Sent Maurici de Lestapèl

Vilatge d'Occitània

Sent Maurici de Lestapèl
Saint-Maurice-de-Lestapel

Armas

Geografia fisica

Coordenadas

44° 34′ 29″ N, 0° 34′ 09″ E

Superfícia

7,79 km²

Altituds
· Maximala
· Mejana
· Minimala

170 m
144 m
84 m

Geografia politica

Guiana Agenés

França

Lo Naut Agenés Perigòrd (Cancor avant 2015)

Intercom
244701371

CC de las Bastidas en Naut Agenés Perigòrd

Cònsol

Marie-Christine Biche
(2020-2026)

Geografia umana

Populacion
Populacion totala
(2018)

104 ab.

Evolucion de la populacion

108 ab.

Densitat

14,25 ab./km²

Autras informacions

Còde postal

47290

Còde INSEE

47259

Sent Maurici de Lestapèl ^[1]^,^[2] o Sent Maurici de l'Estapèl (Saint-Maurice-de-Lestapel en francés) es una comuna agenesa situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Perimètre del territòri

Comunas confrontantas de **Sent Maurici de Lestapèl**
Serinhac del Puègbodon per un qüadripunt	Montauriol
Sigalars		Lograta
Montvièlh	Molinet	Cancor

Toponimia

La prononciacion observada es [,semmaw'rise de ,lestapɛl], la qu'es recomandada es [,semmaw'risi de ,lestapɛl]. Las fòrmas ancianas son : ecclesia Sancti Mauricii prope Montem aurioli, en latin, en 1308, capella Sancti Mauricii, en latin, en 1326, r. Sancti Mauricii, en latin, en 1520, Saint Maurice d'Aurignac, près Castillonès, en francés, en 1597^[1].

Sent Maurici

Mauritius o Mauricius, nom latin, es lo cap de la legion tebana martirizat a Agaune en 286^[3]^,^[1].

Segon Bénédicte Boyrie-Fénié, la fòrma del nom es segura : es Mauricius [e non pas Mauritius] pr'amor de la règla [kj] > [s], [tj] intervocalic > [z]^[1]. L'argument es sense valor, estant que coneissèm pas que lo nom francés recent e lo nom latin, que son convencionals. Lo nom occitan istoric es perdut. Per exemple, podèm trobar en Nauta Vinhana Sent Mauseris, emb [z] e pus près, [semmaw'rezi], donc Sent Mauresi, comuna de La Francesa, Tarn e Garona^[4].

Lestapèl

Lestapèl es un riu. Son nom foguèt ajustat al nom de la comuna en 1937. Bénédicte Boyrie-Fénié religa son nom al mot occitan tap e a sos derivats o diminutius tapet, taparlet, taparèl. Lo poèta occitan Ferdinand Costes, nascut a Molinet emplegava lo mot tapurlet. L'article masculin plural es les, prononciat [lej]. Bénédicte Boyrie-Fénié explica Lestapèl per les tapèls (equivalent a : les tapets) : lo riu seriá lo riu dels tapèls, prononciat [dejta'pɛl] o [dehta'pɛl]^[1].

N.B. L'article plural unic lei, per las e los, se tròba en Petita Gavachariá e a poscut s'espandir en Brageiragués. Lo passatge per l'article les [lej] es problematic dins l'explicacion de B. Boyrie-Fénié. Lo nom del riu es pas *Leitapèls. Les tapèls es una fòrma qu'a probablament jamai existit. L'evolucion seriá puslèu lo riu dels tapèls (avant la prononciacion dei tapèls) > lo riu d'Estapèl(s) > Estapèl > l'Estapèl > Lestapèl.

Istòria

Lo 4 d'abril de 1972 Sent Maurici de Lestapèl foguèt annexat a Cancor. La comuna foguèt restablida lo 16 d'abril de 1979.^[5]

Administracion

Lista dels cònsols successius
Periòde		Identitat	Qualitat
2020	2026	Marie-Christine Biche
1995	2020	Bernard Ricci	maçon
1981	1995	Lucien Constantin
1953	1981	Roger Fort
1944	1953	Jean Paul Auzelly
1943	1944	André Brousse
1942	1943	Jean Auzelly
1934	1942	Fernand Papou
1922	1934	Jean Rémi Bonnefin
1920	1922	Fernand Delard
1903	1920	Emile Dauta
1888	1903	Antoine Girou
1884	1888	Jean Rivière
?	1884	Jean Perry

1828	1858	Aimé Charrié
1800	1828	Antoine Charrié
1798	1800	Antoine Lassaigne
1796	1798	Antoine Charrié
1794	1796	Jean Brugère
1792	1794	Antoine Charrié^[6]
Totas las donadas non son pas encara conegudas.