戈蘭高地

美國中央情報局繪製嘅戈蘭高地現況地圖

由敘利亞軍隊建立嘅地雷警告牌，到而家重有效。

戈蘭高地（希伯來文：רמת הגולן ，阿剌伯文：هضبة الجولان ，英文：Golan Height）係介乎以色列、約旦、黎巴嫩同敘利亞嘅一笪地。

戈蘭高地原本屬於敘利亞，但以色列響1967年嘅六日戰爭，同埋1973年嘅贖罪日戰爭，佔領咗呢塊地。根據聯合國安理會嘅242號決議，以色列應該撤出呢度，不過，喺1981年，以色列通過咗戈蘭高地法，唔單只繼續佔領戈蘭高地，重將渠歸入以色列北區，響戈蘭高地用以色列法律。

人口

根據2005年嘅人口統計，戈蘭高地嘅人口大約係38,900；其中19,300係當地原居民，而家敘利亞政府仍然當佢哋係公民，提供同敘利亞公民一樣嘅福利；而百分之十左右拎咗以色列公民身份；2,100係回教徒，另外16,500係猶太人。以色列政府響度起咗啲殖民區。

史

六日戰爭之後

有八到十萬阿剌伯人、錫爾凱色人同埋原居民，喺六日戰爭期間離開咗戈蘭高地。以色列政府喺戰後以保安為理由，唔准佢哋返嚟。以色列政府隨即建立殖民區，去到2004年，已經建立咗三十四個殖民區，而家響當地大部分猶太人，都係住響呢啲殖民區。

喺1973年贖罪日戰爭爆發後，1974年，敘利亞同以色列簽咗停火協定。根據停火協定，大部分戈蘭高地由以色列繼續控制，敘利亞只保留部分非軍事區。