George Weah

George Weah
	; (2019) Irudi gehiago
25. Liberiako presidente
; UNICEFen borondate oneko enbaxadorea
Member of the Senate of Liberia (en)
Bizitza
Jaiotzako izen-deiturak	George Manneh Oppong Weah
Jaiotza	Monrovia, 1966ko urriaren 1a (58 urte)
Herrialdea	Liberia ; Frantzia 2005eko apirilaren 27a); Frantzia (2015eko ekainaren 10a -
Lehen hizkuntza	ingelesa
Familia
Ezkontidea(k)	Clar Marie Weah (en)
Seme-alabak	ikusi Timothy Weah; George Weah Jr. (en) ;
Familia	ikusi Christopher Wreh (en) (izter-lehengusu);
Hezkuntza
Heziketa	DeVry University (en)
Hizkuntzak	ingelesa; frantsesa
Jarduerak
Jarduerak	futbolaria eta politikaria
Ibilbidea
	Parte-hartzailea 1996 African Cup of Nations (en) ; 2002 African Cup of Nations (en) ;
Posizio edo espezialitatea	aurrelaria
Pisua	83 kilogramo
Altuera	182 zentimetro
Jasotako sariak	ikusi Urrezko Baloia ; Arthur Ashe Courage Award ;
Sinesmenak eta ideologia
Erlijioa	kristautasuna
Alderdi politikoa	Congress for Democratic Change (en)

George Tawlon Manneh Oppong Ousman Weah (Monrovia, Liberia, 1966ko urriaren 1a - ) Liberiako politikari eta futbolari ohia da.

Politikari gisa, Liberiako presidente hautatu zuten 2017ko hauteskundetan eta 2018ko urtarrilaren 16an hartu zuen kargua.

Futbolari gisa hamalau urte eman zituen Frantzia, Italia eta Ingalaterrako futbol taldeetan jokatzen eta hiru herrialdeetako bitan txapelketak irabazi zituen. 1995an FIFAk munduko urteko jokalari izendatu zuen, Europako urteko jokalaria, eta Afrikako urteko jokalaria.

Biografia

Liberian hainbat taldetan jokatu zuen: Liberian, Young Survivor, Bongrange Company, Might Barole eta Invincible Eleven taldeetan hain zuzen. Gero Kamerunera joan zen, Tonnerre Yaounde taldeak fitxatuta, eta talde horrekin Kamerungo Liga irabaztea lortu zuen 1988an. Urte horretan bertan Frantziako Ligako Lehen mailako AS Monaco taldeak kontratatu zuen. Monaco taldearekin Frantziako Kopa irabazi zuen 1991n, eta Europako Errekopako txapeldunorde geratu zen hurrengo urtean, Werder Bremen talde alemanaren kontra finala galdu ondoren. Hurrengo denboraldian Paris Saint-Germain taldean hasi zen jokatzen, eta talde harekin Frantziako Liga (1994) eta Kopa (1993 eta 1995) irabazi zituen. 1995ean munduko futbol talde handienetako batek fitxatu zuen, AC Milanek. Talde harekin 1996ko Italiako Liga irabazi zuen. Bestalde, Liberiako selekzioarekin ere askotan jokatu du. Bere kezka sozialengatik UNESCOren munduko enbaxadore izendatu zuen NBE erakundeak. Afrikako jokalari onenaren saria irabazi zuen bi aldiz.

1995ean Nazioarteko Futbol Federazioak (FIFA) urteko jokalari onena hautatu zuen, Paolo Maldini italiarraren eta Jürgen Klinsmann alemanaren aurretik. Futbolaren historiako jokalari onenetakotzat hartua da.

Futbola utzi eta gero, bere herrira itzuli eta politikan hasi zen. 2005ean Liberiako presidente hauteskundeetara aurkeztu zen, baina Ellen Johnson-Sirleafek garaitu egin zuen bigarren itzulian. 2017an berriro aurkeztu eta irabazi zituen, Liberiako presidente hautatuz. Ez zuen berrautatzea lortu 2023an.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q173139
Multimedia: George Weah / Q173139