Iñaki Anasagasti

Iñaki Anasagasti
Irudi gehiago
Espainiako Diputatuen Kongresuko diputatua 2000ko martxoaren 24a - 2004ko apirilaren 2a Barrutia: Bizkaia Hautetsia: 2000ko Espainiako hauteskunde orokorrak Espainiako Diputatuen Kongresuko diputatua 1996ko martxoaren 20a - 2000ko apirilaren 5a Barrutia: Bizkaia Hautetsia: 1996ko Espainiako hauteskunde orokorrak Espainiako Diputatuen Kongresuko diputatua 1993ko ekainaren 18a - 1996ko martxoaren 27a Barrutia: Bizkaia Hautetsia: 1993ko Espainiako hauteskunde orokorrak Espainiako Diputatuen Kongresuko diputatua 1989ko azaroaren 14a - 1993ko ekainaren 29a Barrutia: Bizkaia Hautetsia: 1989ko Espainiako hauteskunde orokorrak Espainiako Diputatuen Kongresuko diputatua 1986ko uztailaren 8a - 1989ko azaroaren 21a Barrutia: Bizkaia Hautetsia: 1986ko Espainiako hauteskunde orokorrak Diputatua Eusko Legebiltzarrean 1984ko martxoaren 22a - 1986ko uztailaren 9a - Idoia Zenarrutzabeitia Beldarrain → Barrutia: Bizkaia Hautetsia: Eusko Legebiltzarreko II. legealdia Diputatua Eusko Legebiltzarrean 1980ko martxoaren 31 - 1984ko martxoaren 22a Barrutia: Bizkaia Hautetsia: Eusko Legebiltzarreko I. legealdia Espainiako senataria
Bizitza
Jaiotza	Cumaná, 1947ko azaroaren 16a (77 urte)
Herrialdea	Euskal Herria Venezuela
Hezkuntza
Heziketa	Andrés Bello Catholic University (en)
Hizkuntzak	gaztelania
Jarduerak
Jarduerak	politikaria
Lantokia(k)	Madril
Jasotako sariak	ikusi Meritu Zibileko Ordenaren Gurutze Handia  (2009)
Sinesmenak eta ideologia
Alderdi politikoa	Eusko Alderdi Jeltzalea

Iñaki Mirena Anasagasti Olabeaga (1947ko azaroaren 16a, Cumaná, Venezuela) Eusko Alderdi Jeltzalea alderdiko euskal-venezuelar politikaria da. Koldo Anasagastiren anaia da.

Biografia

1947ko azaroaren 16a Venezuelako Cumanán jaioa, Gerra Zibila amaitu ondoren, garen familia abertzalea bertara erbesteratu zen (ama Venezuelara 1945an iritsi zen). Zazpi urte zituela, gurasoek hiru semeak Euskal Herrian hezi behar zirela erabaki zutenez Donostiara itzuli eta aiton-amonen ardurapean geratu ziren. Iñakik 1955etik 1961era Donostiako Marianistetan ikasi eta 1965era arte, Bilboko Done Jakue Apostulua ikastetxean ikasi zuen.

Venezuela

1965an haren aita hil zen, eta Iñaki Venezuelara itzuli zen: bertan hamar urte eman zituen. Erbesteratutako euskal nazionalismoarekin harremanetan jarri zen: Jesuiten ardurapeko Caracas hiriburuko Euskal Etxean biltzen zen, eta bestalde Caracaseko Andrés Bello Unibertsitate Katolikoan Kazetaritza eta Soziologia ikasi zituen. Bertan Maria Esther Solabarrieta ezagutu zuen eta harekin 1976an ezkondu.

Garai horretan Caracasko Euskal Etxeko Euzko Gaztedi Indarra (EGI, EAJko gaztedia) erakundeko lehendakaria izendatu zuten. Radio Euzkadik egunero-egunero Venezuelatik eta uhin motzean emititzen zuen. Erresistentziak Caracasen argitaratzen zuen "Gudari" aldizkarian idatzi eta erresistentzia ekintzetan parte hartzen zuen.

Euskal Herrirako itzulera

Espainiar Senatuko Javier Rojo presidentearekin solasean.

1975ko abuztuan Donostiara itzuli eta EAJko Euzkadi aldizkaria zuzendu zuen. 1976ko apirilaren 1ean Manuel Fraga Espainiako Agintaritza ministroaren aginduz Joseba Goikoetxea (gerora ETAk eraila) eta Bingen Zupiriarekin batera atxilotu zuten. Hiru egunez espetxean egon zen.

EAJ alderdia klandestinitatetik ateratzean, 1977an Bizkai Buru Batzarreko burukide hautatu zuten, kargu honetan eta Karlos Garaikoetxearen Lehendakaritzaren pean 1980. urtea arte egon zen.

Eusko Legebiltzarra eta Espainiako Kongresua eta Senatua

1980 eta 1986 urteen artean Eusko Legebiltzarreko legebiltzarkidea izan zen, 1986 eta 2004 artean Espainiako Kongresuko diputatua eta EAJko bozeramailea, eta 2004 eta 2008 urteen artean Espainiako Senatuko diputatua. Gainera, Espainiako Senatuko mahaiaren lehenengo Idazkaria da. 2008ko apirilaren 1etik aurrera Espainiar Legebiltzarreko Senatari Nazionalisten Taldeko bozeramailea da. Bizkaiko barrutia ordezkatzeko senatari hautatu zuten.

Esker onak

Hainbat goraipamen eta sari jaso izan ditu, besteak beste, 1999, 2001 eta 2003an Espainiako Legebiltzarreko Kazetarien Elkarteak "Gobernuaren Zigorra" sariaz saritu zuen eta 1998ko "Gobernuaren Zigorra" sarirako finalista izendatu zuten, 1995an "kazetariekin harreman onena" eta 2004ean "senatari errebelazioa" sariak irabazi zituen.

Kanpo estekak

• Iñaki Anasagastiren blog pertsonala ikusgai (Gaztelaniaz)
• Iñaki Anasagastirekin elkarrizketa Argian

• Datuak: Q3322739
• Multimedia: Iñaki Anasagasti / Q3322739