Павел Іванавіч Лаўрэнка

Павел Іванавіч Лаўрэнка
Дата нараджэння	17 чэрвеня 1912(1912-06-17)
Месца нараджэння	Растоў-на-Доне, Растоўская акруга[d], Вобласць Войска Данскога, Расійская імперыя
Дата смерці	2002
Грамадзянства	Беларусь
Род дзейнасці	інжынер у цывільным будаўніцтве
Месца працы	БДПА
Навуковая ступень	кандыдат тэхнічных навук (1959)
Навуковае званне	прафесар
Альма-матар	Ленінградскі інстытут інжынераў грамадзянскага паветранага флоту[d] (1937)
Партыя	КПСС
Член у	Саюз архітэктараў СССР Беларускі саюз архітэктараў
Узнагароды

Павел Іванавіч Лаўрэнка (17 чэрвеня 1912, Растоў-на-Доне — 2002) — беларускі інжынер-будаўнік. Заслужаны будаўнік БССР (1972). Кандыдат тэхнічных навук (1959), прафесар (1977).

Біяграфія

Скончыў Ленінградскі інстытут інжынераў грамадзянскага паветранага флоту ў 1937 годзе. Працаваў кіраўніком будаўніцтва комплексу Мінскага аэрапорта і авіярамзавода, з 1956 года — выкладчык, загадчык кафедры, дэкан будаўнічага факультэта, да 1992 года прафесар кафедры эканомікі будаўніцтва Беларускага політэхнічнага інстытута.

Член Саюза архітэктараў СССР з 1958 года. Член КПСС з 1944 года. Пражываў у г. Мінск.

Дзейнасць

Удзельнічаў у праектаванні жылога пасёлка Мінскага аэрапорта (1949—1955).

Мае публікацыі, у т.л. падручнікі «Эканоміка архітэктурнага праектавання» (Мінск, 1971, з А. І. Трушкевіч), «Арганізацыя планавання і кіравання праектаваннем і будаўніцтвам» (Мінск, 1985).

Узнагароды

Узнагароджаны ордэнам «Знак Пашаны» (1949), медалямі.

Літаратура

• Лавренко Павел Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)