Анатоль Васілевіч Луцэвіч

Анатоль Васілевіч Луцэвіч
Дата нараджэння	16 мая 1938(1938-05-16)
Месца нараджэння	Тоўсты Лес, Нёманскі сельсавет, Уздзенскі раён, Беларусь
Дата смерці	19 лютага 2002(2002-02-19) (63 гады)
Адукацыя	Беларускі дзяржаўны тэатральна-мастацкі інстытут (1964)
Прафесія	акцёр
Тэатр	Нацыянальны акадэмічны тэатр імя Янкі Купалы
Узнагароды

Анатоль Васілевіч Луцэ́віч (16 мая 1938, в. Тоўсты Лес, Мінская вобласць — 19 лютага 2002) — беларускі акцёр. Заслужаны артыст Беларусі (2000).

Біяграфія

Пасля сканчэння ў 1964 годзе Беларускага тэатральна-мастацкага інстытута артыст Нацыянальнага акадэмічнага тэатра імя Я. Купалы.

Творчасць

Талент Луцэвіча найбольш раскрыўся ў спектаклях па творах нацыянальнай драматургіі: Алёша Губаты («Людзі на балоце» паводле І. Мележа), Міліцыянер («Амністыя» М. Матукоўскага), Паляніца («Таблетку пад язык» А. Макаёнка), Сідаровіч («Брама неўміручасці» К. Крапівы), Парфён («Плач перапёлкі» І. Чыгрынава). Душэўнай цеплынёй, лірызмам, мяккім гумарам вызначаюцца ролі Мульціка («Вечар» А. Дударава), Мужыка з малатарняй («Страсці па Аўдзею» У. Бутрамеева), Крыніцкага, Лявона Гарошкі («Паўлінка», «Тутэйшыя» Я. Купалы), Шчырэцкага («Ідылія» В. Дуніна-Марцінкевіча). Сярод інш. роляў: Прохар («Жаніцьба Бялугіна» А. Астроўскага і М. Салаўёва), Іван («Без віны вінаватыя» М. Астроўскага), Сцяпан Ухавёртаў, Свістуноў («Рэвізор» М. Гогаля), Вася («Стары Новы год» М. Рошчына), Сент-Эстаў («Лесвіца славы» А. Скрыба), Томас («Валенсіянскія вар’яты» Лопэ дэ Вэгі), Садоўнік («Гаральд і Мод» К. Хігінса, Ж. К. Кар’ераа) і інш. Луцэвіч — майстар эпізода, у невялікіх ролях ён таленавіта выяўляў Найбольш значныя характарныя рысы сваіх герояў (Карп — «Лес» Астроўскага). Здымаўся ў кіна- і тэлефільмах.

Літаратура

• А. В. Усцінава. Луцэ́віч Анатоль Васілевіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.

Спасылкі

• Анатоль Васілевіч Луцэвіч на сайце анлайн-энцыклапедыі «Беларусь у асобах і падзеях»