Віктар Антонавіч Ламака
| Віктар Антонавіч Ламака | |
|---|---|
| Дата нараджэння | 29 жніўня 1910 |
| Месца нараджэння | |
| Дата смерці | 5 сакавіка 2001 (90 гадоў) |
| Месца смерці | |
| Альма-матар | |
Віктар Антонавіч Лама́ка (29 жніўня 1910, Дубіцкая Слабада, Мінскага раёна — 5 сакавіка 2001, Глыбокае) ― заслужаны лесавод Рэспублікі Беларусь, заснавальнік Глыбоцкага дэндрарыя.
Біяграфія
[правіць | правіць зыходнік]Выхоўваўся ў шматдзетнай сялянскай сям’і. Пасля школы вучыўся ў Магілёўскім землеўпарадкавальным тэхнікуме, у Гомельскім лесатэхнічным інстытуце.
Ваяваў у Чырвонай Арміі, атрымаў раненне недалёка ад Берліна.
Пачаў працаваць у кастрычніку 1945 года ў Глыбоцкім лясгасе. У 1977 годзе за арганізацыю і вырошчванне пасадачнага матэрыялу і стварэнне лесанасенных плантацый В. А. Ламака быў узнагароджаны бронзавым медалём ВДНГ СССР, а ў 1983 годзе — другім медалём, як стваральнік дэндралагічнага сада. У 1986 годзе па просьбе настаўнікаў Слабадской СШ Шаркаўшчынскага раёна ён распрацаваў праект міні-дэндрасада памяці І. П. Сікоры[1].
У 1990 годзе В. А. Ламака выдаў аўтарскую кнігу «Дэндралагічны сад Глыбоцкага лясгаса». Вынікам творчай працы стаў фотаальбом «Глыбоцкаму вопытнаму лясгасу — 60 год», у які ўвайшло каля 300 здымкаў розных гадоў з апісаннем асноўных этапаў развіцця лясгаса і яго дасягненні за гэты перыяд.
Пры лясгасе створаны музей прыроды, дзе значная частка экспазіцыі прысвечана дзейнасці Віктара Антонавіча[2]
Зноскі
- ↑ Он памятник себе воздвиг… но не простой, а дендрологический(недаступная спасылка). Аргументы и факты в Беларуси. Архівавана з першакрыніцы 4 сакавіка 2016.
- ↑ Ламака Віктар Антонавіч. Прыдзвінскі край: гісторыя і сучаснасць.(недаступная спасылка)
Літаратура
[правіць | правіць зыходнік]- Бородин В. Чудо по имени ― дендрарий // Белорусская нива, 2000, 29 января
- Чайка Л. Щедрое наследие // Веснік Глыбоччыны, 2002, 8 чэрвеня
Спасылкі
[правіць | правіць зыходнік]- Глубокский историко-этнографический музей Архівавана 4 сакавіка 2016.
- Дэндрасад пад Глыбокім канкурэнт мінскаму батанічнаму. Але з вольным уваходам // Віцебскі Зялёны партал Архівавана 20 чэрвеня 2019.
- Ломако, Виктор Антонович (лесное хозяйство ; 1910—2001) (руск.) // Нацыянальная бібліятэка Беларусі