Канвеер

Ланцуговы падвесны канвеер

Канвее́р (ад англ.: convey — перадаваць), таксама транспарцёр — абсталяванне, устаноўка або машына бесперапыннага дзеяння для перамяшчэння (транспарціроўкі) сыпкіх, кускавых і штучных грузаў. Таксама канвеерам у серыйнай вытворчасці называюць вытворчы ўчастак, аб’яднаны для выканання асобных тэхналагічных аперацый вакол транспартнай прылады, якая бесперапынна або перыядычна рухаецца.

Стужачны канвеер з электрычным прыводам

Вінтавы (шнэкавы) канвеер

Ролікавы канвеер (ральганг)

У залежнасці ад грузанясучага элемента канвееры падзяляюцца на:

• стужачныя (з гумавай або стальной стужкай);
• пласціністыя (з шарнірна злучаных стальных пласцін);
• скрабальныя (ланцуг са скрабалкамі, які рухаецца ў жолабе або корабе);
• цялежкавыя (цялежкі, злучаныя ланцугом, рухаюцца па рэйкавых пуцях);
• каўшовыя і люлькавыя (з каўшамі і люлькамі, падвешанымі на цягавых ланцугах);
• вінтавыя (шнэкавыя), ролікавыя і іншыя.

Бываюць канвееры з цягавым органам (стужка, ланцуг, канат) і без яго, стацыянарныя, паўстацыянарныя і перасоўныя, напольныя і падвесныя.

Канвееры без цягавага органа падзяляюцца на:

• вінтавыя (шнэкі, вінтавыя спускі);
• хістальныя інерцыйныя (перамяшчаюць кускавыя і сыпкія грузы зваротна-паступальным рухам з паскораным зваротным ходам);
• вібрацыйныя (жолаб або труба са савім зваротна-паступальным рухам высокай частаты);
• ролікавыя (ральгангі);
• пнеўматычныя (цяга забясечваецца патокам паветра) і іншыя.

Існуюць спецыялізаваныя канвееры (элеватары, эскалатары, стакеры, рухомыя тратуары і іншыя), а таксама магнітадынамічныя (перамяшчаюць па трубах ці ў латках расплаўлены метал з дапамогай электрамагнітных індукцыйных помпаў.

Гл. таксама

• Канвеерная вытворчасць
• Канвеерная печ

Літаратура

• Леановіч І. І. Канвее́р, транспарцёр // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 573. — 10 000 экз. — ISBN 985-11-0035-8. — ISBN 985-11-0130-3 (т. 7).
• Транспарцёр // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 510. — 10 000 экз. — ISBN 985-11-0035-8. — ISBN 985-11-0251-2 (т. 15).
• Канвее́р; транспарцёр // Тлумачальны слоўнік беларускай літаратурнай мовы / уклад.: І. Л. Капылоў [і інш.] ; пад рэд. І. Л. Капылова. — Мн.: Беларуская Энцыклапедыя імя Петруся Броўкі, 2016. — С. 340; 825. — 968 с. — 1 000 экз. — ISBN 978-985-11-0937-7.
• Канвее́р // Тлумачальны слоўнік беларускай мовы: У 5-ці т / АН БССР, Інстытут мовазнаўства імя Я. Коласа. — Мн.: Галоўная рэдакцыя Беларус. Сав. Энцыклапедыі, 1978. — Т. 2: Г — К / [рэдактар А. Я. Баханькоў]. — С. 612. — 765 с.
• Транспарцёр // Тлумачальны слоўнік беларускай мовы: У 5-ці т / АН БССР, Інстытут мовазнаўства імя Я. Коласа. — Мн.: Беларус. Сав. Энцыклапедыя імя Петруся Броўкі, 1983. — Т. 5 кн. 1: С — Улагодзіць / [рэдактар М. Р. Суднік]. — С. 508. — 663 с.
• Конве́йер, транспортёр / Ридель Э. И. // Т. 12. Кварнер — Конгур. — М. : Советская энциклопедия, 1973. — С. 606—608. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Конве́йер // Большая политехническая энциклопедия (руск.) / Авт.-сост. В. Д. Рязанцев. — М.: Мир и образование, 2011. — С. 152. — 704 с. — 2 000 экз. — ISBN 978-5-94666-621-3.
• Конве́йер // Новый политехнический словарь (руск.) / Гл. ред. А. Ю. Ишлинский. — М.: Большая Российская энциклопедия, 2000. — С. 232. — 671 с. — 15 000 экз. — ISBN 5-85270-322-2.
• Пухов Ю. С. Конве́йер // Горная энциклопедия : в 5 т. (руск.) / гл. ред. Е. А. Козловский. — М.: «Советская энциклопедия», 1990. — Т. 3. Кенган — Орт. — С. 84. — 592 с. — 56 540 экз. — ISBN 5-85270-007-X.

Спасылкі

• Назначение и виды конвейеров // Деловая электронная газета «Бизнес Online» (руск.) (Праверана 10 кастрычніка 2024)