Яраслаў Міхайлавіч Паушкін

Яраслаў Міхайлавіч Паушкін
Дата нараджэння	8 лістапада 1913(1913-11-08)
Месца нараджэння	Масква, Маскоўская губерня, Расійская імперыя
Дата смерці	2 ліпеня 1996(1996-07-02) (82 гады)
Месца смерці	Масква, Расія
Род дзейнасці	навуковец
Навуковая сфера	арганічная хімія
Месца працы	Расійскі хіміка-тэхналагічны ўніверсітэт Д. І. Мендзялеева[d]
Навуковая ступень	доктар тэхнічных навук і акадэмік НАН Беларусі
Навуковае званне	прафесар
Альма-матар	Расійскі хіміка-тэхналагічны ўніверсітэт Д. І. Мендзялеева[d]
Узнагароды

Яраслаў Міхайлавіч Паушкін (8 лістапада 1913, Масква — 2 ліпеня 1996) — хімік-арганік. Акадэмік АН БССР (1970), доктар тэхнічных навук (1948), прафесар (1949). Удзельнік Вялікай Айчыннай вайны.

Біяграфія

Скончыў Маскоўскі хіміка-тэхналагічны інстытут імя Дз. І. Мендзялеева (1938), дзе працаваў да 1943 асістэнтам, дацэнтам. У 1945—1970 — дацэнт, прафесар Маскоўскага інстытута нафтахімічнай і газавай прамысловасці імя І. М. Губкіна, з 1960 — загадчык кафедры тэхналогіі нафтахімічнага сінтэзу. У 1950—1960 — загадчык лабараторыі Інстытута нафты АН СССР, адначасова ў 1951—1956 — загадчык лабараторыі Акадэміі нафтавай прамысловасці. У 1970—1974 — загадчык аддзела Інстытута фізіка-арганічнай хіміі АН БССР, адначасова ў тыя ж гады — загадчык кафедры Беларускага тэхналагічнага інстытута імя С. М. Кірава. З 1976 — старшы навуковы супрацоўнік-кансультант Інстытута гаручых выкапняў (Масква).

Навуковая дзейнасць

Асноўныя працы ў галіне нафтахімічнага сінтэзу паліў і спецыяльных відаў палімераў. Даследаванні па тэарэтычных і прыкладных праблемах паліў для паветрана-рэактыўных і рэактыўных рухавікоў. Адкрыў рэакцыю алкіравання араматычных вуглевадародаў аляфінамі. Распрацаваў метады сінтэзу палімерных паўправаднікоў, якія выкарыстоўваюцца ў якасці новых матэрыялаў для радыёэлектронікі.

Ордэн Айчыннай вайны ІІ ступені (1985), медалі.

Аўтар больш за 500 навуковых прац, у тым ліку 15 манаграфій, 5 падручнікаў, больш за 100 вынаходніцтваў.

Асноўныя працы

• Химия реактивных топлив. М., 1962
• Нефтехимический синтез в промышленности. М., 1966
• Нефтехимическая наука и промышленность. М., 1972
• Жидкие и твердые химические ракетные топлива. М., 1978
• Технология нефтехимического синтеза. 2-е изд. М., 1985 (у суаўт.)

Літаратура

• Национальная академия наук Беларуси: персональный состав, 1928—2018. — Минск: Беларуская навука, 2018. — 614 с. ISBN 978-985-08-2360-1

Спасылкі

• Паушкін Яраслаў Міхайлавіч у базе даных «Гісторыя беларускай навукі ў асобах» Цэнтральнай навуковай бібліятэкі імя Я. Коласа НАН Беларусі