالدیپ میں کورونا وائرس سے انفیکشن کے واقعات کی تعداد بڑھنے لگی۔ تاہم ان میں بیش تر معاملات غیر ملکی سیاحوں سے متعلق ہیں۔ حکومت نے اعلان کیا کہ گریٹر مالے علاقے کے گیسٹ ہاؤزوں اور ہوٹلوں کو اگلے دو ہفتوں کے لیے غیر ملکی سیاحوں کے لیے بند کر دیا گیا۔ ملک بھر میں تمام سیاحتی مقامات کے لیے بھی عارضی طور پر پابندی والے اقدامات اٹھائے گئے ہیں، ان مقامات پر اگلے 14 دن کے لیے قیام بھی اس میں شامل تھا۔ ملک کے متعدد سیاحتی مقامات سے کووی 19 کے مشتبہ معاملات کا پتہ لگانے کے بعد حکومت مالدیپ نے یہ قدم اٹھایا ہے۔ اس سلسلے میں حکومت ہند نے مقامی ماہرین صحت کی مدد کے لیے طبی ماہرین کی ایک ٹیم کو مالدیپ بھیج دی تھی۔[2]
مالدیپ نے کووڈ 19 عالمی وبا کے دوران ملک کی مدد کے لیے 250 ملین ڈالر کی مالی امداد فراہم کرنے پر بھارت کا شکریہ ادا کیا تھا۔ اس وبا سے نمٹنے کے لیے بھارت نے مالدیپ کی 'سب سے بڑی مالی امداد' کی تھی۔ [3]
