Барацьба (газета)
| «Барацьба» | |
|---|---|
 | |
| Арыгінальная назва |
Барацьба |
| Тып | газета |
| Краіна | |
| Рэдактар | Анатоль Іверс |
| Заснавана | 19 чэрвеня 1944 |
| Спыненне публікацый | 28 чэрвеня 1944 |
| Мова | беларуская |
.svg){kind=small}
Барацьба — газета Слонімскага антыфашысцкага камітэта Баранавіцкай вобласці, якая публікавалася ў 1944 годзе пад час Другой сусветнай вайны.
Гісторыя
Газета выдавалася ў 1944 годзе ў партызанскім атрадзе імя Фелікса Дзяржынскага, які ўваходзіў у склад брыгады імя Канстанціна Ракасоўскага. Месцам яе выхаду стаў лес «Ваўчыныя норы» на поўдні Слонімшчыны. Друкаваны орган выпускаўся разам з іншымі падпольнымі выданнямі, такімі як "Вольная праца" і "За Радзіму". Вядома пра два нумары “Барацьбы” на беларускай мове (19 і 28 чэрвеня 1944 года). Рэдактарам быў Анатоль Іверс[1].
Змест
Газета асвятляла выпадкі гвалту нямецкіх акупацыйных сіл над мірным насельніцтвам, заклікала жыхароў рэгіёну да супраціву, публікавала матэрыялы аб сітуацыі на франтах і інфармавала аб падзеях, звязаных з адкрыццём другога фронту саюзнымі войскамі[1].