Джудзі Халідэй

Джудзі Халідэй
Дата нараджэння	21 чэрвеня 1921(1921-06-21)[…]
Месца нараджэння	Нью-Ёрк, штат Нью-Ёрк
Дата смерці	7 чэрвеня 1965(1965-06-07)[…] (43 гады)
Месца смерці	Нью-Ёрк, штат Нью-Ёрк, ЗША
Месца пахавання	Уэстчэстэр-Хілз[d]
Грамадзянства	ЗША
Муж	Дэвід Апэнхайм[d]
Дзеці	Джонатан Апэнхайм[d]
Прафесія	спявачка, джазвумен, тэатральная актрыса, кінаактрыса, актрыса
Кірунак	традыцыйная поп-музыка[d]
Узнагароды	прэмія «Тэатральны свет»[d] (1945) прэмія «Тоні» за найлепшую жаночую ролю ў мюзікле[d] (1957) зорка на галівудскай «Алеі славы» Donaldson Awards[d]
IMDb	ID 0391062
Медыяфайлы на Вікісховішчы

Джудзі Халідэй (англ.: Judy Holliday, народжаная Джудзіт Тувіма (англ.: Judith Tuvim; 21 чэрвеня 1921 — 7 чэрвеня 1965) — амерыканская актрыса, уладальніца прэміі «Оскар» за лепшую жаночую ролю.

Біяграфія

Халідэй нарадзілася ў Нью-Ёрку ў сям'і яўрэяў — выхадцаў з Расійскай імперыі. У снежні 1938 года яна перавяла сваё прозвішча Тувіма на англійскую як Халідэй і пачала выступаць у начных клубах у складзе камічнага квартэта The Revuers. Поспех быў такі, што неўзабаве ёй было прапанавана здымацца ў кінастужках.

Нягледзячы на запамінальную ролю ў камедыі «Рабро Адама» (1949), на працягу 1940-х гадоў Халідэй працягвала працаваць на Брадвеі. Асаблівым поспехам сярод яе рэпертуару карыстаўся спектакль «Народжаная ўчора». Калі ў 1950 годзе паўстала пытанне аб яго пераносе на вялікі экран, выканаць загалоўную ролю было прапанавана менавіта Халідэй. За гэтую працу ёй былі прысуджаны прэміі «Залаты глобус» і «Оскар» — нягледзячы на наяўнасць у тым годзе такіх сур'ёзных саперніц, як Глорыя Свенсан («Бульвар Сансет») і Бэці Дэвіс («Усё пра Еву»).

Незвычайны поспех Халідэй выклікаў падазрэнні макартыстаў, і ФБР пачало расследаванне яе меркаваных сувязяў з камуністамі. Яе імя згадвалася ў «Чорным спісе» Галівуда. Гэтая шуміха у сутнасці падарвала яе кінакар'еру, хоць ніякага кампрамату на Халідэй выяўлена не было.

Працягваючы кар'еру на падмостках Брадвея, Халідэй выйграла ў 1957 годзе прэмію «Тоні» за ролю ў мюзікле «Званы звіняць», а тры гады пазней выканала яе ў кінаверсіі мюзікла.

Актрыса памерла ад раку грудзей ва ўзросце 43 гадоў. Пахавана на могілках Вестчэстэр-Хілз у Нью-Ёрку. За свой уклад у кінаіндустрыю ЗША ўдастоена зоркі на Галівудскай алеі славы.