Сяргей Рыгоравіч Раманаў

Сяргей Рыгоравіч Раманаў
Сяргей Рыгоравіч Раманаў
Дата нараджэння	17 верасня 1914
Месца нараджэння	Масква, Маскоўская губерня, Расійская імперыя;
Дата смерці	11 студзеня 2001 (86 гадоў)
Месца смерці	Мінск, Беларусь;
Род дзейнасці	мастак
Жанр	станковая графіка[d], кніжная графіка і жывапіс
Вучоба	Маскоўскае абласное мастацкае педагагічнае вучылішча выяўленчых мастацтваў памяці паўстання 1905 года[d] (1940);
Уплыў	Георгій Ражскі[d]
Член у	Беларускі саюз мастакоў;
Узнагароды

Сяргей Рыгоравіч Раманаў (нар. 17 верасня 1914, г. Масква — 11 студзеня 2001, Мінск) — беларускі мастак. Заслужаны дзеяч мастацтваў Беларускай ССР (1966).

Біяграфія

Скончыў у 1940 годзе Маскоўскае мастацкае вучылішча памяці 1905 года. Удзельнік Вялікай Айчыннай вайны. Вучыўся ў Г. Ражскага, С. Фралова. Удзельнік мастацкіх выставак з 1945 года. Член Беларускага саюза мастакоў з 1945 года.

Жыў у г. Мінску. Памёр 11 студзеня 2001 года.

Творчасць

Працаваў у розных тэхніках станковай і кніжнай графікі, а таксама ў жывапісе. Асноўныя творы: лісты «У партызанскай зямлянцы», «Кароткі прывал», «Першы дзень Савецкай улады ў Мінску», «1905 г. Курлоўскі расстрэл», «Рэйкавая вайна», «Подзвіг Мікалая Гастэлы», «К. Заслонаў у дэпо ст. Орша»; серыі «Рэвалюцыйны Мінск» і «Партызаны Беларусі»; шэраг карцін пра партызан Вялікай Айчыннай вайны. Аформіў кнігі «Вершы і паэмы» П. Броўкі, «Вершы» М. Танка, «Славуты домік» Я. Купалы, «Ніколі незабудзем» і «Нямігі крывавыя берагі» У. Карпава, «Дрыгва» Я. Коласа.

Творы знаходзяцца ў Нацыянальным мастацкім музеі Беларусі, фондах БСМ, Музеі сучаснага выяўленчага мастацтва ў Мінску, Літаратурным музеі Я. Купалы, Літаратурна-мемарыяльным музеі Я. Коласа, Беларускім музеі гісторыі Вялікай Айчыннай вайны.

Літаратура

Раманаў Сяргей Рыгоравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

Сяргей Рыгоравіч Раманаў на сайце анлайн-энцыклапедыі «Беларусь у асобах і падзеях»
Сяргей Рыгоравіч Раманаў на сайце «Беларусі плакат» Беларускага саюза дызайнераў