Уладзімір Мікалаевіч Нічыпаровіч

Уладзімір Мікалаевіч Нічыпаровіч
Міністр статыстыкі і аналізу Рэспублікі Беларусь 3 снежня 1994 — 2 снежня 1998
Прэзідэнт	Аляксандр Лукашэнка
Папярэднік	пасада створана
Пераемнік	Уладзімір Зіноўскі
Старшыня Дзяржаўнага камітэта Беларускай ССР / Рэспублікі Беларусь па статыстыцы i аналiзу 1987 — 3 снежня 1994
Старшыня Цэнтральнага статыстычнага ўпраўлення БССР 1980 — 1987
Папярэднік	Дзмітрый Чарванёў
Пераемнік	пасада ліквідавана
Нараджэнне	15 лістапада 1934(1934-11-15) Астрына, Q9271648?, Лідскі павет, Навагрудскае ваяводства, Польская Рэспубліка
Смерць	29 снежня 2002(2002-12-29) (68 гадоў) Мінск, Беларусь
Месца пахавання	Усходнія могілкі
Адукацыя	Беларускі дзяржаўны інстытут народнай гаспадаркі імя В. У. Куйбышава (1967) Акадэмія грамадскіх навук пры ЦК КПСС (1982)
Узнагароды	Ганаровая грамата Савета Міністраў Рэспублікі Беларусь (15 жніўня 2000)

Уладзі́мір Мікала́евіч Нічыпаро́віч (15 лістапада 1934; г.п. Астрына, Шчучынскі раён, Гродзенская вобласць, БССР — 29 снежня 2002; Мінск, Рэспубліка Беларусь) — дзяржаўны дзеяч Беларусі. Міністр статыстыкі і аналізу Рэспублікі Беларусь (1994—1998).

Біяграфія

У 1967 годзе скончыў БДІНГ імя В. У. Куйбышава, а ў 1982 годзе — Акадэмію грамадскіх навук пры ЦК КПСС.

У 1952 годзе загадваў аргінструктарскім аддзелам Васілішкаўскага райкама ЛКСМБ Гродзенскай вобласці. Адслужыўшы ў арміі, у 1957 годзе стаў старшынёй Камітэта па фізічнай культуры і спорце Васілішкаўскага райвыканкама, затым кіраваў Шчучынскім раённым саветам Саюза спартыўных таварыстваў і арганізацый Гродзенскай вобласці. У 1963 годзе быў прызначаны інспектарам-арганізатарам парткама ў Шчучынскім вытворчым калгасна-саўгасных кіраванні, затым — інструктарам Шчучынскага райкама КПБ Гродзенскай вобласці. У 1965 годзе ўзначаліў планавую камісію Шчучынскага райвыканкама Гродзенскай вобласці. У 1967 годзе перайшоў у сістэму Дзяржплана БССР, працаваў старшым эканамістам, пазней — намеснікам начальніка аддзела. У 1975 годзе быў запрошаны ў апарат ЦК КПБ інструктарам, затым загадчыкам сектара, намеснікам загадчыка аддзела. У 1980 годзе заняў пасаду начальніка Цэнтральнага статыстычнага ўпраўлення БССР, у 1987 годзе — Старшыні Дзяржаўнага камітэта БССР па статыстыцы і аналiзу, у 1994 годзе — Міністра статыстыкі і аналізу Рэспублікі Беларусь. З 1999 года працаваў эканамічным саветнікам міністра.

Абіраўся членам прэзідыума кантрольнай камісіі КПБ (1990), дэлегатам XXIX і XXX з’ездаў КПБ, дэпутатам Вярхоўнага Савета БССР дзясятага і адзінаццатага скліканняў.

Памёр у 2002 годзе, пахаваны на Усходніх могілках у Мінску.

Узнагароды

• Ордэн «Знак Пашаны»
• 15 жніўня 2000 — Ганаровая грамата Савета Міністраў Рэспублікі Беларусь