Бэрыслаў

Не блытаць з Барыслаў.

Горад Бэрыслаў укр.: Берислав Герб Сцяг Краіна Украіна Вобласць Херсонская вобласць Раён Бэрыслаўскі раён Каардынаты 46°50′00″ пн. ш. 33°25′00″ у. д. Заснаваны 1784 Першая згадка XV ст. Ранейшыя назвы Вітаўтава мытня, Кызыкэрмэн, Таванская пераправа Горад з 1938 Плошча 9 км² Вышыня цэнтра 45 м Водныя аб’екты Дняпро Насельніцтва 1200 чалавек (2024) Часавы пояс UTC+2, летам UTC+3 Паштовыя індэксы 74300 Аўтамабільны код BT і НТ / 22 Бэрыслаў на карце Украіны ±

Медыяфайлы на Вікісховішчы

Бэрыслаў (укр.: Берисла́в) — горад у Бэрыслаўскім раёне Херсонскай вобласці Украіны. Уваходзіць у Спіс гістарычных населеных мест Украіны як самае старажытнае паселішча вобласці.

Гісторыя

Заснаваны ў пачатку XV ст. вялікім літоўскім князем Вітаўтам як крэпасць і дзяржаўная мытня пад назвай «Вітаўтава мытня» амаль на крайнім паўднёвым усходзе Вялікага княства Літоўскага.

У сярэдзіне XV ст. заняты крымскімі татарамі, а ў канцы XVI ст. — туркамі, якія пабудавалі тут некалькі крэпасцяў, адной з якіх была Кызыкэрмэн для абароны Крымскага ханства і Асманскай імперыі ад запарожскіх казакоў. У 1695 г. крэпасць узялі казацкія паліцы гетмана Івана Мазепы. Старажытная запарожская назва паселішча — Таванская пераправа, якая ўтварылася ад назвы выспы Тавань.

Пасля руска-турэцкай вайны далучаны да Расіі (1774 г.), амаль цалкам разбураны. У 1784 г. на руінах Кызыкэрмэна адноўлены горад пад цяперашняй назвай.

У міжваенны перыяд Бэрыслаў меў статус пасёлка гарадскога тыпу, быў адміністрацыйным цэнтрам Бэрыслаўскага пасялковага савета Бэрыслаўскага раёна Адэскай вобласці УССР.

Вядомыя асобы

• Віктар Іванавіч Сахно (1938—2007) — беларускі архітэктар.

Літаратура

• Берисла́в // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 68. — 592 с. — 210 000 экз. — ISBN 5-85270-057-6.

Спасылкі

• На Вікісховішчы ёсць медыяфайлы па тэме Бэрыслаў