Cusòrn

Vilatge d'Occitània

Cusòrn
Cuzorn

Lo castèl de Cusòrn.

Geografia fisica

Coordenadas

44° 32′ 45″ N, 0° 56′ 56″ E

Superfícia

23,34 km²

Altituds
· Maximala
· Mejana
· Minimala

242 m
100 m
76 m

Geografia politica

Guiana Agenés

França

Le Fumélois (Fumèl avant 2015)

Intercom
244700431

CC de Fumèl Val d'Òut

Cònsol

Didier Caminade
(2020-2026)

Geografia umana

Populacion
Populacion totala
(2018)

850 ab.

Evolucion de la populacion

868 ab.

Densitat

37,15 ab./km²

Autras informacions

Còde postal

47500

Còde INSEE

47077

Cusòrn, [ky'zɔr] (veire la partida Toponimia), (Cuzorn en francés) es una comuna agenesa ^[1], situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Perimètre del territòri

Comunas confrontantas de **Cusòrn**
Gavaudun	Blancafòrt de Briolança
Salas		Sent Front de Lemança
Montsempronh e Libòs		Fumèl

Toponimia

Las fòrmas ancianas son nombrosas : Cuzornio (parrochia de ~), al sègle XIII, Cuzornio (par. Sancti Martini de ~), al sègle XIII, Cuzornium (apud ~), al sègle XIII, Cuzornio (par. de ~), videlicet Sancti Martini, al sègle XIII,Cuzorn (par. Sancti Martini de ~), al sègle XIII, Cuzorn (apud ~), en 1259, Cuzorn (castrum de ~), en 1271, Cusorn (castrum de ~), en 1271, Cuzorn (Viviani de ~), en 1291, Cuzornio (castri de ~), en 1293, Cusorno (ecclesia Sancti Martini de ~), en 1317, Cusornio (capella de ~), en 1326, Cusorn, en 1362, Cosoron, en 1363, Cusornio, en 1520 ^[2].

La prononciacion es [ky'zɔr] ^[2] e pr'aquò Bénédicte Boyrie-Fénié causís la grafia Cusorn, coma se foguèsse [ky'zur], per de rasons d'etimologia supausada. La grafia Cutsòrn, presenta dins l'istoric d'aqueste article, correspond pas a las fòrmas ancianas e sembla una fantasiá personala. La grafia deu respectar la fòrma orala, tot en gardant la consonanta finala muda, çò que mena obligatòriament a Cusòrn.

Dauzat e Rostaing explican lo nom de Cusòrn per un tèma idronimic, *Cūs-, ambe'l sufixe prelatin -ŭrnum ^[3]. Negre, citat per Bénédicte Boyrie-Fénié, imagina una varianta del mot occitan cusòl, « cauna, cabana clujada, cajaròca », mot d'origina gallesa, derivat de cusa « cauna, balma ». Bénédicte Boyrie-Fénié part del sufixe -ŭrnum, que deuriá normalament donat o barrat e non pas ò dubèrt. L'influéncia de -r- poiriá dubrir la vocala, a la rigor. Aquí perqué la toponimista pren lo risque de causir, contra la prononciacion constatada, una grafia *Cusorn. La grafia de 1363, Cosoron, poiriá menar a cusorone(m), de cūsor, « monedièr », ambe'l sufixe -one(m). Mas aquò supausa una remontada de l'accent, lo mot es pas atestat en toponimia e la mencion de 1363 es sola^[2].

Istòria

Administracion

Lista dels cònsols successius
Periòde		Identitat	Etiqueta	Qualitat
març de 2008	2026	Didier Caminade ^[4]	divèrs drecha	cap d'entrepresa, president de la CC
març de 2001	2008	Christian Rabot		agricultor
març de 1977	2001	Robert Carnejac
1925	1977	François Delpon
1919	1925	Jean Fabre
	1919
Totas las donadas non son pas encara conegudas.