Jump to content

Ալեքսանդր Ռիբակ

Վիքիպեդիայից՝ ազատ հանրագիտարանից
Ալեքսանդր Ռիբակ
Ի ծնե անունAlexander Igorevich Rybak
Նաև հայտնի է որպեսAlexander Rybak
Ծնվել է1986 մայիսի 13
Բելառուս, Մինսկ
ԵրկիրՆորվեգիա
Ժանրերփոփ, դասական երաժշտություն, ինդի փոփ[1], բարոկո փոփ[1], քրոսովեր[2] և adult contemporary music[3]
ՄասնագիտությունԵրգիչ
Երգչաձայնլիրիկական տենոր
ԳործիքներՖիդլ, դաշնամուր, կիթառ, ջութակ և վոկալ
Գործունեություն2009-ից սկսած
ԼեյբլUniversal Music Group
ԿրթությունԲարատ Դյուի երաժշտական ինստիտուտ և Columbia College Chicago?[4][5]
Պարգևներ
Կայքwww.alexanderrybak.com
 Alexander Rybak Վիքիպահեստում

Ալեքսանդր Իգորևիչ Ռիբակ (բելառուս.՝ Аляксандр Ігаравіч Рыбак, նորվ.՝ Alexander Rybak, մայիսի 13, 1986(1986-05-13)[6], Մինսկ, Բելառուսական ԽՍՀ, ԽՍՀՄ[7]), բելառուսական ծագումով նորվեգացի երգիչ, երաժիշտ և ջութակահար[8], Մոսկվայում տեղի ունեցած «Եվրատեսիլ 2009» երգի մրցույթի հաղթող։ Ստացել է 387 միավոր, որը մինչև 2016 թվականը համարվում էր մրցույթի բոլոր ժամանակների ռեկորդ։ «Եվրատեսիլ 2018» երգի մրցույթում կրկին ներկայացնելու է Նորվեգիան։

Կենսագրություն

[խմբագրել | խմբագրել կոդը]

Մանկություն և կրթություն

[խմբագրել | խմբագրել կոդը]

Ալեքսանդրը ծնվել է երաժիշտների ընտանիքում. մայրը՝ Նատալյա Վալենտինովնա Ռիբակը (ծնված 1959 թվականին), դաշնակահար է, հայրը՝ Իգոր Ալեքսանդրևիչ Ռիբակը (ծնված 1954 թվականին), ջութակահար է։ Հայրը եղել է Ալեքսանդրի առաջին ուսուցիչը, աշխատել է Վիտեբսկի երաժշտական համույթում, Մինսկի կամերային նվագախմբում, մայրը՝ Բելառուսի հեռուստաալիքի երաժշտական ծրագրերի խմբագրությունում։

Վաղ տարիքում Ալեքսանդրը դաստիարակվել է բանահյուսական և դասական երաժշտությամբ, մանկության տարիքից նա հիշում է «Կուպալինկան» և այլ բելառուսական ազգային երգեր։ Նրա տատիկը՝ երաժշտական դպրոցի ուսուցչուհի Մարիա Բորիսովնա Սավիցկայան, 2-ամյա թոռներին սովորեցրել է առաջին մեղեդիները[9]։ Հայրը նույնպես ժամանակ է հատկացրել Ալեքսանդրին, որ զբաղվի նրա հետ երաժշտությամբ։ Ըստ հոր հիշողությունների, երբ որդին եղել է 3 տարեկան, մի անգամ անտառում զբոսնելու ժամանակ նա երգել է իր հորինած երգը։ 5 տարեկանից սկսել է նվագել ջութակ և դաշնամուր, պարել, գրել է երգեր և երգել։

4 տարեկանից Ալեքսանդրը ծնողների հետ տեղափոխվել է Նորվեգիա, որտեղ նրա հորը հրավիրել էին աշխատելու, հետո կես տարուց վերադարձել է Մինսկ, որտեղ սկսել է սովորել Բելառուսի երաժշտական պետական ակադեմիայում։ Նորվեգիայում ընտանիքը բնակություն է հաստատել Օսլոյի արվարձանում՝ Նեսոդեն քաղաքում (Աքերսհուս ֆյուլքե)։ Այնտեղ սկսվել է զբաղվել երաժշտությամբ և զուգահեռ սովորել է տարրական դպրոցում։ 17 տարեկանում նա Meadowmount երաժշտական դպրոցում ստացել է կրթաթոշակ, որը տարեկան կտրվածքով ստացել են ամենաշատը երեք թեկնածու ամբողջ աշխարհի[10]։ Նա ստացել է միջնակարգ կրթություն երաժշտական, պարի և դրամատիկ արվեստի Videregående RUD դպրոցում։ 2012 թվականի հունիսին ավարտել է Օսլոյի Barratt Due երաժշտական ակադեմիայի ջութակի բաժինը (բակալավրի դիպլոմով)։ Նա իր թալիսմանն է համարում ճարմանդները, որոնց վրա պատկերված է իր ջութակը[11]։

Երաժշտական գործունեությունը մինչև «Եվրատեսիլ 2009»

[խմբագրել | խմբագրել կոդը]

Հոր հետ Ալեքսանդրը, որպես երաժիշտ համագործակցել է նորվեգական "a-ha" խմբի վոկալիստ Մ. Հարքեթի մյուզիքլում։ Այս մյուզիքլով շրջագայել է Եվրոպայում, Ամերիկայում, Չինաստանում։ Հանդես է եկել այնպիսի արտիստների հետ, ինչպիսիք են Արվե Տելեսենը, Հաննե Կրոգը, Քնուսթեն և Լյուդվիգեն։ 2006 թվականին Նորվեգիայում իր ստեղծագործած «Foolin'» երգով դարձել է «Kjempesjansen» երիտասարդ տաղանդների մրցույթի հաղթող։ Հանդես է եկել աշխարհում ամենահայտնի ջութակահարներից մեկի՝ Պ. Ցուկերմանի հետ։

Նա Նորվեգիայի խոշորագույն սիմֆոնիկ նվագախմբում՝ «Ունգ սիմֆոնիայում» (Ung Symfoni) աշխատել է որպես կոնցերտմեյստեր։ Պատմել է, որ ունեցել են պայմանագրեր եվրոպական ավելի քան 20 երկրներում։ Երգիչը իր երաժշտական կուռքերն է համարում Մոցարտին, «Բիթլզ» խմբին և Սթինգին։ Մշակույթի ոլորտում Անդերս Յարես հիմնադրամի մրցանակի տերը։

Իր հարցազրույցներից մեկում Ալեքսանդր Ռիբակը ասել է, որ գրեթե չի կարդում գրքեր[12]։

Եվրատեսիլյան ելույթ

[խմբագրել | խմբագրել կոդը]
Ալեքսանդր Ռիբակը եվրատեսիլյան պրես կոնֆերանսի ժամանակ

Հանդես գալով «Fairytale» երգով՝ Ա. Ռիբակը «Եվրատեսիլ 2009» նորվեգական ազգային փուլում հեռուստալսարանից ստացել է 700 հազար ձայն։ 2009 թվականի մայիսի 16-ին Մոսկվայում դարձել է «Եվրատեսիլ 2009» երաժշտական մրցույթի հաղթող, հավաքել է ռեկորդային 387 միավոր։ Մրցույթը տեղի է ունեցել Նորվեգիայի ազգային տոնի նախօրեին[13]։ Նախորդ ռեկորդը՝ 292 միավոր, 2006 թվականին էր և պատկանում էր «Lordi» խմբին։

Ալեքսանդր Ռիբակը հաստատում է, որ «Fairytale» երգը նա նվիրել է իր նախկին ընկերուհուն՝ Ինգրիդ Բերգ Մեխուսին։ Նա Մոսկվայում «Եվրատեսիլ» կազմակերպությունից եղել է այնքան տպավորված, որ ափսոսանքով նշել է. «Նորվեգիայում այսպիսի շոու չեն կարող ստանալ»[14]։

Ալեքսանդր Ռիբակը «Եվրատեսիլում» իր ֆենոմենալ հաջողությունից հետո հերքել է կարծրատիպերը, որ այս մրցույթում հաղթելու համար անհրաժեշտ է հսկայական բյուջե, տեսանյութի համար հայտնի ռեժիսոր, հրաշալի ղեկավար, փոխակերպվող հագուստ և աճպարարի զգեստապահարան[15]։
- Ս. Մալինովսկայա, «Եվրատեսիլի» ժյուրիի անդամ

Երաժշտական գործունեությունը «Եվրատեսիլ 2009» մրցույթից հետո

[խմբագրել | խմբագրել կոդը]
Ալեքսանդր Ռիբակը 2012 թվականին Բաքվում

2009 թվականի մայիս 29-ին Ալեքսանդր Ռիբակը որպես ժյուրի մասկացել է Մինսկում տեղի ունեցող «Բելառուսի նոր ձայնը» մրցույթում։ Նրան հրավիրել են Վիտեբսկում տեղի ունեցող «Славянский базар» 18 միջազգային արվեստի փառատոնին (2009 թվականի հուլիսի 10—16), և երաժիշտը համաձայնել է[16]։ Բելառուսում իր ճանապարհորդության ժամանակ Ալեքսանդրը ասել է, որ ավելի լավ է ելույթ ուենանալ փոքր երկրում, ուր քեզ բոլորը սիրում են ու սպասում, քան մեծում, որտեղ քեզ ոչ ոք չի ճանաչում[17]։

2009 թվականի սեպտեմբերի 6-ին Ալեքսանդր Ռիբակը ընդունել է մասնակցել Առաջին ալիքի «Փառքի րոպե» ծրագրին։ Նոյեմբերի 10-ին ելույթ է ունեցել Առաջին ալիքում՝ Ոստիկանների օրվան նվիրված միջոցառմանը, որտեղ առաջին անգամ երգել է «Հեքիաթ» երգը ռուսերենով։

Նոյեմբերի 24-ից նոյեմբերի 29-ը հանդես է եկել ելույթներով Դոնի Ռոստովում, Եկատերինբուրգում, Մոսկվայում և Սանկտ Պետերբուրգում։ Նոյեմբերի 30-ին հանդես է եկել Մոսկվայի Կարմիր հրապարակում Ալեքսեյ Յագուդինի հետ 2014 թվականին Սոչիում ձմեռային Օլիմպիական խաղերի նոր խորհրդանիշների ներկայացմանը։

Նա նկարահանել է «Սև կայծակ» ֆիլմի համար նկարահանված «Ես չեմ հավատում հրաշքների» տեսահոլովակում։

2009 թվականի դեկտեմբերի 11-ին հանդես է եկել Օլսոյում տեղի ունեցող Նոբելյան համերգին, որտեղ կատարել է «Fairytale» երգը սիմֆոնիկ նվագախմբի հետ նոր հնչյունավորմամբ։

Դեկտեմբերի 13-ին մասնակցել է Ուկրաինայում «Աստղաձուլարան» ծրագրին (Նոր ալիք հեռուստաալիք)։

2010 թվականի սկզբին Ալեքսանդր Ռիբակը աշխատել է նոր սկավառակի ձայնագրման վրա, ինչպես նաև հնչյունավորել է «Ինչպես ընտելացնել վիշապին» մուլտֆիլմի նորվեգական տարբերակի գլխավոր հերոսին։

Ֆինլանդիայի, Ռուսաստանի, Բոսնիա և Հերցեգովինայի, Սլովենիայի Եվրատեսիլի ընտրական փուլերում մասնակցել է որպես պատվավոր հյուր և հանդես է եկել իր նոր «Небеса Европы» երգով։

2010 թվականի մարտի 8-ին Ալեքսանդրը մեծ համերգով հանդես է եկել Տալլինում[18]։

2010 թվականին Նորվեգիայում տեղի ունենալիք Եվրատեսիլ երգի մրցույթում ԶԼՄ-ները հայտնվել էր տեղեկություն երգչի ոչ ավանդական սեռական կողմնորոշման վերաբերյալ[19]։ Սակայն հետագայում երգիչը հերքել է այդ տեղեկությունը։

2010 թվականի հունիսի թողարկել է արտիստի երկրորդ ալբոմը` «No Boundaries»-ը[20]։

2010 թվականիի հոկտեմբերի կեսերին Ալեքսանդր Ռիբակը Ֆինլանդիայում հանդես է եկել «Ռուսական ռոմանս» փառատոնում[21]։

Թողարկել է «Небеса Европы» երգի տեսահոլովակը[22]։

Թողարկել է «Небеса Европы» ստուդիական ալբոմը։

Շվեդ հեղինակների հետ համագործակցության արդյունքում թողարկել է «Visa Vid Vindens ÄnDar» ալբոմը։

Ձայնագրել է «Небеса Европы» երգի բելառուսական տարբերակը[23] и выпущен видеоклип[24]:

2012 թվականի հունիսի 19-ին Ալեքսանդր Ռիբակը ելույթ է ունեցել Յուրմալայում (Լատվիա) Ջինտարիի հայտնի համերգային դահլիճում, իր հոր՝ Իգոր Ռիբակի հետ, ինչպես նաև հայտնի արվեստաբան, ջութակահար Միխայիլ Կազինիկի և նրա որդու՝ Բորիս Կազինիկի հետ[25]։ Նաև Բալթյան երկրներում, 2013 թվականի սեպտեմբերին Վիլնյուսում (Լիտվա), տեղի է ունեցել մեծ սոլո համերգ իր երգերերի և հայտնի դասական երաժշտության ծրագրով[26]։

2013 թվականին շարունակել է համագործակցությունը Ռումինիայի և Թուրքիայի երաժիշտների հետ, բացի այդ, Ռիբակը մասնակցել է Նորվեգիայի հեռուստատեսության երաժշտական նախագծի ձայնագրությանը, աշխատում է «Тролль» կոչվող երաժշտական ստեղծագործության վրա, անցկացրել ՝ վարպետության դասեր և համերգներ Սկանդինավյան երաժշտական դպրոցների աշակերտների հետ, ինչպես նաև ԱՄՆ-ում։ Եվրատեսիլ 2007-ի հաղթող Մարիա Շերիֆովիչի (Սերբիա) նոր երգի՝ «Gorka Hrabrost» ձայնագրման ժամանակ ջութակի հատվածը նվագել է նա[27]։ Ժյուրիի կազմում մասնակցել է Բելառուսի «Поющие города» մրցույթին։

2014 թվականի սկզբին Ռիբակը «Ինչպես ընտելացնել վիշապին 2» մուլտֆիլմի ստեղծման համար Նորվեգիայում նկարահանել է իր «Into A Fantasy» երգի տեսահոլովակը[28]։ Նույն թվականին Նորվեգիայում տեղի է ունեցել ևս երկու երգի պրեմիերա. հեռուստատեսային հաղորդման մեջ հնչել է «What A Long For» պարային հիթը[29], իսկ մենակատար Էմիլ Սոլի Տանգենը (Emil Solli-Tangen) հանդես է եկել «I Dine Hender» դասական ոճով[30]։ Բելառուսում համատեղ աշխատանքի արդյունքն էր «Accent» նոր երգի ներկայացնելը[31], որով Եվրատեսիլ 2015 մրցույթի երկրի նախընտրական փուլում հանդես է եկել «Milki» խումբը, արդյունքում զբաղեցրել են չորրորդ տեղը։ Նաև 2014 թվականին մասնակից Մալթա Ֆրանկլին Գալեջայի (Franklin Galleja) համար Ռիբակը «Still Here» երգը գրել է Եվրատեսիլի համար[32]։

2015 թվականին մասնակցել է «Один в один!» վերամարմնավորման ռուսական շոուին, որտեղ եզրափակչում զբաղեցրել է երկրորդ տեղը։ Երրորդ թողարկման ժամանակ ծաղրերգել է Ռուսլան Ալեխնոյին։

Հայրենիքի հետ կապ

[խմբագրել | խմբագրել կոդը]

Եվրատեսիլ երգի մրցույթի ժամանակ Ալեքսանդրը շեշտել է իր կապը հայրենիքի հետ.

«Եթե բոլոր բելառուսցիները համաձայն են, ապա ես շատ ուրախ եմ ասել, եթե ես դառնամ հաղթող, ուրեմն իմ հաղթանակի կեսը Բելառուսինն է»։
- 2009 թվականի մայիսի 9-ին Ալեքսանդր Ռիբակի հետ հարցազրույցից, Եվրատեսիլի եզրափակչի նախաշեմին[33]

Ալեքսանդր Ռիբակը և իր ծնողները պահում են իրենց կապը Բելառուսի և ընդհանրապես նախկին Խորհրդային Միության պետությունների հետ։ Մինսկում ապրում է մայրական կողմից տատիկը՝ Զինաիդա Եգորովնա Ֆուրինան և հորաքույրը՝ Յուլիան, աղջկա՝ Ուլյանայի հետ։ Հայրական կողմի տատիկը՝ Մարիա Բորիսովնա Սավիցկայան ապրում է Վիտեբսկում, հոր կողմից պապիկը՝ Ալեքսանդր Ռիբակը, եղել է պաշտոնական դեսանտավոր։ Հորական կողմից պապիկը՝ Ալեքսանդր Ալեքսանդրովիչ Ռիբակը, ավարտել է Մոսկվայի կոնսերվատորիայի ռազմական դիրիժորների ֆակուլտետը, ղեկավարել է ռազմական նվագախումբը, թոշակի է անցել գնդապետի կոչումով, հիմա լրագրող է, ապրում է Մոսկվայում։ Ալեքսանդրը խոստովանել է, որ Մինսկի նկատմամբ ջերմ զգացումներ է մնացել, նա համարում է, որ հայրենի մշակույթը ազդել է իր երաժշտական նախասիրությունների ձևավորման վրա[34]։

Եվրատեսիլ երգի մրցույթում հաղթանակից հետո Ալեքսանդրը երկու անգամ այցելել է Վիտեբսկի «Սլավյանսկի շուկա» երաժշտական մրցույթին։ 2013 թվականի հոկտեմբերին նրան հրավիրել են Մինսկ «Поющие города» հեռուստածրագրի եզրափակչին մասնակցելու՝ որպես հսկիչ[35], իսկ ապրիլին նա արժանացել է «Մինսկի ամենահաջողակ 50 մարդ» բարեգործական ծրագրի մրցանակին։ ctv.by ալիքի հետ հարցազրույցում Ռիբակը նշել է, որ հայրենիքում զգում է իրեն հարմարավետ (անգլ.՝ safe)[36]:

2014 թվականին Ալեքսանդրը սկսել է ակտիվ համագործակցություն «Գրանդ երաժշտություն» պրոդյուսերական կենտրոնի հետ[37], որի տնօրենը Անդրեյ Գուզելն է։

Երգացանկ

[խմբագրել | խմբագրել կոդը]

Տեսագրություն

[խմբագրել | խմբագրել կոդը]
Տարի Տեսանյութ Ռեժիսոր Ալբոմ
2006 «Foolin'» Սինգլ
2009 «Fairytale» «Fairytales»
2009 «Roll With The Wind» «Fairytales»
2009 «Funny Little World» «Fairytales»
2009 «Я не верю в чудеса (Супергерой)» Ալեքսանդր Վոյիտինսկի OST «Սև Կայծակ»
2010 «Fela Igjen» (feat. Opptur) TBA
2010 «Oah» Լարս Քրիստիան Ֆլեմեն «No Boundaries»
2010 «Europe’s Skies» / «Небеса Европы» / «Небасхіл Еўропы» Ալեքսանդր Ֆիլատովիչ «No Boundaries»
2012 «Стрела Амура» Ալեքսանդր Ֆիլատովիչ TBA
2012 «Leave Me Alone» / «Достала» Ալեքսանդր Ֆիլատովիչ TBA
2013 «5 To 7 Years»[38] Ալեքսանդր Ռիբակ
2015 «Котик»[39] Ռուստամ Ռոմանով
2016 «Люблю тебя как раньше» Ռուստամ Ռոմանով
2016 «Ambrazame»

Ֆիլմագրություն

[խմբագրել | խմբագրել կոդը]
  • 2010 — «Կեղտոտ բադիկը» — Լիս
  • 2010 — Ինչպես ընտելացնել վիշապին — Իկինգ (նորվեգական կրկնօրինակում)
  • 2010 — «Թափառական Յոհանը» / Yohan — Barnevandrer — Լևի
  • 2013 — նկարահանվել է Ալենի Լանսյոյի Solayoh տեսահոլովակում, որով ներկայանալու էին Եվրատեսիլ 2013-ին
  • 2014 — Ինչպես ընտելացնել վիշապին 2 — Իկինգ (նորվեգական կրկնօրինակում)
  • 2015 — «Սավա։ Մարտիկի սիրտը» — Շաման Շի-Շա (նորվեգական կրկնօրինակում)

Մասնակցություն մրցույթներին և մրցանակներ

[խմբագրել | խմբագրել կոդը]
  • 2000 և 2001 - Երիտասարդ երաժիշտների Sparre Olsen մրցանակ
  • 2003 - Ուսանողի Meadowmount մրցանակը
  • 2004 - Տարվա արդյունքների հիման վրա պարգևատրվել է մշակույթի ոլորտում Անդերս Ժարեսի մրցանակով[40]
  • 2005 - Հասել է Idol մրցույթի նորվեգական տարբերակի կիսաեզրափակչին (Աստղերի ֆաբրիկա (Ռուսաստան) նման օրինակով)
  • 2006 - Հաղթել է NRK Kjempesjansen հեռուստաընկերության մրցույթում իր սեփական «Foolin» երգով[41]
  • 2007 - Պարգևատրվել է «Hedda» մրցանակով՝ Նորվեգիայի Oslo Nye Teater թատրոնի «Թութակը տանիքում» ներկայացման մեջ իր դերի համար[42]։
  • 2009 - Հաղթել է «Եվրատեսիլ 2009» երգի մրցույթի նորվեգական ընտրական փուլում իր սեփական «Fairytale» երգով[43]։
  • 2009 - Հաղթել է Մոսկվայում տեղի ունեցած Եվրատեսիլ 2009 երգի մրցույթում։
  • 2010 - Պարգևատրվել է «Хрустальный глобус» ռուսական ազգային մրցանակով[44]։
  • 2010 - Տարվա արդյունքների հիման վրա Նորվեգիայում պարգևատրվել է Spellemann-ի շրջանակներում Grammy մրցանակով[45]։
  • 2010 - Պարգևատրվել է «Ռադիոհիթում» Бог Эфира մրցանակով «օտարազգի կատարող» անվանակարգում[46]։
  • 2010 - Հաղթել է Muz-TV մրցանակաբաշխությանը՝ «Տարվա հայտնություն» անվանակարգում[47]։
  • 2011 - Մասնակցել է Կիևի ձայնային հեռուստատեսային շոուին և Ստոկհոլմում հեռուստածրագրի պարային ծրագրին[48]։
  • 2015 - Ռոսիա 1 ալիքի «Один в один!» հեռուստաշոուի մասնակից։

Լրագրողների մեղադրանքներ

[խմբագրել | խմբագրել կոդը]
  • Որոշ ԶԼՄ-ներ շտապեցին մեղադրել Ռիբակին կոմպոզիտոր Կիրիլ Մոլչավանովի «Կռունկի երգը» գողանալու մեջ («Abandoned» Ռիբակի կողմից)[49], մինչ երգի վերամշակումը ձևակերպվել է բոլոր կանոնների համաձայն[50]։
  • Ալեքսանդր Ռիբակը դարձել է հաղթող «Серебряная калоша 2010» հակամրցույթում «Տարվա գրագող» անվանակարգում՝ Արկադի Ուկուպինկի «Սև կայծակ» ֆիլմի սաուդնթրեքի «Я не верю в чудеса» երգով, որը հիշեցնում է «Aerosmith» խմբի «I Don't Want to Miss a Thing» հիթը։

Սկավառակագրություն

[խմբագրել | խմբագրել կոդը]

Ալբոմներ

[խմբագրել | խմբագրել կոդը]
Տարի Ալբոմ Հիթ շքերթներում զբաղեցրած դիրք
Նորվեգիա Ռուսաստան
2009 Fairytales
  • Դեբյուտային ստուդիական ալբոմ
  • Ամսաթիվ - 2009 հունիսի 1[51] (Ռուսաստան)
  • Լեյբլ - EMI, Universal Music Group
  • Ժանր - Փոփ
 1 1
2010 No Boundaries
  • Երկրորդ ստուդիական ալբոմ
  • Ամսաթիվ - 2010 հունիսի 21
  • Լեյբլ - EMI, Universal
  • Ժանր - Փոփ
 7
2010 Небеса Европы
  • Ստուդիական ալբոմ
  • Ամսաթիվ - Դեկտեմբերի 23
  • Լեյբլ - Moon Records
  • Ժանր - Փոփ
2011 Visa Vid Vindens Ängar
  • Ստուդիական ալբոմ
  • Ամսաթիվ - Հունիսի 17
  • Լեյբլ - Lionheart Records
  • Ժանր - Փոփ
 7[52]
2012 Christmas Tales[53]
  • Ստուդիական ալբոմ
  • Ամսաթիվ - Նոյեմբերի 23
  • Լեյբլ - Grappa
  • Ժանր - Christian & Gospel

Ծանոթագրություններ

[խմբագրել | խմբագրել կոդը]
  1. ↑ 1,0 1,1 http://oneplaylist.fm/playlists/alexander-rybak
  2. ↑ http://www.nicherecords.ro/disc/clasica/crossover/alexander-rybak-no-boundaries-cd.html
  3. ↑ http://www.rhapsody.com/artist/alexander-rybak/album/what-i-long-for
  4. ↑ ՏիկՏոկ (норв.) — 2016.
  5. ↑ https://www.tiktok.com/@alexrybakofficial/video/6960590893829065985
  6. ↑ Dutch Top 40
  7. ↑ 7,0 7,1 Deutsche Nationalbibliothek Record #138232644 // Gemeinsame Normdatei (գերմ.) — 2012—2016.
  8. ↑ Norway wins Eurovision song contest
  9. ↑ «Бабушка помогла Александру Рыбаку победить на Евровидении». Արխիվացված է օրիգինալից 2009 թ․ մայիսի 29-ին. Վերցված է 2018 թ․ մարտի 18-ին.
  10. ↑ Биография
  11. ↑ Пресс-конференция Александра Рыбака // Дни. Ру. 17.05.2009.
  12. ↑ «Александр Рыбак: «Я — национальный микс»». Արխիվացված է օրիգինալից 2011 թ․ հուլիսի 16-ին. Վերցված է 2018 թ․ մարտի 18-ին.
  13. ↑ [«Фоторепортаж с Национального праздника Норвегии в норвежском посольстве в Москве, с участием А. Рыбака. (բելառուս.)». Արխիվացված է օրիգինալից 2020 թ․ սեպտեմբերի 30-ին. Վերցված է 2018 թ․ մարտի 18-ին. Фоторепортаж с Национального праздника Норвегии в норвежском посольстве в Москве, с участием А. Рыбака. (բելառուս.)]
  14. ↑ «Александр Рыбак: В Норвегии такое же шоу, как в России, сделать не получится». Արխիվացված է օրիգինալից 2019 թ․ հուլիսի 17-ին. Վերցված է 2018 թ․ մարտի 18-ին.
  15. ↑ «Малиновский С. Нет Рыбака в своем Отечестве». Արխիվացված է օրիգինալից 2009 թ․ մայիսի 20-ին. Վերցված է 2018 թ․ մարտի 18-ին.
  16. ↑ «Александр Рыбак едет на «Славянский базар в Витебске»». Արխիվացված է օրիգինալից 2009 թ․ հուլիսի 1-ին. Վերցված է 2018 թ․ մարտի 18-ին.
  17. ↑ «Александр Рыбак: я очень хочу в Витебск». Արխիվացված է օրիգինալից 2009 թ․ հուլիսի 1-ին. Վերցված է 2018 թ․ մարտի 18-ին.
  18. ↑ «Статья на портале Stolitsa.ee». Արխիվացված է օրիգինալից 2014 թ․ փետրվարի 2-ին. Վերցված է 2018 թ․ մարտի 18-ին.
  19. ↑ «Победитель «Евровидения» Александр Рыбак признался, что он гей». Արխիվացված է օրիգինալից 2015 թ․ հուլիսի 20-ին. Վերցված է 2018 թ․ մարտի 18-ին.
  20. ↑ Контент No Boundaies на сайте iTunes
  21. ↑ «Последние известия канала 100тв(видео)». Արխիվացված է օրիգինալից 2011 թ․ մարտի 14-ին. Վերցված է 2018 թ․ մարտի 18-ին.
  22. ↑ Официальное видео «Небеса Европы»
  23. ↑ «Небасхіл Эўропы», mp3 на tuzin.fm
  24. ↑ Официальное видео «Небасхіл Эўропы»
  25. ↑ Видео на YouTube
  26. ↑ Видео на Youtube
  27. ↑ Видео на YouTube
  28. ↑ Видео на YouTube
  29. ↑ Видео на YouTube
  30. ↑ Видео на YouTube
  31. ↑ Видео на YouTube
  32. ↑ Видео на YouTube
  33. ↑ «Александр Рыбак: «Если выиграю — половина победы принадлежит Беларуси!» // interfax.by 09.05.2009». Արխիվացված է օրիգինալից 2009 թ․ մայիսի 21-ին. Վերցված է 2018 թ․ մարտի 18-ին.
  34. ↑ Аляксандр Рыбак: «У маёй песні чуваць, што я з Беларусі!» // ЕРБ. 24.04.2009.
  35. ↑ «"Певец и звезда «Евровидения» Александр Рыбак — о Новом годе, подарках и проекте СТВ «Поющие города». «Большой завтрак». Столичное телевидение. 09.12.2013». Արխիվացված է օրիգինալից 2019 թ․ նոյեմբերի 1-ին. Վերցված է 2018 թ․ մարտի 18-ին.
  36. ↑ «Видеоинтервью каналу CTV.BY». Արխիվացված է օրիգինալից 2019 թ․ նոյեմբերի 7-ին. Վերցված է 2018 թ․ մարտի 18-ին.
  37. ↑ «Сайт продюсерского центра «Гранд Мьюзик»». Արխիվացված է օրիգինալից 2018 թ․ մարտի 19-ին. Վերցված է 2018 թ․ մարտի 18-ին.
  38. ↑ Видео на YouTube
  39. ↑ Видео на Mover
  40. ↑ «Пресс-Ամսաթիվ премии им. А.Яреса». Արխիվացված է օրիգինալից 2011 թ․ ապրիլի 11-ին. Վերցված է 2018 թ․ մարտի 18-ին.
  41. ↑ Foolin ՅուԹյուբում
  42. ↑ «Сообщение на сайте театра Oslo Nye Teater». Արխիվացված է օրիգինալից 2010 թ․ դեկտեմբերի 29-ին. Վերցված է 2018 թ․ մարտի 18-ին.
  43. ↑ Fairytale. Официальное видео ՅուԹյուբում
  44. ↑ Новости ТВЦ от 11.02.10
  45. ↑ Видео ՅուԹյուբում
  46. ↑ Сообщение на сайте Международного клуба друзей(չաշխատող հղում)
  47. ↑ Видео ՅուԹյուբում
  48. ↑ «Блог участника программы «Let's dance»». Արխիվացված է օրիգինալից 2011 թ․ մարտի 10-ին. Վերցված է 2018 թ․ մարտի 18-ին.
  49. ↑ Александра Рыбака обвиняют в плагиате (ռուս.)
  50. ↑ Universal Music: Александр Рыбак — не плагиатор (ռուս.)
  51. ↑ «Universal Music Russia». Արխիվացված է օրիգինալից 2009 թ․ մայիսի 31-ին. Վերցված է 2018 թ․ մարտի 18-ին.
  52. ↑ «Топ альбомов на сайте vg.no». Արխիվացված է օրիգինալից 2011 թ․ օգոստոսի 5-ին. Վերցված է 2018 թ․ մարտի 18-ին.
  53. ↑ «Alexander Rybak :: "Christmas Tales" – New Album!». Արխիվացված օրիգինալից 2013 թ․ ապրիլի 5-ին. Վերցված է 2013 թ․ մարտի 28-ին.
Վիքիպահեստն ունի նյութեր, որոնք վերաբերում են «Ալեքսանդր Ռիբակ» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ալեքսանդր_Ռիբակ&oldid=10184630» էջից