Լեոնիդ Դավիդենկո

Լեոնիդ Դավիդենկո
Ծնվել է	մայիսի 9, 1941
Ծննդավայր	Մինսկ, Բելառուսական ԽՍՀ, ԽՍՀՄ
Վախճանվել է	հոկտեմբերի 28, 2002 (61 տարեկան)
Մահվան վայր	Մինսկ, Բելառուս
Քաղաքացիություն	ԽՍՀՄ և Բելառուս
Կրթություն	Բելառուսի արվեստի պետական ակադեմիա (1967)
Մասնագիտություն	քանդակագործ և նկարիչ
Ուսուցիչ	Q13032947?, Gennady Muromtsev?, Անդրեյ Բեմբել և Anatol Anikeychyk?
Աշակերտներ	Aleksandr Finsky?, Sergey Bondarenko?, Uladzimir Slabodchykaŭ?, Konstantin Selikhanov? և Maksim Piatruĺ?
Անդամակցություն	Բելառուսի նկարիչների միություն
	Leonid Davidenko Վիքիպահեստում

Լեոնիդ Դավիդենկո (ռուս.՝ Давиденко, Леонид Григорьевич, մայիսի 9, 1941(1941-05-09), Մինսկ, Բելառուսական ԽՍՀ, ԽՍՀՄ - հոկտեմբերի 28, 2002(2002-10-28), Մինսկ, Բելառուս), բելառուս խորհրդային քանդակագործ, գեղանկարիչ, գծագրիչ և մանկավարժ։

Կենսագրություն

Նկարչական առաջին հմտությունները ստացել է Մինսկի «Պիոներների տան» կերպարվեստի ստուդիայում, հայտնի բելառուս նկարիչ և դասավանդող Սերգեյ Կատկովի մոտ։

1959 թվականին ընդունվել է Մինսկի գեղարվեստի ուսումնարան։ Սովորել է Գ. Մուրոմցևի մոտ։

1962 թվականին չավարտելով ուսումնարանը, հաջողությամբ հանձնել է Բելոռուսի պետական թատերա-գեղարվեստական համալսարանի ընդունելության քննությունները, որտեղ նրա ուսուցիչները հայտնի բելառուս քանդակագործներ Անդրեյ Բեմբելը և Անատոլի Անիկեյչիկն էին։

1967 թվականին Անդրեյ Բեմբելի գլխավորությամբ Լեոնիդ Դավիդենկոն կատարել է դիպլոմային աշխատանք` ծառի վրա քանդակելով «Բերք» բարձրաքանդակը։

1968 թվականին սկսել է դասավանդել Իվան Ախրեմչիկի անվան Մինսկի կերպարվեստի և երաժշտության գիշերօթիկ դպրոցի քանդակագործության բաժնում։ Մանկավարժական մեծ ներդրում է ունեցել բելառուսական քանդակագործության դպրոցի զարգացման գործում։

1968 թվականից սկսել է մասնակցել հանրապետական և համաշխարհային նկարչական ցուցահանդեսների։

1979 թվականին «Երիտասարդը սկյուռիկի հետ» քանդակը ցուցադրվել է Լոնդոնի ցուցահանդեսում։

Մահացել է 2002 թվականի հոկտեմբերի 28-ին, 62 տարեկան հասակում, Մինսկում։

Ստեղծագործություններ

«Ջրաշուշան» (1970-ական թվականներ)
«Երիտասարդը սկյուռիկի հետ» (1970-ական թվականներ)
«Մայր և որդի» (1980-ական թվականներ)
«Նրբություն» (1980-ական թվականներ)
«Ամառ», շատրվան Մինսկի հաղթանակի պողոտայում
«Սիմոն-երաժշտություն», Բելառուսի կոնսերվատորիային կից երաժշտական լիցեյ
«Տիկինը սև հագուստով», Նեսվիժ
«Լյուբավա», Քիշնևի կենտրոնային այգի, Մոլդովա

Լեոնիդ Դավիդենկոյի ստեղծագործությունները գտնվում են Բելառուսի ազգային գեղարվեստական թանգարանում, Տրետյակովյան պատկերասրահում (Մոսկվա), Ռուսական պետական թանգարանում (Սանկտ Պետերբուրգ)^[1]։

Հիշատակ

2013 թվականի հունվարի 15-ից մինչև փետրվարի 2-ը Մինսկի ժամանակակից կերպարվեստի թանգարանում անց է կացվել «Փայտե քանդակի ներդաշնակությունը» ցուցահանդեսը, որը նվիրվել է քանդակագործ Լեոնիդ Դավիդենկոյի հիշատակին^[2]։

Ծանոթագրություններ

↑ «И. А. Артимович. Знаменитые люди Гимназии-колледжа искусств им. И. О. Ахремчика. Давиденко Леонид Григорьевич». Արխիվացված է օրիգինալից 2014 թ․ փետրվարի 28-ին. Վերցված է 2014 թ․ փետրվարի 28-ին.
↑ «Музей современного изобразительного искусства. Выставка памяти Леонида Давиденко». Արխիվացված է օրիգինալից 2014 թ․ մարտի 7-ին. Վերցված է 2021 թ․ փետրվարի 6-ին.

Արտաքին հղումներ

В Минске открылась выставка «Сумоўе драўлянай скульптуры» памяти Леонида Давиденко Արխիվացված 2014-03-04 Wayback Machine

[1] «И. А. Артимович. Знаменитые люди Гимназии-колледжа искусств им. И. О. Ахремчика. Давиденко Леонид Григорьевич». Արխիվացված է օրիգինալից 2014 թ․ փետրվարի 28-ին. Վերցված է 2014 թ․ փետրվարի 28-ին.

[2] «Музей современного изобразительного искусства. Выставка памяти Леонида Давиденко». Արխիվացված է օրիգինալից 2014 թ․ մարտի 7-ին. Վերցված է 2021 թ․ փետրվարի 6-ին.

[1]

[2]