Валерый Васільевіч Лабаноўскі

Валерый Лабаноўскі
Агульная інфармацыя
Поўнае імя	Валерый Васільевіч Лабаноўскі
Мянушкі	Мэтр, Палкоўнік, ВВЛ, Айсберг, Пануры мядзведзь
Нарадзіўся	6 студзеня 1939(1939-01-06) Кіеў, УССР, СССР
Памёр	13 мая 2002(2002-05-13) (63 гады) Запарожжа, Запарожскі гарадскі савет[d], Запарожская вобласць, Украіна
Пахаванне	Байкавыя могілкі
Грамадзянства	СССР → Украіна
Рост	187 см
Вага	80 кг
Пазіцыя	нападнік
Клубная кар’ера
1957—1964 Дынама (Кіеў) 144 (42) 1965—1967 Чарнаморац (Адэса) 59 (15) 1967—1968 Шахцёр (Данецк) 50 (14)
Нацыянальная зборная
1960—1961 СССР 2 (0)
Трэнерская кар’ера
1968—1972 Дняпро (Днепрапятроўск) 1973—1982 Дынама (Кіеў) 1974—1976 СССР 1982—1983 СССР 1984—1990 Дынама (Кіеў) 1986—1990 СССР 1990—1992 ААЭ 1994—1996 Кувейт 1997—2002 Дынама (Кіеў) 2000—2002 Украіна Дзяржаўныя ўзнагароды Герой Украіны Ордэн «За заслугі» ІІІ ступені
Медыяфайлы на Вікісховішчы

Валерый Васільевіч Лабаноўскі (укр.: Валерій Васильович Лобановський; 6 студзеня 1939, Кіеў — 13 мая 2002, Запарожжа) — выбітны ўкраінскі футбаліст, трэнер па футболе. Шматгадовы настаўнік кіеўскага «Дынама», на чале якога двойчы выйграваў Кубак уладальнікаў кубкаў. Тройчы быў настаўнікам зборнай СССР, з якой стаў віцэ-чэмпіёнам Еўропы 1988. Галоўны трэнер зборнай Украіны ў 2000—2001 гадах.

Майстар спорту СССР (1960). Заслужаны трэнер СССР (1975). Кавалер савецкіх ордэнаў «Знак Пашаны» (1971) і Працоўнага Чырвонага Сцяга (1987). Кавалер ордэна Украіны «За заслугі» II ступені. Герой Украіны (2002, пасмяротна). Кавалер Рубінавага ордэна УЕФА «За заслугі» (2002).

Адзін з лепшых трэнераў у гісторыі футбола, уваходзіць у спіс 50 лепшых трэнераў за апошніх 50 гадоў (1959—2009) па версіі World Soccer, а таксама ў спіс лепшых трэнераў пасляваеннага перыяду па версіі The Times. Заняў 7-ы радок у спісе лепшых трэнераў усіх часоў і народаў па версіі Football Pantheon.