Мікалай Рыгоравіч Каваленка

Мікалай Каваленка
Мікалай Рыгоравіч Каваленка
Дата нараджэння	25 сакавіка 1934(1934-03-25)
Месца нараджэння	Чарсцвяды, Сарочынскі сельсавет, Ушацкі раён, БССР, СССР
Дата смерці	5 жніўня 2002(2002-08-05) (68 гадоў)
Грамадзянства	Беларусь
Род дзейнасці	навуковец, выкладчык універсітэта
Месца працы	Віцебскі дзяржаўны ўніверсітэт імя П. М. Машэрава БДУ
Навуковая ступень	кандыдат філалагічных навук
Альма-матар	Полацкае педагагічнае вучылішча (1954) Полацкі педагагічны інстытут (1959)

Мікалай Рыгоравіч Каваленка (нар. 25 сакавіка 1934, в. Чарсцвяды, Ушацкі раён — 5 жніўня 2002) — беларускі навуковец. Кандыдат філалагічных навук (1969).

Біяграфія

Закончыў Полацкае педагагічнае вучылішча (1954), Полацкі педагагічны інстытут (1959). У 1959—1962 гадах працаваў настаўнікам у Кубліцкай сярэдняй школе Ушацкага раёна, завучам і настаўнікам Княжыцкай сярэдняй школе Віцебскага раёна. У 1962—1986 гадах выкладчык беларускай мовы Віцебскага педінстытута імя С. М. Кірава.

У 1969—1970 гадах навуковы супрацоўнік Інстытута педагогікі Міністэрства асветы БССР. У 1970—1972 гадах навуковы рэдактар літаратурна-кантрольнай рэдакцыі выдавецтва «Беларуская Савецкая Энцыклапедыя». 3 1972 года старшы выкладчык кафедры стылістыкі і літаратурнага рэдагавання факультэта журналістыкі Беларускага дзяржаўнага універсітэта.

Навуковая дзейнасць

Аўтар шматлікіх навукова-метадычных прац, адна з іх «Інфармацыйна-даведачны дапаможнік у беларускай мове».

Літаратура

• Каваленка Мікалай Рыгоравіч // Памяць : гісторыка-дакументальная хроніка Ушацкага раёна / рэдкал. Г. К. Кісялёў [і інш.]. — Мн., 2003. — С. 551.