味精
味精（MSG），係一種調味料，添加劑，主要成份係谷氨酸鈉（Monosodium glutamate）。谷氨酸鈉係一種胺基酸穀氨酸嘅鈉鹽，一種冇嗅冇色嘅晶體，喺 232℃ 解體熔化，谷氨酸鈉嘅水溶性好好，100 毫升水溶倒74克谷氨酸鈉。味精溶喺水或口水度，會分解做自由鈉離子同谷氨酸鹽離子。
味精可以攞嚟調味，中國菜咁好味梗係唔少味精啦。即使谷氨酸鈉存喺日常嘅嘢食度，要到20世紀早期，先俾人研究出嚟。
起源
[編輯]1907年日本東京帝國大學嘅研究員池田菊苗發現，昆布海帶湯蒸乾之後留低嘅啡色晶體（谷氨酸），有好難形容不過好正嘅味 [1]，池田喺第啲嘢食度都搵到。1909年日本味の素公司為大規模生產味精嘅方法申請專利。
花名
[編輯]皆因煮餸落咗味精就會變得好味，好似酒樓大廚（師傅）煮出嚟噉，所以粵語又戲稱味精做「師傅」。
睇埋
[編輯]註
[編輯]- ↑ "Kikunae Ikeda Sodium Glutamate". 原著喺2007年10月28號歸檔. 喺2007年10月8號搵到.