Этэль Мерман

Этэль Мерман
Ethel Merman
Дата нараджэння	16 студзеня 1908(1908-01-16)[…]
Месца нараджэння	Асторыя, Куінс, Нью-Ёрк, штат Нью-Ёрк, ЗША
Дата смерці	15 лютага 1984(1984-02-15)[…] (76 гадоў)
Месца смерці	Манхэтэн, Нью-Ёрк, штат Нью-Ёрк, ЗША
Месца пахавання	Shrine of Remembrance[d]
Грамадзянства	ЗША
Муж	Эрнест Баргнайн, Robert Six[d] і Robert Daniels Levitt[d]
Дзеці	Ethel Levitt Geary[d] і Robert Levitt Jr.[d]
Адукацыя	William Cullen Bryant High School[d]
Прафесія	актрыса, музыка
Кар’ера	1930—1982
Кірунак	поп-музыка
Узнагароды	«Залаты Глобус» (1954), «Тоні» (1951)
IMDb	0581062
Медыяфайлы на Вікісховішчы

Time on My Hands (1932)

Этэль Мерман (англ.: Ethel Merman; 16 студзеня 1908, Нью-Ёрк, ЗША — 15 лютага 1984, Нью-Ёрк, ЗША) — амерыканская актрыса і спявачка, адна з самых знакамітых брадвейскіх выканаўцаў XX стагоддзя.

Біяграфія

Этэль Агнес Цымерман нарадзілася ў раёне Асторыя ў Нью-Ёрку 16 студзеня 1908 года ў сям’і бухгальтара Эдварда Цымермана і яго жонкі Агнес Гарднер, якая была школьнай настаўніцай. Сваю кар’еру яна пачала ў якасці спявачкі ў вадэвілях і да канца 1930-х гадоў, дзякуючы свайму магутнаму мецца-сапрана, стала вядучай выканаўцай у брадвейскіх мюзіклах. Яе кінадэбют адбыўся ў 1930 годзе і ў наступныя гады яна з’явілася ў шматлікіх музычных фільмах і камедыях, сярод якіх найбольш вядомымі сталі «Не апранаючыся» (1934), «Рэгтайм Бенд Аляксандра» (1938), «Назавіце мяне мадам» (1953), «Гэта не справа!» (1954), «Гэты вар'яцкі, вар'яцкі, вар'яцкі, вар'яцкі свет» (1963) і «Аэраплан!» (1980). За свой унёсак у кінематограф Мерман была ўганаравана зоркай на галівудскай алея славы.

Сярод брадвейскіх пастановак найбольш вядомымі з яе ўдзелам сталі «Назавіце мяне мадам» у 1951 годзе, за ролю ў якім яна атрымала прэмію «Тоні», і «Цыганка» ў 1959 годзе, дзе Этэль згуляла маці гераіні Джыпсі Розы Лі. Этэль працягвала шмат выступаць на Брадвеі да 1970 года, калі вырашыла пакінуць на зусім тэатральную сцэну. Яе апошняй роляй стала Долі Леві ў мюзікле «Вітаю, Долі!», які першапачаткова быў напісаны спецыяльна для яе.

Мерман чатыры разы была замужам. Разам з другім мужам, Робертам Левітам, яны мелі двух дзяцей. Яе апошнім мужам быў акцёр Эрнест Боргнайн, з якіх яна абралася шлюбам у 1964 годзе і развялася праз месяц. У красавіку 1983 года ў Этэль была дыягнаставана гліябластома і неўзабаве ёй была праведзена аперацыя па выдаленні пухліны. Але праз некалькі месяцаў у яе пачаліся метастазы і 15 лютага 1984 года яна памерла.

Узнагароды

• Тоні (1951) — «Найлепшая актрыса ў мюзікле» («Назавіце мяне мадам»)
• Залаты Глобус (1954) — «Найлепшая актрыса ў музычным фільме або камедыі» («Назавіце мяне мадам»)

Спасылкі

• На Вікісховішчы ёсць медыяфайлы па тэме Этэль Мерман
• Этэль Мерман на сайце «Internet Movie Database» (англ.)
• Этэль Мерман на сайце «Internet Broadway Database» (англ.)