Բուենոս Այրեսի համալսարան

Բուենոս Այրեսի համալսարան
Տեսակ	հասարակական համալսարան և ազատ հասանելիության հրատարակություն
Կարգախոս	Argentum virtus robur et studium
Հիմնադրված է	1821
Հիմնադրիր	Martín Rodríguez? և Bernardino Rivadavia?
Ռեկտոր	Ricardo Gelpi?
Ուսանողներ	311,175 (2004)
Դասախոսներ	28,943 (2004)
Երկիր	Արգենտինա
Տեղագրություն	Բուենոս Այրես
Կայք	www.uba.ar
	Բուենոս Այրեսի համալսարան (Արգենտինա) Բուենոս Այրեսի համալսարան, Արգենտինա
	Universidad de Buenos Aires Վիքիպահեստում

Բուենոս Այրեսի համալսարան (իսպ.՝ Universidad de Buenos Aires, UBA), Արգենտինայի ամենամեծ և Լատինական Ամերիկայի երկրորդ մեծ համալսարանը։

Պատմություն

Հիմնադրվել է 1821 թվականի օգոստոսի 12-ին Բուենոս Այրեսում։ Համալսարանը բաղկացած է 13 ֆակուլտետներից, 6 հոսպիտալից, 10 թանգարանից և կապակցված է 4 բարձրագույն դպրոցներից՝ Բուենոս Այրեսի ազգային դպրոց, Կառլոս Պելեգրինիի անվան բարձրագույն կոմերցիոն դպրոց, Ազատ միջնակարգ դպրոց և Գյուղատնտեսության և սննդամթերքի արտադրության տեխնիկական մասնագիտական դպրոց։

Ընդունելությունը բաց է միջնակարգ կրթությամբ ցանկացած անձի համար, հիմնականում այն ուսանողները, ովքեր բարեհաջող ավարտել են բարձրագույն դպրոցը, պետք է հանձնեն նաև CBC, Ciclo Básico Común (ընդհանուր հիմնական շրջան), որից հետո ուսանողը կարող է ընդունվել իր ընտրած դպրոցը, իսկ մինչ դա պետք է հաճախեն դասընթացների տարբեր մասնաշենքերում շուրջ 3 տարի՝ 6 կամ 7 առարկա ուսանելու համար (որը կախված է ընտրված ուսուցման ծրագրից)։ Յուրաքանչյուր առարկայի ուսուցումը տևում է 1 կիսամյակ (մարտ-հուլիս կամ օգոստոս-նոյեմբեր)։ Եթե անձը 6 առարկաները հաղթահարում է համապատասխան կիսամյակում, CBC տևում է 1 տարի։ Տնտեսագիտության գծով ուսանողները 2-ամյա ընդհանուր շրջան են անցնում, "CBG" (ընդհանուր հիմնական շրջան) բաղկացած է 12 առարկայից։

Բուենոս Այրեսի համալսարանը կենտրոնական համալսարանական տարածք չունի։ Ciudad Universitaria-ը (համալսարանական քաղաք) սկսեց գործարկվել 1960-ական թվականներից, սակայն այստեղ տեղակայված են միայն երկու դպրոց, մնացածները գտնվում են Բուենոս Այրեսի տարբեր վայրերում։

Բուհի ընդունելությունն անվճար է, այդ թվում և օտարերկրացիների համար։ Հետբուհական ծրագրերի ուսման վճարները բարձր ակադեմիական առաջադիմությամբ ուսանողների համար կարող են վճարվել կրթաթոշակներով։

Համալսարանն ունի 4 Նոբելյան մրցանակակիր, համարվում է իսպանախոս աշխարհի առաջատար կառույցներից մեկը։ Ըստ Համալսարանական համաշխարհային վարկանիշի (2015/2016) Բուենոս Այրեսի համալսարանն աշխարհի համալսարանների շարքում դասվում է 124-րդը, առաջատար համալսարանների շարքում՝ 46-րդը^[5]։

Դպրոցներ

Համալսարանի մաս կազմող դպրոցներ՝

Ciclo Básico Común
Facultad de Psicología (հոգեբանություն)
Facultad de Ingeniería (ճարտարագիտություն)
Facultad de Odontología (ատամնաբուժություն)
Facultad Farmacia de y Bioquímica (դեղագիտություն և կենսաքիմիա)
Facultad de Filosofía y Letras (փիլիսոփայություն և գրականություն)
Facultad de Derecho (իրավագիտություն)
Facultad de Medicina (բժշկագիտություն)
Facultad de Ciencias Sociales Արխիվացված 2005-08-22 Wayback Machine (սոցիալական գիտություններ)
Facultad de Veterinaria (անասնաբուժություն)
Facultad de Agronomía (գյուղատնտեսություն)
Facultad de Ciencias Económicas (տնտեսագիտություն)
Facultad de Ciencias Exactas y Naturales (ճշգրիտ և բնական գիտություններ)
Facultad de Arquitectura, Diseño y Urbanismo (ճարտարապետություն, դիզայն և ուրբանիզմ)

Ciudad Universitaria տարածքում գտնվում են միայն վերջին երկու դպրոցները, Núñez համալսարանական տարածքը գտնվում է Բունեոս Այրեսի հյուսիսային հատվածում։ Մյուս դպրոցները գտնվում են քաղաքի տարբեր շինություններում։ Նախատեսվում է ավելի շատ դպրոցներ ներգրավել Ciudad Universitaria տարածքում, հատկապես հոգեբանական դպրոցը, որի շենքի նախագիծն արդեն տեսլականում է։

Հայտնի շրջանավարտներ

Չե Գևարա, հեղափոխական առաջնորդ
Էսթեր Հերմիթ, մարդաբան
Ալեխանդրո Բուլղերոնի, նավթի միլիարդատեր^[6]
Խուան Կաբրալ, կինոռեժիսոր
Ալբերտո Պրեբիշ, ճարտարապետ
Ռաուլ Պրեբիշ, տնտեսագետ
Տրեսա Ռատո, բժիշկ
Լուիս Ագոտե, բժիշկ
Սալվադոր Մասիա, բժիշկ, քաղաքական գործիչ
Ինես Մոնիկա Վեյնբերգ դե Ռոկա, փաստաբանը, Ռուանդայի միջազգային քրեական դատարանի նախկին դատավոր
Խուան Ռոսայ, բժիշկ, իտալական ծագմամբ ամերիկացի վիրաբույժ-ախտաբան
Լուիս Մորենո Օկամպո, փաստաբան, իրավաբան, Միջազգային քրեական դատարանի գլխավոր դատախազ
Խուլիո Կորտասար, գրող
Խոսե Լուիս Մուրատուրե, Արգենտինայի արտաքին գործերի նախարար
Ռիչարդ Տոմլինսոն, Մեծ Բրիտանիայի նախկին լրտես
Ռաֆայել Վինյոլի, ուրուգվացի ճարտարապետ
Դիանա Ագրեստ, ճարտարապետ-տեսաբան
Կլաուդիո Վեկստեին, հասարակական ճարտարապետությամբ մասնագիտացված ճարտարապետ
Կլորինդո Տեստա, ճարտարապետ, նկարիչ
Պատրիսիս Պոչուլու, ճարտարապետ, մանկավարժ
Ալբերտո Կալդերոն, մաթեմատիկ
Լուիս Կաֆարելի, մաթեմատիկ
Թեոդոսիո Սեզար Բրեա, իրավաբան, Allende & Brea հիմնադիր

Համալսարանի հետևյալ նախկին ուսանողներն ու պրոֆեսորները արժանացել են Նոբելյան մրցանակի՝

Կառլոս Սաավեդրա Լամաս, Խաղաղության Նոբելյան մրցանակակիր, 1936 թ.
Ադոլֆո Պերես Էսկիվել, Խաղաղության Նոբելյան մրցանակակիր, 1980 թ.
Բերնարդո Ուսայ, Ֆիզիոլոգիայի և բժշկության Նոբելյան մրցանակակիր, 1947 թ.
Լուիս Ֆեդերիկո Լելուար, Քիմիայի Նոբելյան մրցանակակիր, 1970 թ.
Սեզար Միլշտեյն, Ֆիզիոլոգիայի և բժշկության Նոբելյան մրցանակակիր, 1984 թ.

Բուենոս Այրեսի համալսարանն են ավարտել Արգենտինայի հետևյալ նախագահները։

Կառլոս Պելեգրինի (1890-1892 թթ., Ազգային ինքնավար կուսակցություն), իրավաբան
Լուիս Սանյես Պենյա (1892-1895 թթ., Ազգային ինքնավար կուսակցություն), իրավաբան
Մանուել Կինտանա (1904-1906 թթ., Ազգային ինքնավար կուսակցություն), իրավաբան
Ռոկե Սանյես Պենյա (1910-1914 թթ., Ազգային ինքնավար կուսակցություն), իրավաբան
Վիկտորինո դե լա Պլասա (1914-1916 թթ., Ազգային ինքնավար կուսակցություն), իրավաբան
Իպոլիտո Իրիգոյեն (1916-1922 թթ., 1928-1930 թթ., Արմատական քաղաքացիական միություն), իրավաբան
Մարսելո Տորկուատո դե Ալվեար (1922-1928 թթ., Արմատական քաղաքացիական միություն), իրավաբան
Ավգուստին Պեդրո Խուստո (1932-1938 թթ., "Concordancia" Արմատական քաղաքացիական միություն, Ազգային ինքնավար կուսակցություն), ինժեներ
Ռոբերտո Մարսելինո Օրտիս (1938-1942 թթ., "Concordancia" Արմատական քաղաքացիական միություն, Ազգային ինքնավար կուսակցություն), իրավաբան
Ռամոն Կաստիլո (1942-1943 թթ., "Concordancia" (Արմատական քաղաքացիական միություն, Ազգային ինքնավար կուսակցություն), իրավաբան
Արթուրո Ֆրոնդիսի (1958-1962 թթ., Անզիջում արմատական քաղաքացիական միություն), իրավաբան
Արթուրո Ումբերտո Իլյա (1963-1966 թթ., Արմատական քաղաքացիական միություն), բժիշկ
Ռաուլ Ալֆոնսին (1983-1989 թթ., Արմատական քաղաքացիական միություն), իրավաբան
Ադոլֆո Ռոդրիգես Սաա (2001 թ., Արդարադատության կուսակցություն), իրավաբան
Էդուարդո Դուալդե (2002-2003 թթ., Արդարադատության կուսակցություն), իրավաբան