Барыс Нічыпаравіч Дакутовіч

Барыс Нічыпаравіч Дакутовіч
Дата нараджэння	1 жніўня 1921(1921-08-01)
Месца нараджэння	Масква, Маскоўская губерня, РСФСР
Дата смерці	26 сакавіка 2002(2002-03-26) (80 гадоў)
Адукацыя	Расійскі інстытут тэатральнага мастацтва[d] (1951)
Прафесія	тэатральны рэжысёр
Тэатр	Расійскі інстытут тэатральнага мастацтва[d] Нацыянальны акадэмічны драматычны тэатр імя Максіма Горкага Беларускі дзяржаўны акадэмічны тэатр юнага гледача

Барыс Нічыпаравіч Дакутовіч (руск.: Борис Ничипорович Докутович; 1 жніўня 1921, Масква — 26 сакавіка 2002) — расійскі рэжысёр.

Біяграфія

Нарадзіўся 1 жніўня 1921 года ў Маскве ў сям'і сялян Машкоўскай воласці Аршанскага павета Нічыпара Фёдаравіча і Кацярыны Сямёнаўны Дакутовічаў

Скончыў у 1951 годзе рэжысёрскі факультэт Дзяржаўнага інстытута тэатральнага мастацтва ў Маскве па курсе Ю. А. Завадскага. У гэтым жа годзе развёўся з жонкай Марыяй Васільеўнай, якая пражывала ў Асіповічах.

Да 1958 года выкладаў у гэтым інстытуце. У 1958—1960 гадах галоўны рэжысёр Дзяржаўнага рускага драматычнага тэатра Беларусі, у 1962—1963 гадах Беларускага рэспубліканскага тэатра юнага гледача.

У 1966-1968 гадах галоўны рэжысёр Тамбоўскага драматычнага тэатра.

Творчасць

Пастаноўкам Дакутовіча ўласцівы яркая тэатральная форма, вобразна-асацыятыўная сцэнічная мова, інтэлектуальнасць: «Іркуцкая гісторыя» А. Арбузава (1960), «Чырвоныя чарцяняты» П. Бляхіна, А. Палявога і А. Талбузіна (1961), «Клоп» У. Маякоўскага (1962), «Бітва ў космасе» М. Гамолкі (1963).

Аўтар кніг «Акцёр і роля: некаторыя рэжысёрскія ўрокі Ю. А. Завадскага» (1983), «Загадкі малой драматургіі» (1989).

Літаратура

• Дакутовіч Барыс Нічыпаравіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.