Чарлстан (Паўднёвая Караліна)

Горад Чарлстан Charleston Сцяг Краіна ЗША Штат Паўднёвая Караліна Каардынаты 32°46′34″ пн. ш. 79°55′57″ з. д. Кіраўнік William S. Cogswell Jr.[d] Заснаваны 1670 Плошча 347,5 км² Вышыня цэнтра 4 м Насельніцтва ▲150 227 чал. (2020, 1 красавіка 2020) Часавы пояс UTC-5, летам UTC-4 Тэлефонны код 843 Афіцыйны сайт charlestoncity.info (англ.) Чарлстан на карце ЗША ±

Медыяфайлы на Вікісховішчы

Ча́рлстан (англ.: Charleston) — горад у паўднёва-ўсходняй частцы штата Паўднёвая Караліна, ЗША, адміністрацыйны цэнтр аднайменнай акругі. Размешчаны на паўвостраве паміж вусцямі рэк Эшлі і Купер (паўднёвага рукавы ракі Санці), у глыбакаводнай бухты, вельмі зручнай для стаянкі суднаў. Буйны порт на ўзбярэжжы Атлантычнага акіяна. Насельніцтва 127 999 жыхароў (2013 года).

Гісторыя

Гістарычная забудова ў цэнтры Чарлстана

Чарлстан — першае англійскае паселішча ў Паўднёвай Караліне. Закладзена было ў 1670 годзе пад назвай Charles Towne («горад Карла») — у гонар караля Англіі Карла II. У 1680 годзе Чарлстан быў перанесены на сваё цяперашняе месца і стаў багацець на гандлі рысам і індыга. У 1722—1783 гадах стаў афіцыйна называцца Charles City and Port. Да 1775 года тут знаходзілася рэзідэнцыя губернатара Паўднёвай Караліны, а да 1790 года ён служыў сталіцай гэтага штата.

На працягу першай паловы XIX стагоддзя Чарлстан — адзін з самых паспяховых гарадоў у паўднёвых штатах, найважнейшы баваўняны порт. У снежні 1860 года жыхары Чарлстана абвясцілі пра сэцэсію Паўднёвай Караліны ад ЗША. З захопу форта Самтэр у Чарлстанскай бухце пачалася Грамадзянская вайна ў ЗША (зараз форт абвешчаны нацыянальным помнікам). З 10 ліпеня 1863 года па 18 лютага 1865 года горад знаходзіўся ў блакадзе. Са спробай прарваць гэту блакаду звязаны першы ў гісторыі эпізод паспяховага выкарыстання падводнай лодкі: H. L. Hunley патапіла шлюп USS Housatonic, але і сама загінула.

Пазбавіўшыся свайго значэння ў якасці баваўнянага порта, Чарлстан сутыкнуўся з эканамічным спадам. У XX стагоддзі апорай мясцовай эканомікі была база ваенна-марскога флоту ЗША, якую пашыралі падчас абедзвюх сусветных войнаў. Закрыццё шэрагу абаронных прадпрыемстваў у 1993 годзе стала сур’ёзным ударам па горадзе.

Клімат

Горад знаходзіцца ў вільготным субтрапічным клімаце (Cfa паводле класіфікацыі Кёпена) з мяккай зімой і спякотным, вільготным летам. На працягу ўсяго года выпадае вялікая колькасць ападкаў. Максімальная тэмпература паветра была зафіксавана 2 чэрвеня 1985 на ўзроўні 40 °C (104 °F), мінімальная 21 студзеня 1985 на ўзроўні −12 °C (10 °F). Ураганы з’яўляюцца сур’ёзнай пагрозай для тэрыторыі летам і ранняй восенню, у верасні 1989 года тры чвэрці будынкаў пацярпелі ад напору ўрагана «Х’юга»; агульная сума шкоды наблізілася да 3 мільярдаў долараў.

• Сярэднегадавая тэмпература — +18,8 C°
• Сярэднегадавая хуткасць ветру — 3,3 м/с
• Сярэднегадавая вільготнасць паветра — 74 %

Клімат Чарлстана
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	28,3	30,6	32,2	35,0	37,2	39,4	40,0	40,6	37,2	34,4	31,1	28,3	40,6
Сярэдні максімум, °C	15,0	17,1	20,9	24,7	28,4	31,3	32,8	31,9	29,3	25,1	21,0	16,4	24,5
Сярэдняя тэмпература, °C	9,1	10,9	14,5	18,2	22,5	26,1	27,8	27,2	24,4	19,4	14,8	10,4	18,8
Сярэдні мінімум, °C	3,1	4,8	8,2	11,8	16,6	20,9	22,8	22,4	19,6	13,8	8,6	4,5	13,1
Абсалютны мінімум, °C	−14,4	−11,1	−9,4	−1,7	2,2	10,0	12,2	13,3	5,6	−2,8	−9,4	−13,3	−14,4
Норма ападкаў, мм	94	75	94	74	77	144	166	182	155	95	62	79	1 297
Крыніца: Надвор'е і клімат

Славутасці

Нямецкая евангелічна-лютэранская царква Св. Матфея

Горад вядомы сваімі старадаўнімі дамамі і цэрквамі каланіяльнага перыяду, маляўнічымі вулачкамі і дворыкамі, а таксама садамі. Некалькі сядзіб плантатараў адкрыты для наведвання ў якасці музеяў. Сярод адукацыйных устаноў — муніцыпальны каледж (1770, першы ў ЗША), медыцынскі ўніверсітэт (1824) і ваенная школа (1842). Чарлстанскі музей (1773) — найстарэйшы музей у ЗША.

Гарады-пабрацімы

• Спалета, Італія
• Саванна, ЗША
• Берлін, Германія

Гл. таксама

• Стральба ў Чарлстане

Літаратура

• Ча́рлстон // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 539. — 592 с. — 210 000 экз. — ISBN 5-85270-057-6.
• Ча́рлстон // Энциклопедический географический словарь (руск.). — М.: РИПОЛ классик, 2011. — С. 747. — 800 с. — (Словари но­вого века). — 5 000 экз. — ISBN 978-5-386-03063-6.

Спасылкі

• На Вікісховішчы ёсць медыяфайлы па тэме Чарлстан (Паўднёвая Караліна)
• Афіцыйны сайт горада Чарлстана (англ.)